Vikolwa 20:7 - KITABU KITAKATIFU

⁷ Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati.

Vikolwa 20:7 ပူးပေါင်းရင်းမြစ်များ

Nehemia 8:3

Na ya soma mu, na henzi ku mugidzi munene gwa li imbiri wekiribwa kyamadzi, kutwula ma bwebwe kuduka mbasu hagati, imbiri wavasatsa navakali, na wa yavo ava nyala kumanya; namatu gavandu vosi ga huliridza kitabu kyelilaga.

Nehemia 9:3

Na va singira mbugono bwavo, ni va soma mu kitabu kyelilaga lya Yahova Nyasaye wavo kidonye kya kane kye lidiku; kandi kidonye kindi kya kane kyelidiku veyama, nokusigamira Yahova Nyasaye wavo.

Marko 16:9

Lwa ya vuka mabwebwe ku lidiku lya kola lilala ku lisidza, ya tanga kuloleka ku Maria Magdalene wa ya twulidza kuye amademone gatanu na gaviri.

Luka 22:19

Kandi ya vugula ubukima, na lwa ya mala kusantidza, ya megannya na a va ha, na a vola, Yibu nu mubiri gwange gu haanwa kigira mwinye: mu kole yiki kunzidzulitsa.

Luka 24:35

Navo va vola vindu vya kolwa ku inzira, kandi kuli wa ya manyekana kuvo ku limegannya lyomulango.

Yohana 20:1

Ku lidiku lyokutanga lisidza Maria Magdalene ya tsia mabwebwe, isi ni i kikiri mwamu, ku kilindwa, na a lola ligina li twulidzeywi ku kilindwa.

Yohana 20:19

Kunangwa lwa gwa li mgolova gwelidiku yilyo, li veye lyokutanga lisidza, kandi viliango lwa vi mali kuhanwa ha vegidzwi va li ni va veye, kigira va tia Vayuda, Yesu yadza na a singira hagati, na a va volera, Mirembe ku mwinye.

Yohana 20:26

Inyima ya madiku gatanu na gavaka, kandi avegidzwi veve va li mu inyumba, kandi Tomasi ya li halala navo. Viliango ni vi mali kuhanwa, Yesu yadza na a singira hagati, na a vola, Mirembe ku mwinye.

Vikolwa 16:10

Lwa ya mala kulola liloto, nonoho kwa geridza kutsia Makedonia, kigira kwa vola ligali Nyasaye a ku langa kuvilwadzira ivangeli.

Vikolwa 2:42

Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vikolwa 2:46

Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,

Vikolwa 20:11

Kandi lwa ya mala kunina igulu nokumegannya ubukima, nokulagira nokuvavolera manyingi, kuduka inyinga ya bwa kya, ya tsia.

Vikolwa 20:31

Ku yaga mu linde, mwidzulitse inze inyinga yemihiga gyivaka si nda leka kweganehidza mundu namaliga, kali mulala ubudiku nombasu.

Vikolwa 20:5

Navutswa yava va li ni va mali kwimira ni va ku lindira Troa.

Vikolwa 20:9

Kandi mundu musoleli wa langwa Eutuchio ya li ni yikaye mwidirisha, tsindolo tsya mu vuha ligali; kandi Paulo lwa ya hongera kudasa lilwadza lilye, uyu ya kirwa netsindolo, yaguluka na a gwa kutwula mu inyumba ye igulu i kola tsivaka, na a vugulwa u kudzi.

Vikolwa 28:23

Lwa va mala kulagana lidiku, avanyingi ligali vadza kuye mu inyumba yeye mwa ya menya; ya va vuulira na a lolekidzira amakuva gobwami bwa Nyasaye, na a va goonva ligali ku makuva ga Yesu mu lihlga lva Musa nomu ritabu vyavaprofeti, kutwula mugamba kuduka mgolova.

1 Vakorintho 10:16

Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo?

1 Vakorintho 15:10

Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.

1 Vakorintho 16:2

Ku lidiku lyokutanga lisidza mundu sa mulala ku mwinye yivikire akiba kuli vya a nyola, li ta va livungidza lwa inze mwene nzidza.

2 Timoteo 4:2

wilwadze likuva; u dinye ku mu tsinyinga tsindahi nomu tsinyinga tsi ta li tsindahi; u gaye, u gondokere, u ganehidze nobwikudziri bwosi nelyegidza.

Likunula 1:10

Nda li mu Roho ku lidiku lyo Mwami, ni mbulira mwoyo munene inyima wange kuli kisiliva,