Vikolwa 5:14 - KITABU KITAKATIFU

¹⁴ kandi avasuu viri va daswa ligali ku luvega lwo Mwami viduma vyavasatsa nava kali:

Vikolwa 5:14 ပူးပေါင်းရင်းမြစ်များ

2 Samweli 6:19

Na ya haana ku avandu yavo vosi, kuli kuduka ku kiduma kyosi kya Israeli, avasatsa navakali, sa mulala ya hebwa imango indala yobukima, nekidonye kyenyama, na imango yamazabibu. Ma avandu yavo vosi va tsia, sa mulala ya tsia mu inyumba yeye.

Ezara 10:1

Kunangwa inyinga yeyo lwa Ezara ya li na a saalanga nokweyama, nokulira, nokugwa hasi imbiri wenyumba ya Nyasaye, va vugana kuye kutwula mu Israeli vosi livugana linene lyavasatsa navakali navana; kigira avandu yavo va li ni va liranga ligali.

Nehemia 8:2

Ma Ezara musalisi ya leta ama lago, na a ga vika imbiri welivugana Ivavasatsa navakali, na vosi ava nvala kuhulira nokumanya, ku lidiku lyokutanga lyomweli gwa gatano na gyiviri.

Kutwula 35:22

Navo vadza, avasatsa na avakali, vosi ava veye nomwoyo gwobulaliri, na va leta visambo, na tsinono, na tsimingiri, na vinyigi, viju vyosi vyethahabu; sa mulala va leta vindu vyethahabu kihaanwa ku Yahova.

Isaya 45:24

Mulala a vola ku inze, mu Yahova yeng'ine, vi nyoleka ubulungi nobunyali; avandu va la tsia kuye; navo vosi ava mu dunyira va la va isoni.

Vikolwa 11:24

kigira ya li mundu mulahi ni wizula Roho Mutakatifu nelisuuvira: navandu vanyingi va dasika ku luvega lwo Mwami.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

Vikolwa 22:4

Na inze nda dambidza avandu re Nzira yiyi va duke ku likudza, ni mba boha, ni mba vika mu inyumba yavahambe, avasatsa navakali.

Vikolwa 4:4

Navutswa vanyingi kuvo ava hulira likuva va suuvira; kandi livalidza lyavo lya li himbi kuduka tsielfu tsitanu.

Vikolwa 6:7

Likuva lya Nyasaye lya landa; navegidzwi va dasika ligali mu Yerusalemi; nekiduma kinene kyavasalisi kya londa lisuuvira yili.

Vikolwa 8:12

Navutswa lwa va suuvira lilwadza lya Filipu lyamakuva malahi gobwami bwa Nyasaye, na gelieta lya Yesu Kristo, va batidzwa avasatsa navakali.

Vikolwa 8:3

Navutswa Saulo yononnya livugana ligali, ni yingira mu tsinyumba tsyosi, na a hila avasatsa navakali netsingulu na a va vika mu inyumba yavahambe.

Vikolwa 9:2

na a saava tsibaruwa a tsie natsyo Damasko mu masomero, na a va na a lola avandu ve Inzira yiyi, ni va va vasatsa kinga avakali, a duke kuvaleta Yerusalemi va boheywi.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Vikolwa 9:35

Navo ava menya mu Luda nomu Sharoni vosi va mu lola ni va girunkana ni va yeka ku Mwami.

Vikolwa 9:42

Ga duka kumanywa mu lidala lyosi lya Yopa: kandi vanyingi va suuvira Mwami.

2 Vakorintho 6:15

Kandi Kristo a veye nelihambana ki ne Biliali Setani? Kinga u suuviranga a veye nekidieli ki halala no ta suuviranga?

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.