Vikolwa 20:19 - KITABU KITAKATIFU

¹⁹ ni ntumekira Mwami nobuhokya bwosi bwomwoyo, kandi namaliga nobugeridzwi bwa ngwira kigira tsiluku tsya Vayuda;

Vikolwa 20:19 ပူးပေါင်းရင်းမြစ်များ

Zaburi 119:136

Migera gyamadzi gyi gangulukanga mu tsimoni tsyange, Kigira va vula kubugirira itorati yoyo.

Jeremia 13:17

Navutswa ni mu va ni mu vula kuhulira likuva yili, mwoyo gwange gu la lira makiriri kigira uluyai lwenyu; tsimoni tsyange tsi la lira ligali, nokuganguluka amaliga, kigira kyayo kya Yahova ki lanyeywi.

Jeremia 9:1

Nkano mutwe gwange gu veye amadzi a manyingi, netsimoni tsyange kuva kyokusenuka amaliga, nduke kulira mbasu nobudiku kigira yavo aviitwa avomukana wavandu vange

Luka 19:41

Kandi lwa ya duka himbi, ya lola lidala, na a li lirira,

Yohana 12:26

Mundu ni ya ntumekira, a nonde; inze ha mbeye, kandi mutumekiri wange a la va ho: mundu ni ya ntumekira, Dada wange a la mu ha ubukumi.

Vikolwa 17:13

Navutswa Avayuda va Tesalonike, lwa va hulira Paulo yilwadza likuva lya Nyasaye mu Berea, va tsia yo kandi ni va vukidza ni va gema viduma.

Vikolwa 17:5

Navutswa Avayuda va kendeha, ni va vugula avalala avadamano kuvo ava gunza mu kitu, ni va vugannya kiduma, ni va kola kivihiri mu lidala; kandi va tsia mn inyumba ya Yasoni, ni venya kuvaleta kyova kuvavika mu makono gavandu.

Vikolwa 20:3

Lwa ya mala kumenya yo myeli gyivaka, na Vayuda venya kumugoneka tsiluku inyinga yenya kunina mu bwato kutsia Siria, ya manya ni yirana ku inzira ya Makedonia.

Vikolwa 20:31

Ku yaga mu linde, mwidzulitse inze inyinga yemihiga gyivaka si nda leka kweganehidza mundu namaliga, kali mulala ubudiku nombasu.

Vikolwa 21:27

Lwa madiku yaga gatanu na gaviri genya kuduka, Avayuda va Asia, lwa va lola Paulo mu litempeli, va gema kiduma kyosi ni va mu gumira

Vikolwa 27:23

Kigira ubudiku yibu lero ya li ninze a himbi ingelosi wa Nyasaye, wa inze mbeye mundu wewe kandi wa ntumekira,

Varumi 1:1

Paulo, mutugwa wa Yesu Kristo, wa langwa a ve mutumwa, wahulwa kigira ivangeli ya Nyasaye,

Varumi 1:9

Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo,

Varumi 12:11

mu ta va nobugata mu bugulu bwenyu: mu ng'ering'ana mu mwoyo; mu ve avatugwa vo Mwami;

2 Vakorintho 2:4

Kigira lwa nda li mu busaliri ubunene nomu lidambidzwa lyomwoyo nda mu ng'odera namaliga manyingi; si ga li mwinye mu vereridzwe, navutswa mu duke kumanya ubuyanzi bwa mbeye nabwo ligali ku mwinye.

2 Vakorintho 3:5

si ga li kwinye avene ku veye avaduki, kuganagana vindu vyosi kuli vya twula ku kwinye; navutswa ubudu kiru bwetu bu twula ku Nyasaye;

2 Vakorintho 7:5

Kigira, lwa kwa duka Makedonia, mibiri gyetu si gya lola ubwiyangu kali hakuzu, navutswa kwa saliridzwa tsimbega tsyosi; ikyova lya li lihe, na mugati bwa li ubutii.

Vagalatia 1:10

Navutswa kalunu nyenya avandu va mbugirire, naho Nyasaye? Naho nyenya kuyanzidza avamlu? Kalunu ni mba ni nyanzidza avandu, si mbeye mutumwa wa Kristo.

Vafeso 6:7

mu tumike nomwoyo gwobuyanzi, kuli bu veye ku Mwami, si bu li ku vandu:

Vafilipi 3:18

Kigira vanyingi va genda ava nda mu volera amakuva gavo hali kanyingi, kandi kalunu mmu volera nelilira, va veye avasigu vomusalaba gwa Kristo:

Vakolosai 3:24

mu manya mu la nyola ku Mwami madanyi gemiyandu: mu tumikiranga Mwami Kristo.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

2 Timoteo 1:4

Nkayirangwa ligali kulola ive nzidzuliranga amaliga gogo, nduke kwizula ubusangali;

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

1 Petro 1:6

Mu sangala ligali mu makuva yaga, kali ni i veye inyinga inkekeke kalunu, niva ni ga mu dukira, mu vereridzangwa mu ligeridzwa tsing'ano tsinyingi,

2 Petro 1:1

Simoni Petro, mutugwa nomutumwa wa Yesu Kristo, ibaruua yange i duke ku ava nyoye lisuuvira lilala lyere lyobulahi halala nekwinye, mu bulungi bwa Nyasaye wetu, Muhonnyi wetu Yesu Kristo:

Likunula 7:15

Kigira yaga va singiye imbiri wentebe ya Nyasaye; nokumutumekira mbasu nobudiku mu litempeli lilye: kandi uyu wikaye ku intebe a la singeridza lihema lilye kuvo.