Vikolwa 22:8 - KITABU KITAKATIFU

⁸ Kandi nda tivula, U veye ibwaha, Mwami? Kandi ya mbolera, Inze ni Yesu wa Nazareti wa ive u dambidza.

Vikolwa 22:8 ပူးပေါင်းရင်းမြစ်များ

Zekaria 2:8

Kigira Yahova wa mahe a vola: Kigira bukumi ya ntuma ku tsihiri tsya lanya mwinye; kigira uyu u dira mwinye a diranga indolero yemoni yeye.

Matayo 2:23

Na a duka kumenya mu lidala lya langwa Nazareti; ga duke kukolwa aga volwa nomunwa gwavaprofeti, a la langwa Munazareti.

Matayo 25:40

Mwami a la tivula na a va volere, Ligali mmu volera, Kuli ga mwa kolera avamwavo vange yava vakekeke, ligali mwa kolera inze.

Matayo 25:45

Hene yaho a la va tivulira, na a vola, Ligali mmu volera, Kuli ga mwa vula kukolera mulala ku vakekeke yava, mwa vula kunkolera.

Vikolwa 10:14

Navutswa Petro ya vola, Auwa, Mwami; kigira nkikiri kulia kindu kivi nekidamano.

Vikolwa 22:7

Kandi nda gwa hasi ni mbulira mwoyo ni gu mbolera, Saulo, Saulo, kigira ki u ndambidza?

Vikolwa 26:9

Inze ligali nda ganagana mwene, nobulahi nda kola vindu vinyingi vya hing'ana nelieta lya Yesu wa Nazareti.

Vikolwa 3:6

Navutswa Petro ya mu volera, Inze si mbeye nefetha kandi thahabu; navutswa kya mbeye nakyo, yikyo nda ku ha. Ku lieta lya Yesu Kristo wa Nazareti, genda.

Vikolwa 4:10

ga manyekane ku mwinye mwosi, kandi ku vandu vosi va Israeli, ga veye ku lieta lya Yesu Kristo wa Nazareti, wa mwinye mwa bamba, kandi wa Nyasaye ya simugukidza mu vakudzi, ku lieta lilye mundu uyu a singira hano imbiri wenyu mulamu.

Vikolwa 6:14

kigira kwa li ku mu hulira na a vola, Yesu uyu wa Nazareti a lononnya hano, kandi a la girunkannya miima gya Musa ya ku ha.

1 Vakorintho 12:12

Kigira kuli mubiri gu veye mulala kandi gu veye nevivero vinyingi, kandi vivero vyosi vyomubiri vi veye vinyingi vi kola mubiri mulala; kandi Kristo a veye ndiyo.

1 Samweli 8:7

Na Yahova ya volera Samweli, U hulire mwoyo gwavandu yava mu gosi ga va ku volera; kigira si ga veye vambakananga ive mba, navutswa vambakananga inze, mbule kuva mwami kuvo.