Vikolwa 3:18 - KITABU KITAKATIFU

¹⁸ Navutswa vindu vya Nyasaye ya tanga kumannya mu minwa gyavaprofeti vosi, Kristo wewe a la saliridzwa, u mali kuviduliidza ndi.

Vikolwa 3:18 ပူးပေါင်းရင်းမြစ်များ

Litanga 3:15

kandi nda vika ubusigu hagati hoho nomukali, noku visukululwi vivyo nevisukulwi vivye: a la shonolanya mutwe gugwo, nive u la shonolanya liki lilye.

Isaya 50:6

Nda haana mugongo gwange ku yava vakuyi, na tsisaya tsyange nda sunda ku yavo ava manyula tsinderu tsyange: si nda visa mmoni mwange ku kihenyahenye nokutudzirwa amate.

Danyeli 9:26

Kandi inyima wa masidza makumi gatano nelilala na tsisuvi tsiviri, uyu u vakeywi a la temannywa, na a la va bugira kindu: na avandu vomunene u liidza va lononnya lidala na hatakatifu; na kiheri kyalyo ki la va halala na amadzi manene, na kuduka ku kiheri ha la va nelihe; likola hatswa li saavirwa.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Zekaria 13:7

U vuke, O kivavi, ku mwayi wange, noku uyu u veye wakye wange, Yahova wa mahe a vola: kuya umwayi, na magondi ga la salannywa; na nda girunkannya mukono gwange kuhenza ku vakekeke.

Luka 24:44

Kandi ya va volera, Yaga namakuva ga nda mu volera, lwa nda li halala nemwinye, Vindu vyosi vya ng'odwa ku inze mu lilaga ya Musa nomu vaprofeti nomu zaburi, vi nigwa vi kolwa.

Vikolwa 10:43

Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 2:23

uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Vikolwa 28:23

Lwa va mala kulagana lidiku, avanyingi ligali vadza kuye mu inyumba yeye mwa ya menya; ya va vuulira na a lolekidzira amakuva gobwami bwa Nyasaye, na a va goonva ligali ku makuva ga Yesu mu lihlga lva Musa nomu ritabu vyavaprofeti, kutwula mugamba kuduka mgolova.

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.

Likunula 19:10

Kandi nda gwa hasi ha virenge vivye kumusigamira. Naye ya mbolera, Henza, u ta kola mba; inze mbeye wakyo halala na ive navamwavo vovo ava gumira lilolekidza lya Yesu: U sigamire Nyasaye: kigira lilolekidza lya Yesu li veye roho gwobuprofeti.