Vikolwa 3:20 - KITABU KITAKATIFU

²⁰ kandi a duke kutuma Kristo uyu wa vikwa kigira mwinye, naye niye Yesu:

Vikolwa 3:20 ပူးပေါင်းရင်းမြစ်များ

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Matayo 24:3

Lwa yikala mu kigulu kya Mizeituni, avegidzwi vadza makiriri, ni va vola U ku volere vindu yivi vi la va inyinga ki? Kandi kilolekidzu kyeliduka lilyo ki la va ndi, kandi kyelihera lyenyinga yiyi?

Marko 13:26

Hene yaho va la lola Mwana wa Adamu ni yadza mu malesi netsingulu tsinene nobukumi.

Luka 19:11

Ni va ki hulira vindu yivi, ya meda amakuva na a kupa lugano, kigira ya li himbi Yerusalemi, kandi kigira va ganagana ubwami bwa Nyasaye bu la loleka nonoho.

Luka 21:27

Hene yaho va la lola Mwana wa Adamu yadzira mu lilesi netsingulu nobukumi bunene.

Vikolwa 17:31

kigira u mali kulaga lidiku lyokukalagira avomkivala nobulungi, ku mundu wa ya tovola; naye ya ha vandu vosi kisuuviri kulyo kigira u mali kumusimugukidza mu vakudzi.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 3:21

wa ga dukira ligulu kumuvugula kuduka ku tsinyinga tsyokwirannya vindu vyosi, vya Nyasaye ya volera mu minwa gyavaprofeti veve vatakatifu kutwula kale.

2 Vatesalonike 2:2

mu duke kuvula kusundwa bwangu mu tsiganagani tsyenyu, kinga mu ta hendidzwa mu myoyo gyenyu ku roho, kinga ku likuva, kinga ku ibaruwa i fwana yetu, kuli lidiku lyo Mwami li veye hano.

2 Vatesalonike 2:8

Hene yaho mudialu a la lang'aminywa, wo Mwami Yesu a liita nomwika gwonunwa gwigwe, nokumudividza neliang'aminywa lyelidza lilye;

Vahebraina 9:28

kandi ndiyo Kristo u mali kuhaanwa inyinga indala a duke kuhila ubwoni bwavandu vanyingi, inyinga ya kaviri a la loleka ku yavo ava mu lindirira nobwizamiri, kuduka ku buhonnyi, ni yelehi ubwoni.

Likunula 1:7

Henza, yadza mu malesi; kandi tsimoni tsyosi tsi la mu lola, kandi ava mu tumita; kandi tsihiri tsyosi tsyelirova tsi la lira kuye. Yee, Amini.