Vikolwa 2:46 - KITABU KITAKATIFU

⁴⁶ Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,

Vikolwa 2:46 ပူးပေါင်းရင်းမြစ်များ

Nehemia 8:10

Hene yaho ya va volera Mu tsie, mu lie kyenetu, munwe kinolu, na mu hile vidieli ku uyu wa vula kusundirwa kindu; kigira lidiku lya lero yili li veye lidiku litakatifu ku Yahova wetu: kandi mu ta vererera mba, kigira ubusangali bwa Ya hova bu veye tsingulu tsyenyu.

Zaburi 86:11

U nzegidze inzira yoyo, O Yahova; nda genda mu ageligali gogo: U kole mwoyo gwange kuva mulala kutia lieta lilyo.

Kohelethu 9:7

Tsia ku inzira yoyo, lia vyokulia vivyo nobuyanzi, kandi u nwe iwaini yoyo nomwoyo gwobusangali; kigira Nyasaye u mali kubugirira miyinzi gyigyo.

Matayo 6:22

Itaya yomubiri ni imoni: imoni yoyo ni i veye ing'ima, mubiri gugwo gwosi gu lizula bulavu.

Luka 11:41

Navutswa mu twulidze isadaka ku vyomugati; kandi henza, vindu vyosi vi veye vilahi ku mwinye.

Luka 24:30

Lwa yikala navo ku vyokulia, ya vugula mulango na a gu gasidza na a megannya na a va ha.

Luka 24:53

kandi va li mu litempeli kazozo ni vidzominya Nyasaye.

Vikolwa 16:34

Kandi ya vanegiridza kuduka mu inyumba yeye, na a vihula vyokulia, na a yanza munonono halala navenyumba yeye, kigira u mali kusuuvira Nyasaye.

Vikolwa 2:42

Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vikolwa 20:7

Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati.

Vikolwa 3:1

Petro na Yohana va li ni vanegira kutsia mu litempeli inyinga yokusaala, isaa i kola tsitanu na tsine.

Vikolwa 5:21

Navo lwa va hulira yaga, vingira mu litempeli ni bwenya kukya, ni vegidza. Navutswa musalisi munene yadza, navo ava li naye, ni va vungidza kyina navakulundu vosi va Israeli, kandi va tuma avandu kutsia mu inyumba yavahambe kuvaleta.

Vikolwa 5:42

Kandi ma diku gosi mu litempeli nomu inyumba yavo si va leka kwegidza, nokwilwadza amakuva ga Yesu kuli a veye Kristo.

Varumi 12:8

kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

1 Vakorintho 10:16

Kikombe kyobugasu kya ku gasidza si ki veye lisanga lyamasahi ga Kristo? Ubukima bwa ku megannya si bu veye lisanga lyomubiri bwa Kristo?

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

Vafeso 6:5

Mwinye avatugwa mu hulire yava ava veye avami venyu ku lugano lwomubiri, nobutii nelidegera, nomwoyo gwenyu mulala kuli vi veye ku Kristo;

Kwidzulitsa 12:12

Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

Kwidzulitsa 12:7

mu liire ha zana imbiri wa Yahova Nyasaye wenyu, nokusangala mu gosi aga mu vika ku makono genyu, mwinye navenyumba yenyu, ava Yahova Nyasaye wowo ya ku gasidzira.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Vakolosai 3:22

Avatugwa, mu hulire avami venyu ku lugano lwomubiri, mu vindu vyosi; mu ta kola butugwa bwetsimoni, kuli ava yanzidza avandu, navutswa nomwoyo gu ta li nobugadi; nomu gwokutia Mwami: