Vikolwa 6:3 - KITABU KITAKATIFU

³ Avamitu, henzi avandu vatanu na vaviri ku mwinye va mu manya va veye valahi, avizula Roho nobugeeri, ava ku nyala kuvika mu muyinzi yigu.

Vikolwa 6:3 ပူးပေါင်းရင်းမြစ်များ

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Isaya 28:26

Kigira Nyasaye wewe a mu laga nga bulungi, nokumwegidza.

Isaya 28:6

naye a la va roho welikalaga ku uyu wikalanga mu likalaga, kandi a la va tsingulu ku yavo avirannyanga ubulwani ha kiri bwa.

Matayo 23:8

Navutswa mwinye mu ta langwa Rabi mba: kigira mulala a veye mwegidzi wenyu, na mwinye vosi mu veye avamwavo navamwavo.

Yohana 21:23

Kigira yaga livola yili lya landa mu vamwavo, mwegidzwi uyu si a li kudza; navutswa Yesu si ya mu volera, Si a li kudza; navutswa, Ni nyenya a linde nduhe nduke, ki veye kindu ki ku ive?

Vikolwa 1:15

Mu madiku yago Petro ya singira mu vamwavo hagati (va li avandu vosi halala va duka mia indala na makumi gaviri), na a vola,

Vikolwa 1:21

Ku vandu ava hambana na kwinye madiku gosi go Mwami Yesu yingira na a twula hagati hetu,

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 15:23

ni va ng'oda mu makono gavo ndi: Avatumwa navakulundu navamitu, ibarull a yetu ku vamitu ve Tsihiri tsya Antiokia na Siria na Kilikia, mirembe.

Vikolwa 16:2

Naye, avamitu ava li mu Lustra na Ikonio, va mu lolekidza a veye mulahi.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vikolwa 22:12

Kandi mulala u la ngwa Anania, wa tia Nyasaye kuli lilaga, wa Vayuda vosi va menya yo, va lolekidza kuva mulahi,

Vikolwa 28:14

ha kwa nyola avamitu, navo va kwenya ku menye navo madiku gatanu na gaviri: ni ndiyo kwa duka Romi.

Vikolwa 6:2

Ava li likumi na vaviri va langa kiduma kya vegidzwi, ni va vola Si bu li bulahi kwinye ku leke likuva lya Nyasaye ku tumekire mu miima gyetsimeza.

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Vikolwa 6:6

ni va va vika imbiri wa vatumwa, navo lwa va mala kusaala Nyasaye va vika mikono gyavo kuvo.

Vikolwa 9:30

Navamitu lwa va ga manya, va mu sulungutidza Kaisaria, ni va mu tuma a tsie Tariso.

1 Vakorintho 12:8

Kigira mulala a hebwangwa ubugeeri ku Roho; nowundi a hebwangwa limanya, ku Roho zana:

1 Vakorintho 16:3

Kandi lwa nduka ku mwinye, nda tuma yava netsibaruwa ava mu li tovola, kuhila ubuhaani bwenyu kuduka Yerusalemi:

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

Kwidzulitsa 1:13

Mu lete avobugeeri, navelimanya, avomanyekana, kuli tsihiri tsyenyu, na nda va kola kuva mitwe ku mwinye.

1 Timoteo 5:10

wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

3 Yohana 1:12

Demeterio, vosi va mu lolekidza kandi ageligali ga mu lolekidza: yee, kandi kwinye ku mu lolekidza kandi ive u manya lilolekidza lyetu ii veye lyeligali.