Vikolwa 4:30 - KITABU KITAKATIFU

³⁰ nive kandi u nyire mukono gugwo kuhonnya; kandi vilolekidzu nevyokugenya vi kolwe ku lieta lya Yesu Mutumekiri wowo mutakatifu.

Vikolwa 4:30 ပူးပေါင်းရင်းမြစ်များ

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Jeremia 15:15

O Yahova, u manya; u nzidzulitse, udze ku inze, u mbanzire kisalya ku yavo ava dambidzanga inze; u ta ntwulidza mu lyekudzira lilyo mba: u manye nyola amanyego kigira ive.

Yohana 4:48

Yesu ya mu volera, Mwinye ni mu ta lola vyokulolekidza nevyokugenya si mu li suuvira mba.

Vikolwa 2:22

Mwinye avasatsa va Israeli, mu huliridze amakuva yaga: Yesu wa Nazareti, mundu wa Nyasaye a langaminyi ku mwinye ku vikolwa vyetsingulu nevyokugenya nevilolekidzu, vya Nyasaye ya kola hagati henyu naye, kuli mwinye avene mu manya;

Vikolwa 2:43

Ubutii bwa gumira myoyo gya vosi: kandi vyokugenya vinyingi nevilolekidzu vinyingi vya kolwa navatumwa.

Vikolwa 3:13

Nyasaye wa Abrahamu, nowa Isaka, nowa Yakobo, Nyasaye wavaguga vetu, u kuminyi Mutumekiri wewe Yesu; wa mwa zama nowa mwambakana imbiri wa Pilatu, lwa ya saavira kumuboholola.

Vikolwa 3:16

Kandi lieta lilye, ku lisuuvira ku lieta lilye, li mali kuha mundu uyu tsingulu, wa misuuvira lola nowa mu manya: ligali, lsuuvira li veye ku lieta lilye li mali kumuha ubulamu yibu ubwere imbiri wenyu mwosi.

Vikolwa 3:6

Navutswa Petro ya mu volera, Inze si mbeye nefetha kandi thahabu; navutswa kya mbeye nakyo, yikyo nda ku ha. Ku lieta lya Yesu Kristo wa Nazareti, genda.

Vikolwa 4:10

ga manyekane ku mwinye mwosi, kandi ku vandu vosi va Israeli, ga veye ku lieta lya Yesu Kristo wa Nazareti, wa mwinye mwa bamba, kandi wa Nyasaye ya simugukidza mu vakudzi, ku lieta lilye mundu uyu a singira hano imbiri wenyu mulamu.

Vikolwa 4:27

Kigira ligali Herodi na Pontio Pilatu, halala ne Tsihiri navandu va Israeli, va vugana halala mu lidala yili kuhing'ana na Yesu Mutumekiri wowo mutakatifu, wa wa vaka maguta.

Vikolwa 5:12

Vilolekidzu nevyokugenya vinyingi vya kolwa mu vandu nemikono gyavatumwa: navo vosi va li mu lusimbu lwa Solomoni mu mwoyo mulala.

Vikolwa 6:8

Stefano ya li ni yizula netsimbabasi netsingulu, ya kola vyokugenya nevilolekidzu vinene mu vandu.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?