Vikolwa 27:1 - KITABU KITAKATIFU

¹ Lwa ga saavirwa ku nine mu bwato kutsia Italia, va vika Paulo halala navahambe avandi mu makono gomunyampara wa langwa Juliu womugaanda yua langwa Augusto.

Vikolwa 27:1 ပူးပေါင်းရင်းမြစ်များ

Litanga 50:20

Ku mwinye mwa saavira ubudamano ku inze; navutswa Nyasaye ya saavira ubulahi, kuleta yaga kuli ga veye lero, kuhonya livamwoyo lya avandu vanyingi.

Zaburi 33:11

Litovola lya Yahova li singiranga mihiga nemihiga, Tsiganagani tsyomwoyo gwigwe tsi duka ku visukululwi vyosi.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Tsing'ano 19:21

Liganagana linyingi li veye ho mu mwoyo gwomundu; Navutswa livola lya Yahova, yili li la singira.

Lisyoma lya Jeremia 3:27

Nobulahi umundu a ginge inira mu bwana buke bwibwe.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Matayo 27:54

Kandi munyampara wavasikari, navo va linda Yesu halala naye, lwa va lola ubudegeri bwelirova nevindu vya kolwa, va tia muno, ni va vola, Ligali uyu ya li Mwana wa Nyasaye.

Luka 23:47

Munyampara, lwa a lola aga kolwa, yidzominya Nyasaye, na a vola, Ligali uyu ya li mundu mulungi.

Luka 7:2

Mutugwa womunyampara mulala, wa ya mu yanza, ya li na a lwala ni yenya kukinda.

Vikolwa 10:1

Ya li mu Kaisaria mundu mulala wa langwa Kornilyo, munyampara wo mugaanda gwavasikari gwa langwa Vaitalia,

Vikolwa 10:22

Ni va vola, Kornilyo, munyampara, mundu mulungi, wa tia Nyasaye, kandi u veye nelidzominywa ku ihiri yosi ya Vayuda, wa Nyasaye ya mannya nengelosi mutakatifu a tume kulanga ive u tsie mu inyumba yeye, a duke kuhulira amakuva ku ive.

Vikolwa 16:10

Lwa ya mala kulola liloto, nonoho kwa geridza kutsia Makedonia, kigira kwa vola ligali Nyasaye a ku langa kuvilwadzira ivangeli.

Vikolwa 18:2

Ya nyola yo Muyuda mulala wa langwa Akula, wivulwa mu Ponto, a duki kutwula Italia, halala nomukali wewe Prisila kigira Klaudio ya laga Avayuda vosi va twule mu kivala kya Romi: ya tsia kuvo.

Vikolwa 19:21

Inyima yamakuva yaga Paulo ya saavira mu mwoyo lwa ya mala kuvita Makedonia na Akaiya, kutsia Yerusalemi, na a vola, Ni mmali kutsia yo, nu bulahi kandi ndole Romi.

Vikolwa 21:32

Nonoho ya vugula ava sikari navanyampara ni yika bwangu kuvo: navo lwa va lola munyampara munene navasikari, va leka kukuya Paulo.

Vikolwa 22:26

Munyampara lwa ya hulira yaga, ya tsia hu munyampara munene na a mu volera, U lenya kukola ki? Kigira mundu uyu a veye Muromi.

Vikolwa 23:11

Kandi ubudiku yibwo Mwami ya singira himbi naye, na a vola, U leme mwoyo: kidra kuli u lolekidzi ku inze mu Yerusalemi, u la lolekidza kandi ndiyo mu Romi.

Vikolwa 23:17

Paulo ya langa mulala ku vanyampara na a mu volera, Hila muyai uyu ku munyampara munene; kigira a veye nelikuva kumuvolera.

Vikolwa 24:23

Ya ha munyampara munwa Paulo a lindwe, navutswa a ve nobwiyangu; kandi a tigalira avalina veve kali mulala va mu tumekire.

Vikolwa 25:12

Hene yaho Festo lwa ya mala kuvolerana ne kyina, ya tivula, Wanira ku Kaisari, u la tsia Kaisari.

Vikolwa 25:25

Navutswa inze nda lola si ya kola kindu kali kilala kya a duka kwiitirwa: kandi kigira mwene yanira mwami munene, inze nda saavira kumuhila.

Vikolwa 27:11

Navutswa munya mpara ya hulira amakuva gomunene wobwato nago mwene bwato kuvita aga Paulo ya vola

Vikolwa 27:43

Navutswa munyampara yenya kuhonnya Paulo, ya va gaya va ta kola kuli va lalira; na a haana munwa ava nyala kwelema va tange kutuuma munvanza, va tange kuduka ku luginga;

Vikolwa 27:6

Munyampara ya nyola ho bwato bwe Alekisanderia bwenya kutsia Ita lia; na a ku vika mu.

Vikolwa 28:1

Lwa kwa hona, hene yaho kwa manya kisulu kya langwa Malita.

Vikolwa 28:16

Lwa kwa duka Romi, munyampara ya vika avahambi mu mukono gwomunene wavalindi: navutswa Paulo ya hebwa munwa kumenya yeng'ine nomusikari wa mu linda.

Vahebraina 13:24

Mu chelidze yavo vosi ava mwimiriranga, navatakatifu vosi. Yavo ava Italia va mu chelidza.