Vikolwa 26:24 - KITABU KITAKATIFU

²⁴ Lwa ya li ni ikinga ndiyo, Festo ya vola nomwoyo munene, Paulo, u laluki, lisoma lilyo linyingi li ku lalukidza.

Vikolwa 26:24 ပူးပေါင်းရင်းမြစ်များ

2 Avami 9:11

Ma Jehu ya twula na a tsia ku vatumekiri vomunene wewe: nomulala ya mu teva, Gyi veye mirembe? Kigira ki mulalu uyu yadzi ku ive? Na ya va volera, Mu manya uyu, kandi mu manya livola lilye.

Jeremia 29:26

Yahova u mali kuvika ive u ve umusalisi mbugono bwomusalisi Jehoiada, mu duke kuva avalindi mu inyumba ya Yahova, mundu sa mulala wa laluka, nokwekola muprofeti, u duke kumbika mu mukatale nomu kisambo.

Hosea 9:7

Madiku gelidukirwa lyavo ga duki, madiku gelitunga ga duki; Israeli a la manya: muprofeti a veye musiru, umundu a veye na roho a veye mulalu, kigira ubunyingi bwobudamano bubwo, kandi kigira ubusigu bu veyebunyingi.

Marko 3:21

Navalina veve lwa va hulira va tsia kumgumira: kigira va vola, A lalu kanga.

Yohana 7:15

Kigira yaga Avayuda va genya, ni va vola Mundu uyu a manya ndi mang'oda naye na a kikiri kwega?

Yohana 8:48

Avayuda va tivula ni va mu volera, Si ku vola bulahi, Ive nu Musamaria, kandi u veye nelidemone?

Yohana 8:52

Avayuda va mu volera, Kalunu ku manya u veye nelidemone. Abrahamu ya kudza, kandi avaprofeti; nive u vola, Mundu na a gumira likuva lyange si a li tsatsama likudza mihiga nemihiga.

Vikolwa 17:32

Lwa va hulira lisimuguka lyavakudzi, avalala va mu henyahenya; navutswa avandi va vola, Ku la ku hulira ku yaga lidiku lindi.

Vikolwa 22:1

Avamitu navadada, mu huliridze litivula lyange lya mmu tivulira kalunu.

Vikolwa 24:25

Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Vikolwa 24:27

Navutswa lwa gya vita imihiga gyiviri Porikio Festo ya hila ubwami bwa Felike; na Felike kigira yenya kukolera Avayuda kindu kya va mu yanzira, ya leka Paulo mu libofwa.

Vikolwa 26:11

Nda va ha amageli tsinyinga tsinyingi mu masomero gosi, ni ngeridza kuvakola va nyege; kandi ndizula ubutima ligali, nda va dambidza kali kuduka mu madala ga vandi.

1 Vakorintho 1:23

navutswa kwinye kwilwadza Kristo wa bambwa, ku Vayuda a veye kyokwikigitalidza, na ku Tsihiri a veye ubusiru;

1 Vakorintho 4:10

Kwinye ku veye avasiru kigira Kristo, navutswa mwinye mu veye avageeri mu Kristo; kwinye ku veye avadedekere, navutswa mwinye mu veye netsingulu; mwinye mu veye nelidzominywa, navutswa kwinye ku veye nelilegwa.

2 Vakorintho 5:13

Kigira ubugeeri bwetu ni bu va ni bu goti, ga veye ku Nyasaye; naho ni ku va ni ku veye nobugeeri bwetu bwosi, ga veye ku mwinye.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.