Vikolwa 5:11 - KITABU KITAKATIFU

¹¹ Ubutii bunene bwa duka ku livugana lyosi, noku vosi ava hulira vindu yivi.

Vikolwa 5:11 ပူးပေါင်းရင်းမြစ်များ

Zaburi 89:7

Nyasaye welitihidza mu livugana lyavatakatifu, Nokutibwa kuvita yavo vosi ava mu kumbiridza?

Jeremia 32:40

na nda kola navo lilagana li tsitsagil'la mihiga nemihiga, kuva si nda girunkana kuvaleka mba, nduke kuvakolera ubulahi; na nda vika litibwa lyange mu myoyo gyavo, va vule kuleka inze.

Vikolwa 19:17

Yaga ga manyekana ku vosi Vayuda na Vagreki, ava menya Efeso; kandi vosi va gumirwa nobutii, nelieta lyo Mwami Yesu lidzominywa.

Vikolwa 2:43

Ubutii bwa gumira myoyo gya vosi: kandi vyokugenya vinyingi nevilolekidzu vinyingi vya kolwa navatumwa.

Vikolwa 5:5

Kandi Anania lwa ya hulira amakuva yago ya gwa hasi na a kudza: ubutii bunene bwa duka kuvo vosi ava ga hulira.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Vafilipi 2:12

Kunangwa, avayanze vange mu dukidze ubuhonnyi bwenyu avene nobutii nelidegera, kuli mwa hulira madiku gosi, si ya li inyinga ya nda li ho, navutswa kalunu kuvita ligali inyinga ya nta li ho.

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii:

Likunula 15:4

Ibwaha u vula kutia, O Mwami, nokwidzominya lieta lilyo? Kigira ive u veye mutakatifu weng'ine; kigira tsihiri tsyosi tsi ladza nokusigama imbiri wowo; kigira vikolwa vivyo vilungi vi lang'aminyeywi.