Vikolwa 2:23 - KITABU KITAKATIFU

²³ uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Vikolwa 2:23 ပူးပေါင်းရင်းမြစ်များ

Litanga 50:20

Ku mwinye mwa saavira ubudamano ku inze; navutswa Nyasaye ya saavira ubulahi, kuleta yaga kuli ga veye lero, kuhonya livamwoyo lya avandu vanyingi.

Zaburi 76:10

Ligali ubutima bwavandu bu la kwidzominya: U la gaya ubutima bwa tigala.

Isaya 37:26

Si u huliye kuli nda kola vindu yivi ku matsyambiri, nokuvilomba mu madiku ga vita? Kalunu mbidukidzi, u duke kuva wokutung'aminya madala getsingaga, ga duke kuva vitumi vyeving'anye.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Matayo 20:19

na va mu vike mu makono ge Tsihiri va duke kumukolera kihenyahenye nokumukuya nokumubamba: ku lidiku lya gavaka a la simugukidzwa.

Matayo 26:24

Mwana wa Adamu a tsia kuli ga ng'odwa kuye: navutswa Bayaye bu veye ku mundu uyo wa zama Mwana wa Adamu bu va bulahi nkano mundu uyo si ya livulwa.

Matayo 27:35

Lwa va mala kumubamba va gavannya tsingubo tsitsye ni va kola tsikura;

Marko 15:24

Va mu bamba, ni vavukanya tsingubo tsitsye hagati havo, ni va kola tsikura kutsyo, va lole weyeye.

Luka 22:22

Kigira Mwana wa Adamu a tsia ligali kuli u saaveywi: navutswa bayaye bu veye ku mundu uyu u li mu zama

Luka 22:37

Kigira mmu volera, Yago aga ng'odwa, ga niga ga dukidzwe ku inze, Naye ya validzwa halala navoni: kigira aga veye ku inze ga veye neliduka.

Luka 23:33

Lwa va duka ha langwa Kihanga, va mu bamba yaho, kandi avakola ubudamano, mulala ku mukono mulungi nowundi ku mukono mmosi.

Luka 24:20

kandi kuli avasalisi vanene navanene vetu va mu zama mu likalaga lyelikudza, ni va mu bamba.

Yohana 19:18

Va mu bambira ho, kandi halala naye avandi vaviri, mulala ha luvega yilu no wundi ha luvega yilu, na Yesu hagati.

Yohana 19:24

Ku, va volerana, Ku ta gi tandula, navutswa ku kole ikura ku lole i la va ya bwaha. Ga duke kuduka mang'oda ga vola, Va gavana tsingubo tsyange, Ni va kola ikura ku ingubo yange.

Vikolwa 13:27

Kigira yava ava menya Yerusalemi, navanene vavo, kigira si va mu manya, kandi si va manya myoyo gyavaprofeti ava somangwa amasabato gosi va va dukidza ku limukalagira.

Vikolwa 15:18

Mwami a vola, wa kola vindu yivi vi manyekar e kutwula kale.

Vikolwa 2:36

Kigira yaga avenyumba yosi ya Israeli va manye ligali, Nyasaye u mali kukola Yesu uyu wa mwa bamba, a ve Mwami kandi a ve Kristo.

Vikolwa 3:18

Navutswa vindu vya Nyasaye ya tanga kumannya mu minwa gyavaprofeti vosi, Kristo wewe a la saliridzwa, u mali kuviduliidza ndi.

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Vikolwa 5:28

na a vola, Kwa mweganehidza ligali mu tegidza ku lieta yili: navutswa henzi, mwizulitsi amegidzo genyu Yerusalemi, mwenya kuleta amasahi gomundu uyu ku kwinye.

Vikolwa 5:30

Nyasaye wavaguga vetu ya simugukidza Yesu wa mwiita, ni mu mu sunga ku musala.

Vikolwa 7:52

U li ha ku vaprofeti, vaguga venyu va vula kudambidza? Kandi va viita yavo ava tanga kumannya lidza lyo Mulungi; wa mwinye kalunu mu mali kugwa avazami naviiti;

Varumi 2:12

Kigira vosi ku yavo va hyola bugira lilaga va la diva bugira lilaga: na vosi ku yavo va hyola mu lilaga va la kalagirwa nelilaga:

Varumi 4:17

(kuli ga ng'odwa, Mmali kukola ive ise wetsihiri tsinyingi) imbiri wa uyu wa ya suuvira, naye ni Nyasaye, u hedza avakudzu livamwoyo, kandi u talanga vindu vi ta li ho, kuli vi veye ho.

1 Vatesalonike 2:15

aviita Mwami Yesu, kandi avaprofeti, kandi va kunga kwinye, kandi si va yanzidza Nyasaye, kandi va hing'ana navandu vosi;

1 Petro 1:2

kuli litanga kumanya lya Nyasaye Dada, mu litakasa lya Roho, ku lihulira noku Iyuhirwa masahi ga Yesu Kristo: Tsimbabasi tsi ve ku mwinye, nemirembe gyi medeke.

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

1 Petro 2:8

Kandi, Ligina lyokwikigitalidza, nolwanda lwokwikigitalidza; Kigira vikigitala ku likuva kigira va vula kubugirira: ava vikwa va duke ku likuva yilyo.

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.