Inyima yamakuva yaga Paulo ya saavira mu mwoyo lwa ya mala kuvita Makedonia na Akaiya, kutsia Yerusalemi, na a vola, Ni mmali kutsia yo, nu bulahi kandi ndole Romi.
Kandi va tsia halala naye kuduka Asia, Sopatro wa Berea muana wa Puro; na ku Vatesalonike, Aristarko na Sekundo; na Gaio wa Derbe, na Timoteo; na ku va Asia, Tukiko na Terofimo.
Kandi kwa nina mu bwato kutwula Filipi inyima yamadiku gobukima bu ta li namamera, ni ku duka kuvo mu Troa madiku gatanu; ni ku menya ho madiku gatanu na gaviri.