Vikolwa 5:41 - KITABU KITAKATIFU

⁴¹ Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Vikolwa 5:41 ပူးပေါင်းရင်းမြစ်များ

Isaya 51:7

Mu hulire inze, mwinye ava manya bulungi, mwinye avelilaga lyange li veye mu myoyo gyenyu; mu ta tia linyega lyavandu, kandi mu ta genya kigira kihenyahenye kyavo.

Isaya 61:10

Nda sangala ligali mu Yahova, mwoyo gwange gu la lola lisangala mu Nyasaye wange; kigira umbiki ingubo yobuhonnyi, u nkuniki ijoho yobulungi, kuli woserereywi yivikanga igudwa yevimuli, kandi kuli mwiha yesyahanga vyokwesyaha vivye vyethahabu.

Isaya 65:14

henza avatumekiri vange va limba kigira ubuyanzi bwemyoyo, navutswa mwinye mu l la lira kigira liverera lyomwoyo muinye mu la kupa tsikwili kigira ubululu bwemyoyo gyenyu.

Isaya 66:5

Mu hulire makuva ga Yahova, mwinye ava degeranga kigira makuva gege: Avamwavo venyu ava dunyira mwinye, ava syuva mwinye kyova kigira lieta lyange, va voye, Yahova a kuminywe, kuduke kulola ubuyanzi bwenyu; navutswa ni yavo va la va isoni.

Luka 6:22

Mu veye nobugasu, mwinye, avandu lwa va li mu dunyira, kandi lwa va li mwesigana, nokumunyega, nokuta lieta lyenyu kuli li veye lidamano, kigira Mwana wa Adamu.

Yohana 15:21

Navutswa yaga gosi va la mu kolera kigira lieta lyange, kigira si va manya wa ntuma.

Vikolwa 21:13

Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

Vikolwa 5:21

Navo lwa va hulira yaga, vingira mu litempeli ni bwenya kukya, ni vegidza. Navutswa musalisi munene yadza, navo ava li naye, ni va vungidza kyina navakulundu vosi va Israeli, kandi va tuma avandu kutsia mu inyumba yavahambe kuvaleta.

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

2 Vakorintho 12:10

Kunangwa nyanzi mu budedekere, mu busaliri, mu budaka, mu lidambidzwa, mu kivi, kigira Kristo: kigira inyinga mbeye mudedekere, nilwo lwa mbeye ne tsingulu.

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

3 Yohana 1:7

kigira va twula kigira Lieta lilye, va vuli kuvugula kindu ku Tsihiri.