Vikolwa 20:24 - KITABU KITAKATIFU

²⁴ Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Vikolwa 20:24 ပူးပေါင်းရင်းမြစ်များ

1 Kyetsinyinga 11:18

Na vavaka yavo va hudula ni va vita mu lihe lya Vafilisiti, ni va daha madzi mu kidaho kya Beth lehemu, kya li himbi nekiribwa, ni va ga ginga kuletera Daudi: navutswa Daudi si ya bugirira kuganwa mba, navutswa ya ga tsuka imbiri wa Yahova,

Luka 16:28

kigira mbeye navamitu vatanu; a duke kuvavolera, gase va la duka hokusa lira hano.

Yohana 15:27

kandi mwinye mu la lolekidza, kigira mwinye mwa li halala ninze kutwula mu litanga.

Yohana 17:4

Mmali kukukuminya mu lirova; kandi mmali miyinzi gya wa mpa kukola.

Vikolwa 1:17

u Kigira ya validzwa halala na kwinye, na a sanga na kwi nye mu butumwa yibu.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 13:25

Yohana lwa ya li ni yenya kumala ulugendo lwilwe, ya vola, Mwinye mu ganagana inze mbeye ibwaha? Inze si a li iye mba. Navutswa uyu mulala yadzanga inyima wange, si ndukana kumubohololira vilatu vyevirenge vivye.

Vikolwa 14:3

Ku, va menya yo tsinyinga tsinyingi, ni vilwadza ku Mwami nobuluviriri, naye ya lolekidza tsimbabasi tsitsye na a haana vilolekidzu nevyokugennya vi kolwe namakono gavo.

Vikolwa 15:7

Inyinga ya ga li amateva manyingi, Petro ya singira na a vola. Avamitu, mu manya Nyasaye ya tovola kale ku kwinye, Tsihiri tsi hulire ku munwa gwange likuva lyevangeli, va suuvire.

Vikolwa 18:5

Navutswa Sila na Timoteo lwa va duka kutwula Makedonia, Paulo ya tsuvwa mu mwoyo nelikuva na a lolekidzira Avayuda, Yesu a veye Kristo.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 20:23

navutswa Roho Mutakatifu a ndolekidza mu madala gosi, a vola libofwa nekivi vi ninda.

Vikolwa 20:32

Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa.

Vikolwa 21:13

Hene yaho Paulo ya tivula, Mu kola ki kulira nokwononya mwoyo gwange? Kigira inze si nzetegeki kubofwa kweng'ine, navutswa kali kwiitwa mu Yerusalemi kigira lieta lyo Mwami Yesu.

Vikolwa 22:21

Navutswa ya mbolera, Tsia: kigira nda ku tuma u tsie hale kuduka ku Tsihiri.

Vikolwa 9:15

Navutswa Mwami ya mu volera, Tsia: kigira uyu a veye kiju kya tovolwa ku inze, kuhila lieta lyange imbiri we Tsihiri navami, navana va Israeli:

Varumi 11:6

Navutswa ni li va ni li veye ku tsimbabasi, si li veye ku likola kandi: ni ga va ndiyo tsimbabasi si tsi veye tsimbabasi kandi.

Varumi 4:4

Navutswa ku uyu u yinziranga, madanyi gege si ga volwa ga veye getsimbabasi, navutswa ga veye kuli ligovi.

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

2 Vakorintho 12:10

Kunangwa nyanzi mu budedekere, mu busaliri, mu budaka, mu lidambidzwa, mu kivi, kigira Kristo: kigira inyinga mbeye mudedekere, nilwo lwa mbeye ne tsingulu.

2 Vakorintho 4:1

Kunangu a kigira ku veye nobutumwa yibu, kuli kwa verwa tsimbabasi, si ku kudza mwoyo:

2 Vakorintho 4:12

Kunangwa likudza li yinzira mu kwinye, navutswa livamwoyo li yinzira mu mwinye.

2 Vakorintho 5:8

mbola ku veye nekilema mwoyo, kandi ku yanza ligali ku vuli kuva mu mubiri, ku ve hango halala no Mwami.

2 Vakorintho 7:4

Ubuluviriri bwelivola lyange ku mwinye nu bunene, kandi liidzominya lyange kigira mwinye ni linene: nzizuye ubusangali, mu busaliri bwetu bwosi nzizuye ubuyanzi.

Vagalatia 1:1

Paulo, mutumwa (si bwa twula ku vandu, kandi si bwa li ku mundu, navutswa bwa li ku Yesu Kristo, noku Nyasaye Dada, wa mu simugukidza kutwula mu vakudzu)

Vafeso 1:6

kuduka ku lidzominya lyobukumi bwetsimbabasi tsitsye, tsya ya ku kululira mu Muyanze

Vafeso 3:13

Kigira yaga mmu goonya mu ta kudza mwoyo kigira kivi kyange kya mbeye nakyo, kigira mwinye, nakyo ki veye ubukumi bwenyu.

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vafilipi 2:30

kigira ku miyinzi gya Kristo ya li himbi likudza, ya vika livamwoyo lilye mu buhimwa a duke kwizulitsa kya gehera mu litumika lyenyu ku inze.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

1 Vatesalonike 2:2

navutswa lwekivi kya ku gwira ku matsyambiri nokukolerwa ubudamano mu Filipi, kuli wa mu manya, kwa luvirira mu Nyasaye wetu kumuvolera ivangeli ya Nyasaye mu buhandalali ubunene.

1 Vatesalonike 3:3

ku vosi mundu kali mu lala, kivi yiki ki ta mu sunda; kigira mwinye avene mu manya kwa vikwa kigira yiki.

2 Timoteo 1:12

Kigira yaga nyolanga vindu yivi: navutswa si mbeye isoni; kigira mmanya uyu wa nsuuviranga, kandi mmanya ligali a nyala kulinda kya nda vika kuye kuduka ku lidiku yilyo.

2 Timoteo 3:11

nelidambidzwa lyange, nobusaliri bwange: ivindu vya ngwira mu Antiokia, nomu Ikonio, nomu Lustra, tsing'ano tsyelidambidzwa tsya ndi kudzera mu: kandi Mwami ya mbonnya ni ya ntwulidza mu tsyosi.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Tito 1:3

navutswa mu tsi nyinga tsitsye mwene ya lang'aminya likuva lilye mu lilwadza, lya nda kolwa mulindi kuli lilaga lya Nyasaye Muhonnyi wetu;

Tito 2:11

Kigira tsimbabasi tsya Nyasaye tsi mali kuloleka, tsi letanga ubuhonnyi ku vandu vosi,

Vahebraina 10:34

Kigira mwa salira mu myoyo halala na yavo ava li mu buhambe, kandi mwa bugirira nobuyanzi kunuulwa vindu vyenyu, kigira mu manya mwinye avene mu veye nevindu vilahi kuvita yivyo navyo vi ta hera mba.

1 Petro 5:12

Mmu ng'odera mwinye amakuva makekeke, nokumuletera mu mukono gwa Silvano amitu wetu musuuvirifu, nungikidza mwinye nokumulolekidzira, yitsi nitsyo tsimbabasi tsyeligali tsya Nyasaye: mwedinyeridze mutsyo.

1 Yohana 3:16

Ku manya ndiyo ubuyanzi, kigira ya haana livamwoyo lilye kigira kwinye: nu bulahi kwinye ku haane livamwoyo lyetu kigira avamitu.

Likunula 12:11

Navo va mu guutira masahi go Mwana Weligondi, kandi kigira likuva lyelilolekidza lyavo; kandi si va yanza livamwoyo lyavo kuduka kali likudza.

Likunula 6:11

Navo va hebwa sa mulala kuvo ingubo indavu; kandi va volerwa, va sose i tigaye inyinga inkekeke, kuduka avakye vavo navamwavo vavo, ava liitwa kuli yavo viitwa, va duke kumala inyinga yavo.