Vikolwa 5:31 - KITABU KITAKATIFU

³¹ Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vikolwa 5:31 ပူးပေါင်းရင်းမြစ်များ

Zaburi 89:19

Kunangwa wa volera avatakatifu mu liloto, Na wa vola, Mbiki ubukonyi ku mulala wetsingulu; Nnenehidzi mulala mutovole ku avandu.

Zaburi 89:24

Navutswa ubusuuvirifu bwange na tsimbabasi tsyange tsi la va halala naye; Na mu lieta lyange ulwiga lwilwe lu la kuminywa.

Isaya 43:11

Inze, yee, inze mbeye Yahova; na a ta li inze si ha veye nomuhonnyi.

Isaya 43:3

Kigira inze mbeye Yahova Nyasaye wowo, Mutakatifu wa Israeli, Muhonnyi wowo; mmali kuhaana Egepeti kuva umutungu gugwo, mbaani Ethiopia na Seba kigira ive.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Ezekieli 17:24

Kandi misala gyosi gyekivala gyi la manya ni inze, Yahova, nda gu yavira hasi misala yigwo gwa tambiha, nda gu kuminya umusala ugwa li mukekeke, nzuminyi musala muvisi, nokusingeridza umusala ugwa li ni gwuma: inze, Yahova, mbolanga, inze wa kola inkuva yiyi.

Ezekieli 34:24

Na inze, Yahova, nda va Nyasaye wago, na mutumekiri wange Daudi a la va munene hagati hago; inze, Yahova, mmali kuvola likuva yili.

Ezekieli 37:25

Va la menya mu kivala kya nda ha mutumekiri wange Yakobo, kya vaguga venyu va menya mu; navo va la me nya mukyo, yava, na avana vavo, na visukulu vavo, kazozo: na mutumekiri wange Daudi a la va munene wavo madiku gosi, kuduka mihiga nemihiga.

Danyeli 10:21

Navutswa nda ku volera yaga aga ng'odwa mu mang'oda ageligali: kandi si ha veye nomulala u singira halala na inze ku yavo, na a ta li Mikaeli munene wenyu. Kandi.

Danyeli 9:25

Kunangwa u manye nokuhulira, kutwula inyinga yelihaana munwa kwirannya ubuhya, nokwombaka Yerusalemi, kuduka ku uyu u vakeywi, Munene, ga la va masidza gatano na gaviri, kandi masizda makumi gatano na lilala na tsisuvi tsiviri: li lombakwa kandi, halala netsinzira tsyalyo, nelugaga lwalyo, mu tsinyinga tsyekivi.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Marko 2:10

Navutswa mu duke kumanya Mwana wa Adamu a veye netsingulu mu kivala kusameha ubwoni (ya volera wa fwogoya),

Marko 4:12

lihenza va henza va vula kulola; lihulira va hulira va vula kumanya; gase va leganira va samefwe ubwoni bwavo.

Luka 2:11

kigira lero Muho nnyi wenyu naye a veye Kristo Mwami, wivuleywi mu lidala lya Daudi.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 4:42

Ni va volera mu kali, Kalunu si ku suuvira kigira livola lilyo: kigira kwinye avene ku mali kuhulira, kandi ku manya ligali uyu a veye Muhonnyi wavomkivala.

Vikolwa 11:18

Kandi lwa va hulira yaga va kiring'ana, ni vidzominya Nyasaye, ni va vola, Kali ku Tsihiri, Nyasaye u mali kuvaha Iveganira li leta livamwoyo.

Vikolwa 13:23

Ku likula lyomundu uyu, kuli lilagana lilye, Nyasaye ya letera Israeli Muhonnyi, naye ni Yesu.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 2:36

Kigira yaga avenyumba yosi ya Israeli va manye ligali, Nyasaye u mali kukola Yesu uyu wa mwa bamba, a ve Mwami kandi a ve Kristo.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 3:15

kandi mwiita Munene welivamwoyo; wa Nyasaye ya simugukidza mu vakudzi; kwinye ku veye avaloli ku yaga.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Vikolwa 4:11

A veye ligina lya mwinye avombaki mwa lega, kandi lya lombwa li ve mutwe gwo lwiga.

2 Vakorintho 2:10

Navutswa ku uyu wa mu sameha kindu ku vyosi, inze kandi mmu sameha: kigira kindu kya inze nsamehi, ni mba ni nsamehi kindu ku vyosi, nsamehi kigira mwinye imbiri wa Kristo;

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vafilipi 3:20

Kigira uluhya lwetu lu veye migulu: ha ku henzerera ho Muhonnyi, naye nu Mwami Yesu Kristo:

Vakolosai 1:14

wa ku veye mu nobuhonnyi bwetu, nobusamehi bwobwoni bwetu.

Tito 1:4

ibaruwa yange yiyi i duke ku Tito, mwana wange weligali ku lugano lwelisuuvira lya ku sanga: Tsiznbabasi nemirembe gyi twulanga ku Nyasaye Dada noku Kristo Yesu Muhonnyi wetu.

Tito 2:10

va ta va averondehidzi, navutswa va lang'aminye ubusuuvirifu bulahi bwosi: va duke kusiaha amegidzo ga Nyasaye Muhonnyi wetu ku vindu vyosi.

Tito 2:13

ku henzerere lisuuviridzwa lyobugasu, nelilang'ama lyobukumi bwa Nyasaye munene no Muhonnyi wetu Yesu Kristo;

Vahebraina 12:2

ni ku henza ku Yesu mwimiri nomudukidzi welisuuvira lyetu, uyu kigira ubusangali bwa vikwa imbiri wewe, yekudzira ku musalaba, na a lega tsisoni, ni yikala ku mukono mulungi gwentebeyobwami ya Nyasaye.

Vahebraina 2:10

Kigira bwa li bulahi kuye, wa lomberwa vindu vyosi kandi wevindu vyosi vyadzira kuye mu lileta avana vanyingi va duke mu bukumi, ma a mu kole mudukiru kigira ubusaliri, uyu munene wobuhonnyi bwavo.

1 Petro 3:22

u veye ha mukono mulungi gwa Nyasaye, kigira u viti kutsia kuduka migulu; vi mali kukolwa vikekeke kuye, tsingelosi, navobunene, navetsingulu.

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

2 Petro 1:11

kigira ndiyo mu la hebwa nobuhaani lingira mu bwami bwemihiga nemihiga bwo Mwami wetu Muhonnyi Yesu Kristo.

2 Petro 2:20

Kigira niva inyima yokutwula mu vindu vyekifwabwi kyelirova ku limanya Mwami Muhonnyi Yesu Kristo, ni virana kuhambwa kandi nokuguutwa mukyo, liva lyavo lyenyima li gwiye lidamano kuvita lyembiri.

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.

1 Yohana 4:14

Na kwinye kwa lola kandi ku lolekidza, Dada ya tuma Mwana wewe a ve Muhonnyi wavomkivala.

Yudasi 1:25

ku uyu a veye Nyasaye yeng'ine Muhonnyi wetu, kigira Yesu Kristo Mwami wetu, vi ve kuye ubukumi nobunyali netsingulu nelinyala imbiri wetsinyinga tsyosi, kandi kalunu, kandi kuduka imihiga nemihiga. Amini.

Likunula 1:5

kandi gyi twulanga ku Yesu Kristo, u veye muloli musuuvirifu, nowa tanga kwivulwa wavakudzu, nomunene wavami velirova. Kuye u ku yanzanga, kandi ya ku boholola namasahi gege kutwula mu bwoni bwetu,