Vikolwa 26:29 - KITABU KITAKATIFU

²⁹ Paulo ya vola, Nsaala Nyasaye, ni bu va bukekeke kinga ubunene, si a li ive weng'ine navutswa vosi ava mbulira lero, va ve kuli inze ligali, ni li ta li libofwa yili.

Vikolwa 26:29 ပူးပေါင်းရင်းမြစ်များ

2 Samweli 18:33

Nomwami yegosa ligali, na a nina igulu mu inyumba i veye igulu wekiribwa na a lira: naye lwa ya li na a tsitsanga ya vola makuva yaga, O mwana wange Abisalom, mwana wange, mwana wange Abisalom ngano ninze wa kudza mbugono bubwo, O Abisalom, mwana wange, mwana wange.

2 Avami 5:3

Ya manya na a volera munene wekikali wewe, Ngano munene wange ya li ha mproieti uyu u veye ha Samaria hene yaho ngano wa mu honnya ubugere bwibwe.

Kutwula 16:3

na avana va Israeli va va volera, Bwa li bulahi nkano kwa kudzira ku mukono gwa Yahova mu kivala kya Egepeti, ha kwikala himbi na tsinyingu tsyetsinyama, ha kwa lagira ubukima nokwiguta; kigira mwinye mu ku leti nokukuvika mu kyangalangwi yiki, kwiita kiduma yiki kyosi nenzala.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 38:20

Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

Livalidza 11:29

Na Musa ya mu volera, U veye nelikendeka kigira inze? Nkano avandu vosi va Yahova va veye avaprofeti, nkano a vike Roho wewe kuvo

Yohana 5:34

Navutswa lilolekidza lya mbugula si li veye lyomundu: navutswa mbola vindu yivi mwinye mu duke kuhonnywa.

Vikolwa 12:6

Hene yaho Herodi lwa yenya kumu twulidza, ubudiku zana yibwo, Petro ya li na a gona hagati havasikari vaviri na a boheywi neminyororo gyiviri: kandi mu kiliango kya li navalindi va linda inyumba yavahambe.

Vikolwa 21:33

Hene yaho munyampara munene yisunda ahimbi na a mu gumira, na a haana munwa a bofwe neminyororo gyiviri; kandi ya teva uyu ni bwaha? Kandi a kola ki?

Vikolwa 25:14

Lwa va menya yo madiku ma nyingi, Festo ya volera mwami amakuva ga Paulo, na a vola, Mundu mulala a veye hano wa Felike ya leka, muhambe;

Varumi 10:1

Avamitu, livanza lyomwoyo gwange, nelisaala lyange ku Nyasaye kigira yavo, li veye va honnywe.

1 Vakorintho 4:8

Mu mali kwiguta. Mu mali kugwa avatugi. Mu duki kwameha bugira kwinye. Yee, nkano mwamehi, kwinye ku duke kwameha halala nemwinye.

1 Vakorintho 7:7

Navutswa nkano avandu vosi va veye kuli inze. Navutswa vosi sa mulala a veye nekihaanwa kikye ki twula ku Nyasaye, mulala ndi nowundi ndi.

2 Vakorintho 11:1

Nkano nu bulahi mwikudzire ku inze kigira ubusiru bukekeke bwange: navutswa mwikudziye ku inze ligali.

Vafeso 6:20

ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola.

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.