Vikolwa 27:23 - KITABU KITAKATIFU

²³ Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Vikolwa 27:23 ပူးပေါင်းရင်းမြစ်များ

Zaburi 116:16

O Yahova, ligali mbeye mutume; kiri wowo: Mbeye mutumekiri wowo, mwana womukana mutugwa wowo; Ive u mboholoye ku libofwa lyange.

Zaburi 135:4

Kigira Yahova u tovoye Yakobo kuva wewe mwene Na Israeli kuva miyandu gyigye mwene.

Zaburi 143:12

Na ku tsimbabasi tsitsyo u heridze avasigu vange, U dividze vosi ava dambidza mwoyo gwange; Kigira mbeye mutumekiri wowo.

Kutwula 19:5

Kunangwa kalunu, ni mu va ni mu hulira mwoyo gwange ligali, nokugumira lilagana lyange, hene yaho mu la va ku inze, ihiri yange mwene yavukanywa ku vandu vosi: kigira lirova lyosi ni lyange:

Lwimbu lwa Solomoni 2:16

Munyanze wange a veye wange, na inze ni wewe: Yayanga kyayo kikye kyamagondi mu bulavidzu.

Lwimbu lwa Solomoni 6:3

Mbeye womuyanze wange, nomuyanze wange a veye wange: Yayanga kyayo kikye kyamagondi hagati hobulavidzu.

Isaya 44:21

Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

Isaya 44:5

Mulala a la vola, Inze mbeye wa Yahova; nowu ndi a lelanga ku lieta lya Yakobo; nowundi a la ng'oda nomukono gwi gwe ku Yahova, na a legulika ku lieta lya Israeli.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Jeremia 32:38

Navo va la va avandu vange, na inze nda va Nyasaye wavo:

Ezekieli 36:38

Kuli kyayo kiitangwa kuva kihaanwa, kuli kyayo kya Yerusalemi mu madiku manene galyo aga lagwa, ni ndiyo amadala aga lekwa vyanyi ga lizulitswa vyayo vyavandu; na va la manya inze mbeye Yahova.

Danyeli 3:17

Ni ga va ni ga veye ndiyo, Nyasaye wetu wa ku tumekira a nyala kukuhonnya mu kisambiru kyaakanga muliru ligali; naye a la ku honnya mu mukona gugwo, O mwami.

Danyeli 3:26

Hene yaho Nebukadinezaru yesunda ha kiliango kyekisambiru kyaakanga muliru ligali: na a gamba, na a vola, Shadaraka, Meshaka, na Abedinego, mwinye avatumekiri va Nyasaye U Veye Igulu Ligali, mu twule, mudze yino. Ma Shadaraka, Meshaka, na Abedinego va twula hagati ho muliru.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 6:16

Ma mwami ya haana munwa, ni va leta Danyeli, ni va mu ta mu luhangaywa lweving'ang'a, Ma rnwami ya moloma na volera Danyeli, Nyasaye wowo wa u tumekiranga kazozo, a la ku honnya.

Danyeli 6:20

Na lwa yisunda himbi ha luhangaywa lwa Danyeli ya li mu, ya hanzuka nomwoyo gwobuvereri; mwami ya moloma na a volera Danyeli, O Danyeli, mutumekiri wa Nyasaye u veye mwoyo, Nyasaye wowo, wa u tumekira kazozo, a nyala kukuhonnya u twule mu ving'ang'a?

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

Zekaria 13:9

Na nda leta kidieli kya kavaka ki viti hagati homuliru, na nda va siiya kuli ifetha, nokuvageridza kuli ithahabu i geridzangwa. Va lanira lieta lyange, na nda va hulira; nda vola, Yavo na avandu vange; navo va la vola, Uyu Yahova niye Nyasaye wange.

Malaki 3:17

Navo va la va avange, Yahova wa mahe a vola, mu lidiku yilyo, lya ntovola miyandu gyange; na nda va vererera, kuli mundu a verereranga mwana wewe u mu tume kiranga.

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Vikolwa 12:23

Kandi nonoho ingelosi wo Mwami ya mu duya, kigira si ya ha Nyasaye ubukumi: tsing'ende tsya mu lia na a kudza.

Vikolwa 16:17

Naye ya londa Paulo na kwinye, na a hanzuka na a vola, Avandu yava navatumwa va Nyasaye U Veye Igulu Ligali, ava mwilwadzira inzira yobuhonnyi.

Vikolwa 18:9

Kandi Mwami ya volera Paulo mu maloto mu budiku, U ta tia, navutswa u vole u ta kiring'ana mba:

Vikolwa 23:11

Kandi ubudiku yibwo Mwami ya singira himbi naye, na a vola, U leme mwoyo: kidra kuli u lolekidzi ku inze mu Yerusalemi, u la lolekidza kandi ndiyo mu Romi.

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Vikolwa 8:26

Navutswa ingelosi wo Mwami ya volera Filipu, na a vola, Twula, u tsie ha luvega lwakusini kuduka ku inzira yeyo i sulunguta kutwula Yerusalemi kuduka Gaza: i veye mu kyangalangwi.

Varumi 1:1

Paulo, mutugwa wa Yesu Kristo, wa langwa a ve mutumwa, wahulwa kigira ivangeli ya Nyasaye,

Varumi 1:9

Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo,

Varumi 6:22

Navutswa kalunu, ni mu mali kukolwa ndi avaboholole kutwula ku bwoni kugwa avatugwa va Nyasaye, mu veye namakuyu kuduka ku butakatifu, nekiheri ki veye livamwoyo lyemihiga nemihiga.

1 Vakorintho 6:20

kigira mwa gulwa ubuguli; kunangwa mwidzominye Nyasaye mu mibiri gyenyu.

Kwidzulitsa 32:9

Kigira kidieli kya Yahova ki veye avandu veve; Yakobo a veye kidieli kyemiyandu gyigye.

2 Timoteo 1:3

Nsantidzanga Nyasaye, wa ntumekira nomwoyo mulahi, kutwula ku vaguga vange, kuli wa mbongeranga kwidzulira ive mu lisaala lyange ubudiku nombasu.

2 Timoteo 2:24

Mutugwa wo Mwami ga mu dukira a vule kuha ngala, navutswa a ve nobuhooms ku vosi, a ve netsingulu kwegidza, a ve nobwikudziri,

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Tito 1:1

Paulo, mutugwa wa Nyasaye, nomutumwa wa Yesu Kristo, kuli lisuuvira lya vatovole va Nyasaye, ka ndi kuli limanya lyageligali li veye kuli litibwa lya Nyasaye,

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Likunula 22:16

Inze Yesu ntumi ingelosi wange a lolekidzire mwinye vindu yivi mu mavugano. Inze mbeye kitinya nekisukululwi kya Daudi, ing'ereng'ani yobung'ereng'anu yomugamba