Vikolwa 23:6 - KITABU KITAKATIFU

⁶ Navutswa Paulo lwa ya lola kidieli kilala nekya Vasadukayo nekindi nekya Vafarisayo, ya hanzuka mu kyina na a vola, Avamitu, inze mbeye Mufarisayo, kandi mbeye mwana wa Vafarisayo: ku lisuuvira nelisimugu kidzwa lyavakudzi, yiki ni kigira ndetwa mu kyina.

Vikolwa 23:6 ပူးပေါင်းရင်းမြစ်များ

Matayo 10:16

Henza, inze mmu tuma kuli magondi hagati hevisalang'ongo; mu ve nobugeeri kuli tsinzoka, nobuhooma kuli makuulu.

Matayo 22:23

Ku lidiku yilyo vadza kuye Avasadukayo, ava vola si ha li nokusimuguka: ni va mu teva,

Matayo 3:7

Navutswa lwa ya lola vanyingi ku Vafarisayo na Vasadukayo vadza ku libatidza lilye, ya va volera, Mwinye avana vetsinzoka, ibwaha ya mgerihidza mwiruke ubuvihiridzi budza nga?

Vikolwa 22:3

Inze mbeye Muyuda, ndivulwa mu Tariso lya Kilikia, navutswa nda virukira mu lidala yili, ni nzegidzwa ha virenge vya Gamalieli, mu miima gyeligali gyavaguga vetu, nda li nobugulu muno ku Nyasaye, kuli mwinye vosi lero.

Vikolwa 22:30

Navutswa mugamba, yenya kumanya ligali kya Vayuda venya kumuyalira, ya mu boholola, na a laga avasalisi vanene nekyina kyosi, kuvugana, ya leta Paulo na a mu vika imbiri wavo.

Vikolwa 22:5

Kuli musalisi munene kandi a ndolekidza ndiyo, na kyina kyosi kyavakulundu: ava nda vugula kuvo tsibaruwa tsyokuhilira avamitu, ni ntsia Damasko kuleta yavo ava veye yo va duke Yerusalemi va boheywi va hebwe amageli.

Vikolwa 23:1

Ma Paulo yumika kyina na a vola, Avamitu, ng'endi imbiri wa Nyasaye nomwoyo mulahi kuduka lero.

Vikolwa 23:15

Kunangwa mwinye, halala nekyina, mu volere munyampara munene, a mu lete hasi ku mwinye kuli mwenya kumanya ligali amakuva gege: na kwinye kwetegeki kumwiita na a kikiri kuduka himbi.

Vikolwa 23:20

Kandi ya vola Avayuda va mali kulagana va ku save u lete Paulo imbiri wekyina mugamba, kuli venya kwizoza amakuva gege.

Vikolwa 23:7

Lwa ya mala kuvola ndi, amahangali ga tanga ku Vafarisayo na Vasadukayo; kiduma kyavukana.

Vikolwa 24:15

mbeye nelisuuvira ku Nyasaye lya yava kandi va linda, li la va lisimugukidzwa lyavalungi navo ava ta li valungi.

Vikolwa 24:21

navutswa kigira likuva lilala yili lya nda gamba imbiri wavo, Nzalirwa iinbiri wenyu lero kigira lisimugukidzwa lyavakudzi.

Vikolwa 28:20

Ku yaga ndenya mwinye mudze kundola ku volerane: kigira mboheywi nomunyororo yigu kigira lisuuvira lya Israeli.

Vafilipi 3:5

Nda kevwa ku lidiku lya katano na gavaka, nda twula ku kisukululwi kya Israeli, wehiri ya Benjamini, Muhebraina u twulanga ku Vahebraina; ku miima gyetorati nda li Mufarisayo;

Vakolosai 1:5

kigira lisuuviridzwa lya mwa vikirwa migulu. Lya mu mali kuhulira mu likuva lyeligali lyevangeli,

Vahebraina 6:19

Ku veye nalyo kuli kinanga kyomwoyo, lisuuviridzwa lilahi nelyetsingulu, kandi lingiranga kuduka nagati ha kingangwa;