Vikolwa 24:25 - KITABU KITAKATIFU

²⁵ Paulo lwa yilwadza ku bulungi, kandi ku kwelinda bulahi, nelikalaga lidzanga, ubutii bunyingi bwa gumira Felike, kandi ya tivula na a vola, Kalunu u tsie; na inze lwa na ndole ubwiyangu na nku lange.

Vikolwa 24:25 ပူးပေါင်းရင်းမြစ်များ

2 Samweli 23:3

Nyasaye wa Israeli ya vola, Lwanda lwa Israeli ya volera inze: Uyu wamehanga ku avandu nobulungi, Uyu yamehanga mu litibwa lya Nyasaye,

1 Avami 21:27

Na ga duka, lwa Ahabu ya hulira makuva yaga, hene yaho ya tandula tsingubo tsitsye, ni yivika ingubo yeligunia ku mubiri gwigwe, na a honga lilia, nokugona ku ma gunia, nokugenda galaha.

2 Avami 22:19

kigira mwoyo gugwo gwa li mudoto, na ive wegehidza imbiri wa Yahova, lwa wa hulira aga nda vola ku hano, noku ava menyanga hano, va la gwa kyanyi nekilaamo, na ive wa tandula tsingubo tsitsyo, nokwidolidza maliga imbiri wange inze; nda ku hulira, Yahova a vola.

Ezara 10:3

Kunangwa kalunu ku lombe lilagana na Nyasaye wetu ku leke avakali yavo vosi, halala nevivulwa kuvo, kuli livola lilyo umunene wange, na lya yavo ava degeranga kigira amalago ga Nyasaye wetu; na inkuva yiyi i kolwe kuli lilaga.

Ezara 10:9

Hene yaho avasatsa vosi va Yuda na Benjamini va vugana halala Yerusalemi mu madiku gavaka (gwa li mweli gwegyitano na gyine, ku lidiku lya makumi gaviri lyomweli); navandu vosi vikala mmugidze mu nene imbiri wenyumba ya Nyasaye, va degera kigira inkuva yiyi, kandi kigira imbula inene.

Ayubu 29:14

Ndivika ubulungi, nabwo bwa nkunika: Ubulungi bwange bwa li kuli ijoho na igudwa.

Zaburi 11:7

Kigira Yahova a veye nobulungi; a yanza vikolwa vilungi: Avalungi va la lola mumoni mwimwe.

Zaburi 119:120

Mubiri gwange gu degeranga kigira ubutii bwokutia ive; Na mbeye nobutii ku likalaga lilyo.

Zaburi 45:7

Ive u yanzi ubulungi, nokudunyira ubudamano: Kigira yaga, Nyasaye, Nyasaye wowo, u ku vaki Maguta gobuyanzi kuvita avakye vovo.

Zaburi 72:2

A la kalagira avandu vovo nobulungi, Na avadaka vovo nobulungi.

Zaburi 99:1

Yahova yamehanga; avetsihiri va degere: Yikalanga igulu wa vakerubi; lirova li dengeye.

Tsing'ano 16:12

Likola ubudamano li veye livihiriridza ku avami; Kigira intebe yobwami i dinyiri dzangwa nobulungi.

Kohelethu 11:9

O musoleli, sangala, mu busoleli bubwo, nomwoyo gugwo gu ku sangalidze mu madiku gobusoleli bubwo, na u gende mu tsinzira tsyomwoyo gugwo, nomu lilola lyetsimoni tsitsyo: navutswa u manye Nyasaye a la ku vika mu likalagirwa kigira vindu yivi vyosi.

Kohelethu 12:14

Kigira Nyasaye a la leta miyinzi sa mulala kukalagirwa halala nelikuva sa lilala lya viswa, ni li veye lilahi, ni li veye lidamano.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Isaya 1:18

Kalunu hambi, ku lombe makuva, Yahova a vola: kali ubwoni bwenyu ni bu va ni bu veye bwakanyu ligali, bu la va ubulavu ligali kuli likonza; ni bu va ni bu veye bwakanyu kuli kibaara bu la va kuli pamba

Isaya 1:21

Ga li ndi lidala lisuuvirifu li gwiye liheyi lya li nelizuye likalaga lyobulungi ubulungi bwa li ni bu gonanga mulyo, navutswa kalunu avalumindi.

Isaya 16:5

Na intebe vobwami i la dinyeridzwa mu tsimba basi; nomulala a likala ku intebe yeyo mu geligali, mu lihema lya Daudi, kukola likalaga, nokwenya bulungi mwangu wokukola ubulungi.

Isaya 32:11

Mu degere mwinye avakali ava veye nobusosi, mu hende myoyo, mwinye ava ta ganagana ku kindu; mu navule tsingubo tsyenyu, mu gende kyahonyo, mwebohe tsingubo tsyamagunia mu vikenge vyenyu.

Isaya 41:21

Mu sunde likuva lyenyu ahi mbi, Yahova a vola, mulete kivune kyenyu kyetsingulu, Mwami wa Yakobo a vola.

Isaya 55:6

Mwenye Yahova inyinga a nyoleka; mu mwanire lwa a veye ahimbi:

Isaya 61:8

Kigira inze, Yahova, nda yanza likalaga lilungi, ndunyira bunuuli nobudamano; nda va tunga litungwa lyavo mu geligali, na nda lomba lilagana lyemihiga nemihiga halala navo.

Isaya 66:2

Kigira makono gange ga lombi vindu yivi vyosi, ni ndiyo vya li ho vindu yivi vyosi. Yahova a vola: navutswa nda henza ku mundu uyu, yee, uyu u veye mudaka na womwoyo gwelyeganira, welidegera kigira likuva lyange.

Jeremia 22:3

Yahova a vola ndi: Mu lombe likalaga nobulungi, mu honnye wa fuulwa a twule ku mukono gwomudambidzi: mu ta kola ubukyamu, mu ta kole kirage, ku mugeni, kinga ku mbisandu, kinga ku mukunzakali kandi mu ta tahidza hano amasahi ga ta veye nekindu kugo.

Jeremia 23:29

Likuva lyange si li veye kuli muliru? Yahova a vola; kandi kuli inyundu yatanyannga ligina?

Jeremia 36:16

Na ga duka, nonoho lwa va hulira makuva yago, gosi, va henzana sa mulala nowakye, nobutii, na va volera Baruku, Kwinye ligali ku la volera mwami makuva yaga gosi.

Ezekieli 45:9

Mwami Yahova a vola ndi: Ga mu dukira, mwinye avanene va Israeli: mu twulidze kirage nobunuuli, na mu kole likalaga nobulungi; mu twulidze linyaga lyenyu vindu vyavandu vange, Mwami Yahova a vola.

Danyeli 12:2

Kandi avanyingi ku yavo ava gonanga mu lugukyi lwelirova va la vuka, avalala kuduka mu buhindiri bu ta hera mba na avandu kuduka mu tsisoni na liiegwa li ta hera mba.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Danyeli 5:30

Ubudiku zana yibwo Belishazaru mwami Mukalidei, yiitwa.

Hosea 10:12

Mwimidzere avene mbulungi, mu gese kuli tsimbabasi; mu lime mulimi gwenyu gu ta limangwa; kigira niyo inyinga yokwenya Yahova, a duke kukupidza ubulungi ku mwi nye.

Hosea 10:4

Va volanga makuva ga vutswa, ni visuha ku bubehi mu likola lilagana: kigira yaga likalaga lisebukanga kuli musala gwobululu mu lutsira lwomulimi.

Hosea 7:5

Ku lidiku lyomwami wetu avanene vekola avalwaye nobululu bwewaini; ya nyira mukono gwigwe halala na valegi.

Amosi 5:24

Navutswa likalaga li sunduke kuli amadzi, nobulungi kuli mugera munene.

Amosi 6:12

Tsiparasi tsi la nyagula ku lwanda? Mundu a la lima yo netsing'ombe? Mu duke kugirunkannya likalaga li ve indulwi, namakuyu gobulungi kuva vilulu,

Habakuk 3:16

Inze nda hulira, na mubiri gwange gwa degera, Minwa gyange gya degera kigira mwoyo gwigwe; Ubugundu bwingira mu vigumba vyange, na nda degera mbugono bwange; Nduke kusosa mu lidiku lyekivi, Inyinga yelyanegira lyavandu va ku twulira nelihe.

Haggai 1:2

Yahova wa mahe a vola ndi, na a vola, Avandu yava va vola, Yiyi si i veye inyinga i dukira kwinye kuudza, si i veye inyinga yenyumba ya Yahova kwombakwa mba.

Matayo 22:5

Navo va kola kihenyahenye, ni va tsia mulala mu mulimi gwigwe, nowundi mu vindu vyelikirannya vivye;

Yohana 16:8

Naye lwa a li duka, a la lungika avomkivala ku bwoni, noku bulungi, noku likalaga:

Vikolwa 10:42

Kandi ya ku laga kwilwadzire avandu, nokulolekidza uyu niye wa Nyasaye ya kola a ve Mukalagi wa va veye mwoyo na vakudzi.

Vikolwa 17:13

Navutswa Avayuda va Tesalonike, lwa va hulira Paulo yilwadza likuva lya Nyasaye mu Berea, va tsia yo kandi ni va vukidza ni va gema viduma.

Vikolwa 17:2

Paulo yingira kuvo, kuli miima gyigye, namasabato gavaka ya volerana navo ku mang'oda,

Vikolwa 17:32

Lwa va hulira lisimuguka lyavakudzi, avalala va mu henyahenya; navutswa avandi va vola, Ku la ku hulira ku yaga lidiku lindi.

Vikolwa 2:37

Lwa va hulira yaga, va tumitwa mu myoyo gyavo, ni va volera Petro navatumwa avandi, Avamitu, ku kola ndi?

Vikolwa 24:15

mbeye nelisuuvira ku Nyasaye lya yava kandi va linda, li la va lisimugukidzwa lyavalungi navo ava ta li valungi.

Vikolwa 24:26

Ya lindirira Paulo a mu he tsishilling: kigira yiki ya hongera kumulanga na a volerana naye.

Vikolwa 26:28

Agiripa ya volera Paulo, Nobugoonyi bukekeke vutswa u ganagana kunkola Mukristayo.

Vikolwa 9:6

Navutswa vuka, wingire mu lidala, na ive u la volerwa amakuva ga ku dukira u kole.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Varumi 14:12

Kunangwa kwinye kwosi sa mulala alevolera amakuva gege mwene imbiri wa Nyasaye.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

2 Vakorintho 6:2

(Kigira a vola, Nda ku hulira inyinga yo bugirirwa, Kandi ku lidiku lyokuhonnya nda ku konya: henzi, lero ni lidiku lyokubugirirwa; henzi, lero ni lidiku lyokuhonnywa.)

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vagalatia 5:23

nobuhokya, nokwelinda; si ha li nemiima gu sulana namakuva kuli yaga.

2 Timoteo 4:1

Nku tsuva ligali imbiri wa Nyasaye kandi imbiri wa Kristo Yesu, u li kalagira ava veye mwoyo navakudzi, noku lilang'ama lilye noku bwami bwibwe:

Tito 1:8

navutswa a ve mwingiridzi wavageni, u yanza ubulahi, wobugeeri bwere, wobulungi, mutakatifu, welinda mwene;

Vahebraina 12:21

liloleka lya li nobutii kuduka Musa ya vola, Ubutii bu ng'umiye nelidegera.

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Vahebraina 6:2

nogwamegidzo gamabatidza, nogwelivika makono, nogwelisimuguka lyavakudzu, nogwelikalagira lyemihiga nemihiga.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

Yakobo 2:19

Ive u suuvira Nyasaye a veye mulala; u kola bulahi: amademone kandi ga suuvira, ni ga degera.

1 Petro 3:15

navutswa mu takase Kristo a ve Mwami mu myoyo gyenyu: mwetegeke madiku gosi kutivulira mundu sa mulala u mu teva ku lisuuvira lya mu veye nalyo, navutswa mu kole nobuhooma nobutii:

2 Petro 1:6

nomu limanya lyenyu mu tese mu lyelinda, nomu lyelinda mu tese mu lyekudzira; nomu lyekudzira lyenyu mu tese mu litibwa lya Nyasaye;

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:7

Avana vakekeke vange, mu ta leka mundu kali mulala a mu gotidze: uyu u kola ubulungi a veye mulungi, kuli mwene a veye mulungi:

1 Samweli 12:7

Kunangwa kalunu mu singire, nduke kwilwadzira mwinye imbiri wa Yahova ku ubulungi bwosi bwa Yahova, bwa ya kola ku mwinye noku vaguga venyu.