Vikolwa 26:18 - KITABU KITAKATIFU

¹⁸ kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 26:18 ပူးပေါင်းရင်းမြစ်များ

Zaburi 119:18

U kunule tsimoni tsyange, nduke kulola Vyokugenya mu itorati yoyo.

Zaburi 146:8

Yahova a kunula tsimoni tsyavaboku; Yahova a digulula avinaminywa; Yahova a yanza avalungi;

Isaya 29:18

Kandi mu lidiku yilyo avahana amatu va la hulira makuva gekitabu yikyo, netsimoni tsya yavo avaboku tsi la lola mu kisisya nomu kisundi.

Isaya 32:3

Na tsimoni tsya yavo ava lolanga si tsi la tsengera, na amatu ga yavo ava huliranga, ga la huliridza.

Isaya 35:5

Hene yaho tsimoni tsya vaboku tsi la kunulwa, namatu ga vahana amatu ga ligulwa.

Isaya 42:16

Nda leta avaboku ku inzira ya va ta manya; nda va hila ku tsinzira tsya va ta manya; nda kola kisundi kuva ubulavu imbiri wavo, na ha kyama nda lungekidza ho. Makuva yaga nda kola, si nda va leka mba.

Isaya 42:7

kukunula tsimoni tsi ta lolanga, kuvatwulidza mbuhambe avabofwa, na ava menyanga mu kisundi kuvatwulidza mu inyumba yavahambe.

Isaya 43:8

Leta avaboku ava va veye netsimoni, na va hana amatu ava veye namatu.

Isaya 49:6

yee, a vola, I veye inkuva inyangu ku ive u duke kuva mutumekiri wange kuvukidza tsihiri tsya Yakobo, nokwirannya avalindwa va Israeli: nda haana ive u ve ubulavu bwetsihiri, u duke kuva ubuhonnyi bwange kuduka ku tsindulu tsyelirova.

Isaya 9:2

Avandu va genda mu kisundi va loli ubulavu bunene: yavo va menya mkivala kvekiriri kyelikudza, ubulavu bu ng'e ring'ani kuvo.

Malaki 4:2

Navutswa ku mwinye avatidzanga lieta lyange liuva lyobulungi li la mu kyera nelyobuhonnyi mu tsimbaha tsyalyo; na mu la twula, nokugoma kuli vimoli vi honganga hango.

Matayo 4:10

Ma Yesu ya mbolera Twula hano, Setani: kigira ga ng'odeywi, U la sigamira Mwami Nyasaye wowo, kandi u la tumekira uyu weng'ine.

Matayo 4:16

Avandu va li va menya mkisundi Va lola ubulavu bunene, Kandi kuvo ava menya mu kivala kyekiriri kyelikudza, Ubulavu bwa ng'ereng'ana kuvo.

Luka 1:77

Kuha avandu veve limanya ubuhonnyi Ku lisameha lyobwoni bwavo,

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 2:32

Ubulavu bwokuvuulira Tsihiri, Kandi ubukumi bwavandu vovo Israeli.

Luka 24:45

Hene yaho ya va kunulira ubugeeri bwavo, va duke kumanya mang'oda;

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Luka 4:18

Roho wo Mwami a veye ku inze, Kigira ya mbaka maguta nzilwadzire avadaka amakuva malahi: Ya ntuma kuvolera avahambe lilakulwa lyavo Kandi likunulwa lyetsimoni tsyavaboku, Kandi kuboholola ava kindukidzwa,

Yohana 17:17

U va takase mu ageligali: likuva lilyo ni ageligali.

Yohana 3:19

Kandi likalaga ni yili, ubulavu bwingiye mu kivala, na vandu va yanza kisundi kuvita ubulavu; kigira miyinzi gyavo gyi veye midamano.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 4:14

navutswa ku vosi u nwa ku madzi ga ndi mu ha si a li lola ubu luhu kandi; navutswa amadzi ga ndi mu ha ga la va muye kidaho kya madzi ga senuka livamwoyo li ta hera mba.

Yohana 8:12

Kunangwa Yesu ya va volera kandi, na a vola, Inze nibwo ubulavu bwavomkivala: u nondanga si a li genda mu kisundi, navutswa a la va nobulavu bweliva mwoyo.

Yohana 9:39

Kandi Yesu ya vola, Inze nzidzi mu kivala yiki ku likalaga, ava ta lola va duke kulola; navo ava lola va vakule.

Yohana 9:5

Lwa mbeye mu kivala, mbeye ubulavu bwavomkivala.

Vikolwa 10:43

Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 13:47

Kigira Mwami ya ku laga ndiyo, na a vola, Mmali kukuvika u ve ubulavu bwe Tsihiri, U ve nobuhonnyi kuduka ku kiheri kyelirova.

Vikolwa 15:9

si yavukanya kwinye navo, ni yogidza myoyo gyavo nelisuuvira,

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 20:32

Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa.

Vikolwa 26:19

Hene yaho, O mwami Agiripa, si nda sula kulonda kiloleki kyegulu:

Vikolwa 26:23

kuli ga dukira Kristo a saliridzwe, kandi kuli mwene a la tanga kusimugukidzwa mu vakudzi, nokwilwadza ubulavu ku vandu noku Tsihiri.

Vikolwa 3:19

Kigira yiki Mwe ganire, mwirane, ubwoni bwenyu bu twu'idzwe, tsi nyole kudza tsinyinga tsyokusosidza tsi twula imbiri wo Mwami;

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

1 Vakorintho 1:2

ibaruwa yetu yiyi i dukire livugana lya Nyasaye li veye mu Korintho, yava ava takaswa mu Kristo Yesu, ava langwa va ve avatakatifu, halala na yavo vosi ava veye mu tsimbega tsyosi avanira ku lieta lyo Mwami wetu Yesu Kristo, Mwami wavo kandi wetu.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

2 Vakorintho 6:14

Mu ta bofwa inira indala nava ta suuvira: kigira ha veye nelisanga ki hagati hobulungi nelihyola? Kinga ha veye nelisanga ki hagati hobulavu nekisundi?

Vagalatia 2:20

Nda bambwa halala na Kristo; kandi si a li inze mwene u veye mwoyo, ni Kristo u veye mwoyo mu inze: nelivamwoyo lya mbeye nalyo mu mubiri, yili mbeye nalyo mu lisuuvira li veye ku Mwana wa Nyasaye, wa yanza inze, kandi yehaana kigira inze.

Vagalatia 3:14

ubugasu bwa Abrahamu mu Yesu Kristo bu duke ku ve Tsihiri; ku duke kunyola lisuuviridzwa lya Roho kigira lisuuvira.

Vagalatia 3:2

Nyenya kuhulira ku mwinye kindu kilala, Mwa vugula Roho ku vikolwa vyelilaga, naho ku lihu lira lyelisuuvira?

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:14

uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vafeso 2:8

Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

Vafeso 4:18

limanya lyavo li koleywi kisundi, va sundeywi hale nelivamwoyo lya Nyasaye, kigira livula kumanya li veye muvo, kigira myoyo gyavo gyi koleywi midinyu;

Vafeso 5:11

Kandi mu ta va nelisanga nemiyinzi gyekisundi gyi tivanga, navutswa nubulahi mu gyi kyaye;

Vafeso 5:14

Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

Vafeso 5:8

kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

2 Timoteo 2:26

va duke kwitwulidza mu buginga bwa Setani, ava lanywa kukola ubulaliri bwibwe.

Vahebraina 10:10

Kigira ubulaliri bwibwe kwinye ku takaseywi ku kihaanwa kyomubiri gwa Yesu Kristo inyinga indala eng'ine.

Vahebraina 10:14

Kigira ku kisyuviriru kilala ya va kola avadukiru mihiga nemihiga yavo ava takaswa.

Vahebraina 11:6

kandi bugira lisuuvira si ga nyalika kuyanzeka kuye; kigira uyu uudzanga ku Nyasaye ga mu dukira kusuuvira a veye ho, kandi niye muhaani wa madanyi ga yavo ava mwenyanga.

Vahebraina 9:15

Kandi kigira yaga, a veye muhambannyi w elilagana lihya, li mali kuvaho likudza ku litungira mahyolo aga li ku lilagana lyokutanga, yavo ava langwa va nyole lisuuviridzwa lyemiyandu gyemihiga nemihiga.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Petro 1:4

noku miyandu gyi ta li neliyoneka, gyi ta li nobudamano, gyi ta li neligalula, gya mu lindirangwa migulu,

1 Petro 2:25

Kigira mwa li mwa gota kuli magondi; navutswa kalunu mwirani ku Mwayi no Muhenzi wemyoyo gyenyu.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya:

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

1 Yohana 2:12

Mmu ng'odera mwinye, avana vange, kigira ubwoni bwenyu bu sameheywi kigira lieta lilye.

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

Yudasi 1:1

Yudasi, mutugwa wa Yesu Kristo, amwavo wa Yakobo, ibaruula yange yiyi i duke ku va langwa ava yanzangwa mu Nyasaye Dada, ava lindirangwa Yesu Kristo:

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.