Vikolwa 2:42 - KITABU KITAKATIFU

⁴² Ni va hongera mu megidzo gavatumwa nomu lisanga, nomu limegannya ubukima, nomu lisaala.

Vikolwa 2:42 ပူးပေါင်းရင်းမြစ်များ

Luka 24:30

Lwa yikala navo ku vyokulia, ya vugula mulango na a gu gasidza na a megannya na a va ha.

Luka 24:35

Navo va vola vindu vya kolwa ku inzira, kandi kuli wa ya manyekana kuvo ku limegannya lyomulango.

Vikolwa 1:14

Yava vosi va menya nomwoyo mulala mu lisaala, halala navakali valala, na Maria mama wa Yesu, navamwavo veve.

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vikolwa 2:46

Kandi madiku gosi va hongera mu litempeli, nomwoyo mulala nokumegannya ubukima hango, ni va vugula vyokulia vyavo nobuyanzi kandi nemyoyo gyi ta li nobugadi,

Vikolwa 20:11

Kandi lwa ya mala kunina igulu nokumegannya ubukima, nokulagira nokuvavolera manyingi, kuduka inyinga ya bwa kya, ya tsia.

Vikolwa 20:7

Ku lidiku lyokutanga lisidza, lwa kwa vugana halala kumegannya ubukima, Paulo ya vilwadzira, ya li ni yenya kutsia mugamba; kandi ya hongera lilwadza lilye kuduka ubudiku hagati.

Vikolwa 4:23

Kandi lwa va lakuulwa, va duka ku avavo, ni va vuula gosi ga vasalisi vanene navakulundu va va volera.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Vikolwa 6:4

Navutswa kwinye ku la hongera mu lisaala nomu butumekiri bwelikuva.

Varumi 12:12

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

1 Vakorintho 10:21

Si mu nyala kunwa kikombe kyo Mwami nekikombe kyamademone: si mu nyala kusanga ku mesa yo Mwami noku mesa yamademone.

1 Vakorintho 11:2

Kalunu nzidzominya mwinye kigira mu nzidzulitsanga ku vindu vyosi, kandi mu gumiranga ligali yaga ga mwa vugula, kuli nda mu ha.

1 Vakorintho 14:6

Navutswa kalunu, avamitu, inze ni mba ni ntsitsa ku mwinye nokuvola netsinimi, nda mu konya ki, bugira ni nta vola mu livuula, kinga mu limanya, kinga mu liprofeta, kinga mu lyegidza?

Vagalatia 1:6

Ng'enyanga kigira mu twulidzeywi bwangu kuleka uyu wa mu langa mu tsimbabasi tsya Kristo nokuvikwa mu ivangeli yindi;

Vafeso 2:20

kigira mwombakeywi mmuse gwavatumwa nava profeti, Kristo Yesu mwene a veye ligina lyolwiga linene;

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

Vafilipi 1:5

kigira lisanga lyenyu mu lilandidza ivangeli kutwula ku lidiku lyokutanga kuduka lero;

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 4:2

Mu menye ligali mu lisaala mu hongere mulyo nomu lisantidza,

2 Timoteo 3:14

Navutswa ive u menye mu ga wegidzwa, naga wa lungikwa, limanya u manya ava wega ku;

Vahebraina 10:25

ku ta leka livugana halala avene navene, ku ta va kuli miima gyavalala gyi veye, navutswa li ve litsuvana; kandi kukola kuvita ligali, inyinga mu lola lidiku yilyo lisunda himbi.

Vahebraina 10:39

Navutswa kwinye si ku veye mu yavo avirana inyima kuduka mu budivi; navutswa ku veye mu yavo ava veye nelisuuvira kuduka mu buhonnyi bwomwoyo.

1 Yohana 1:3

lya kwa lola ni ku hulira yili ku mwilwadzira kandi mwinye mu duke kunyola lisanga nekwinye: yee, kandi lisanga lyetu li veye halala na Dada, na halala no Mwana wewe Yesu Kristo.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 2:19

Va twula ku kwinye, navutswa si va li ku kwinye; kigira ni va veye ku kwinye, nkano va menya nekwinye: navutswa va twula ku kwinye va lolekidzwe vosi si va li ku kwinye.

Yudasi 1:20

Navutswa mwinye, avayanze, mu lyeyombaka mu lisuuvira lyenyu litakatifu nomu lisaala mu Roho Mutakatifu