Vikolwa 21:8 - KITABU KITAKATIFU

⁸ Kandi mugamba kwa tsia ni ku duka Kaisaria: ni kwingira mu inyumba ya Filipu wa li mwilwadzi, mulala ku vandu vatanu na vaviri, ni ku menya naye.

Vikolwa 21:8 ပူးပေါင်းရင်းမြစ်များ

Vikolwa 10:1

Ya li mu Kaisaria mundu mulala wa langwa Kornilyo, munyampara wo mugaanda gwavasikari gwa langwa Vaitalia,

Vikolwa 16:10

Lwa ya mala kulola liloto, nonoho kwa geridza kutsia Makedonia, kigira kwa vola ligali Nyasaye a ku langa kuvilwadzira ivangeli.

Vikolwa 16:13

Ku lidiku lyelisabato kwa vita kiribwa ku twula mu lidala kutsia ku luginga lwomugera, ha kwa vola ni hoku saala; ni kwikala ni ku volera avakali ava vugana.

Vikolwa 16:16

Kandi lwa kwa tsia hokusaala, mukana mulala wa li nomwoyo gwokulagula, ya vugana na kwinye, wa letera avami veve vyambeti vinyingi ku bulaguli bwibwe.

Vikolwa 18:22

Kandi lwa ya mala kwika Kaisaria, yanegira na a chelidza livugana, na a tsia Antiokia.

Vikolwa 20:13

Navutswa kwinye kwekolerera mu bwato, ni ku tsia Aso, kwa vola ku la vugulira yo Paulo: kigira ya laga ndiyo, mwene yenya kugenda nevirenge.

Vikolwa 20:6

Kandi kwa nina mu bwato kutwula Filipi inyima yamadiku gobukima bu ta li namamera, ni ku duka kuvo mu Troa madiku gatanu; ni ku menya ho madiku gatanu na gaviri.

Vikolwa 21:16

Aralala ku vegidzwi va Kaisaria va tsia halala na kwinye, va leta Mnasoni mundu wa Kuporo, mwegidzwi wa kale wa ku li menya naye.

Vikolwa 23:23

Ya langa avanyampara vaviri na a vola, Mu lombe avasikari tsimia tsiviri va tsie kuduka Kaisaria, navasikari ava nina ku tsiparasi amakumi gatanu na gaviri, navasikari avamatimu tsimia tsiviri, va tsie ubudiku tsisaa tsivaka.

Vikolwa 27:1

Lwa ga saavirwa ku nine mu bwato kutsia Italia, va vika Paulo halala navahambe avandi mu makono gomunyampara wa langwa Juliu womugaanda yua langwa Augusto.

Vikolwa 28:11

Inyima yemveli gyivaka kwa tsia mu bwato bwa Alekisanderia bwa menya mu kisulu inyinga yobukindu, bwa langwa Amwavo Amalongo.

Vikolwa 28:16

Lwa kwa duka Romi, munyampara ya vika avahambi mu mukono gwomunene wavalindi: navutswa Paulo ya hebwa munwa kumenya yeng'ine nomusikari wa mu linda.

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Vikolwa 9:30

Navamitu lwa va ga manya, va mu sulungutidza Kaisaria, ni va mu tuma a tsie Tariso.

Vafeso 4:11

Naye ya ha avalala va ve avatumwa; navandi, avaprofeti; navandi, avilwadzi vevangeli; navandi, avayi navegidzi;

2 Timoteo 4:5

Navutswa ive, weli nde ku vyosi, wekudzire ku budinyu, u kole miyinzi gyomwilwadzi wevangeli, u dukidze ubutumwa bubwo.