Vikolwa 2:4 - KITABU KITAKATIFU

⁴ Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vikolwa 2:4 ပူးပေါင်းရင်းမြစ်များ

2 Samweli 23:2

Roho wa Yahova ya vola mu inze, Na likuva lilye lya li mu lulimi lwange.

Isaya 28:11

Auwa, navutswa a la volera avandu yava neminwa migeni, nolulimi lundi;

Isaya 59:21

Mu makuva gange, lilagana lyange halala navo ni yili, Yahova a vola: Roho wange u veye ku ive, na makuva gange ga mbiki mu munwa gugwo, si ga la twula mu munwa gugwo mba, kinga mu munwa gwekisukululwi kikyo, kinga mu munwa gwevisoni vivyo, Yahova a vola, kutwula kalunu kuduka mihiga nemihiga.

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Ezekieli 3:11

Ma u tsie, kuduka ku yavo avelyadikidzwa, ku avana vavandu vovo, u va volere, u vole, Mwami Yahova a vola ndi; ni va va ni va hulira, naho ni va vula kuhulira.

Mika 3:8

Navutswa ku inze, ligali nzizuye tsingulu tsya Roho wa Yahova, nelikalaga, nobunyali, kwilwadzira Yakobo mahyolo gege, na Israeli ubwoni bwibwe.

Matayo 10:19

Navutswa lwa va li mu gumira, mu ta henda myoyo mba aga mu li tivula kinga aga mu li vola: kigira ku isaa yeyo mu la ka hebwe aga mu li vola.

Marko 16:17

Vilolekidzu yivi vi la loleka halala na va suuvira: va la twulidza amademone ne lyeta lyange; va la vola netsinimi tsimpya;

Luka 1:15

Kigira a la va munene imbiri wo Mwami, si a li nwa iwaini namalwa mba; a lizula Roho Mtaka tifu, kutwula munda mwa mama wewe.

Luka 1:41

Elisabeti lwa ya hulira lichelidza lya Maria, mwana ya kina munda mwimwe Elisabeti yizula Roho Mutakatifu,

Luka 1:67

Zekaria ise wewe, yizula Roho Mutakatifu, na a profeta, na a vola,

Luka 12:12

kigira Roho Mutakatifu a la mwegidza mu isaa zana aga li mu dukira kuvola.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Luka 4:1

Yesu yirana kutwula Yordani yizuye Roho Mutakatifu, kandi Roho ya mu hila mwigendanyama

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 20:22

Lwa ya vola yaga, ya va heerera mwika, na a va volera, Mu vugule Roho Mutakatifu.

Vikolwa 1:5

kigira Yohana ya batidza na madzi; navutswa mwinye mu la batidzwa mu Roho Mutakatifu inyima ya madiku makekeke.

Vikolwa 1:8

Navutswa mwinye mu la nyola tsingulu lwa Roho Mutakatifu a lidza ku mwinye: mu la va avalolekidzi vange mu Yerusalemi, kandi mu Buyuda bwosi kandi mu Samaria, kandi kuduka ku kiheri kyelirova.

Vikolwa 10:46

Kigira va va hulira va vola netsinimi tsing'ano tsing'ano, ni vidzominya Nyasaye. Hene yaho Petro ya tivula,

Vikolwa 10:47

Ibwaha a nyala kwambakannya amadzi va ta batidzwa avandu yava ava hebwa Roho Mutakatifu kuli kwinye?

Vikolwa 11:15

Na lwa nda tanga kuvola, Roho Mutakatifu yika kuvo kuli wa ya tanga kwika ku kwinye lwambiri.

Vikolwa 11:24

kigira ya li mundu mulahi ni wizula Roho Mutakatifu nelisuuvira: navandu vanyingi va dasika ku luvega lwo Mwami.

Vikolwa 13:52

Kandi avegidzwi vizula ubuyanzi na Roho Mutakatifu.

Vikolwa 13:9

Navutswa Saulo, wa langwa Paulo, yizula Roho Mutakatifu, ya mwumika,

Vikolwa 15:8

Kandi Nyasaye u manya myoyo, ya va lolekidza, na a va ha Roho Mutakatifu kuli ya ha kwinye;

Vikolwa 19:6

Kandi Paulo lwa ya mala kuvika kuvo makono gege, Rnho Mutakatifu yadza kuvo; ni va vola netsinimi, ni va profeta.

Vikolwa 2:11

kandi Vakirete, na Vaarabu, ku va hulira va vola mu lulimi lwetu vikolwa vinene gya Nyasaye.

Vikolwa 2:3

Kandi tsya loleka kuvo tsinimi tsyavukani kuli muliru; tsikala kuvo sa mulala sa mulala.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

Vikolwa 4:8

Ma Petro, yizula Roho Mutakatifu, ya va volera, Mwinye avanene vavandu, navakulundu,

Vikolwa 6:3

Avamitu, henzi avandu vatanu na vaviri ku mwinye va mu manya va veye valahi, avizula Roho nobugeeri, ava ku nyala kuvika mu muyinzi yigu.

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Vikolwa 6:8

Stefano ya li ni yizula netsimbabasi netsingulu, ya kola vyokugenya nevilolekidzu vinene mu vandu.

Vikolwa 7:55

Navutswa naye ya manya ni yizula Roho Mutakatifu, ni yumika na a henza migulu, na a lola ubukumi bwa Nyasaye, na Yesu u singiye ha mukono mulungi gwa Nyasaye,

Vikolwa 8:17

Kunangwa va vika makono gavo kuvo, navo va hebwa Roho Mutakatifu.

Vikolwa 9:17

Na Anania ya tsia ni yingira mu inyumba, na a vika makono kuye na a mu volera, Saulo amitu, Mwami u ntumi, naye ni Yesu wa loleka ku ive ku inzira ya wa tsira ku, u duke kulola, nokwizula Roho Mutakatifu.

Varumi 15:13

Kalunu Nyasaye welisuuviridzwa a mwizulitse ubuyanzi bwosi nemirembe mu lisuuvira, mu duke kukira lisuuviridzwa, mu tsingulu tsya Roho Mutakatifu.

1 Vakorintho 12:10

wundi a hebwangwa likola miyinzi gyetsingulu; wundi a hebwangwa ubuprofeti; kandi wundi a hebwangwa limanya roho: wundi a hebuangua tsing'ano tsyetsinimi; kandi wundi a hebwangua ligirunkannya tsinimi;

1 Vakorintho 13:1

Ni mba ni mbola netsinimi tsyavandu netsyetsingelosi, ni nta veye nobuyanzi, mbeye mugasa gu langiriranga, kinga kuli vikuli vi salanga.

1 Vakorintho 13:8

Ubuyanzi si bu veye ne kiheri mihiga nemihiga, navutswa ubuprofeti ni bu veye ho, bu la heridzwa, tsinimi ni tsi veye ho, tsi la hera; limanya ni li veye ho, li la heridzwa.

1 Vakorintho 14:18

Nsantidza Nyasaye kigira mbola netsinimi kuvita mwinye vosi;

1 Vakorintho 14:5

Kunangwa nyenya mwinye mwosi kuvola netsinimi, navutswa kinene nokuprofeta: kandi uyu u profetanga a veye munene kuvita uyu u vola netsinimi, bugira na a ta girunkannya, livugana li duke kwombakwa.

Vafeso 3:19

nokumanya ubuyanzi bwa Kristo obu vita limanya, mu duke kwizulitswa kali kuduka ku lizula lyosi lya Nyasaye.

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

Vafeso 6:18

nelisaala lyosi nokusaava mu lisaala tsinyinga tsyosi mu Roho, nokulinda mugeni yaga nelihongera lyosi nokusaalira avatakatifu vosi,

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.

2 Petro 1:21

Kigira ubuprofeti si bwa dukira ku bulaliri bwomundu: navutswa vandu va twula ku Nyasaye va vola aga Roho Mutakatifu ya va tsuviridza.

1 Samweli 1:14

Na Eli ya mu volera, u la va muhambiki kuduka inyinga ki? U leke iwaini yoyo.

1 Samweli 10:10

Na lwa va duka ha kigulu, henza, avaprofeti va vugana naye; na Roho wa Nyasaye ya duka kuye netsingulu, na ya profeta hagati havo.