Vikolwa 4:24 - KITABU KITAKATIFU

²⁴ Navo lwa va mala kuhulira yaga, va gingira Nyasaye myoyo gyavo halala, ni va vola, O Mwami, wa lomba ligulu, nelirova, nenyanza, nevindu vyosi vi veye mu:

Vikolwa 4:24 ပူးပေါင်းရင်းမြစ်များ

2 Avami 19:15

Na Hezekia ya saala Yahova, na a vola, O Yahova, Nyasaye wa Israeli, ive wikalanga igulu wa vakerubi, ive u veye Nyasaye, ive weng'ine, wobwami bwosi bwelirova; na ive wa lomba ligulu nelirova.

2 Avami 19:19

Kunangwa kalunu, O Yahova Nyasaye wetu, nku saala ligali, u ku honnye, mwadza, ku mukono gwa uyu, ubwami bwosi bwelirova bu duke kumanya ive u veye Yahova Nyasaye, ive weng'ine.

Nehemia 9:6

Ive u veye Yahova, ive weng'ine; ive wa lomba ligulu, ligulu lyemigulu, halala nelihe lyalyo lyosi, lirova yili nevindu vyosi vi veye kulyo, tsinyanza nevindu vyosi vi veye mutsyo na ive u vi lindanga vyosi; nelihe lyomigulu li sigamiranga ive.

Kutwula 20:11

kigira mu madiku gatano na lilala, Yahova ya lomba ligulu na lirova, na inyanza, na vyosi vi veye muvyo, na a sosa ku lidiku lya gatano na gaviri: kigira yaga Yahova ya gasidza lisabato, na a li takasa.

Isaya 51:12

Inze, yee inze, niye u leminyanga myoyo gyenyu: ive u veye bwaha, u duke kutia umundu u li kudza, nokutia mwana womundu u li kolwa kuli bunyasi;

Jeremia 20:13

Mwimbire Yahova, mwidzominye Yahova; kigira a honnyi mwoyo gwomudambi ku mukono gwa yava ava kolanga ubudamano.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 16:25

Navutswa himbi ubudiku hagati Paulo na Sila va saala ni vimba tsinyimbu tsyo kwidzominya Nyasaye, kandi avahambe va va huliridza;

Vikolwa 4:23

Kandi lwa va lakuulwa, va duka ku avavo, ni va vuula gosi ga vasalisi vanene navakulundu va va volera.