Vikolwa 2:22 - KITABU KITAKATIFU

²² Mwinye avasatsa va Israeli, mu huliridze amakuva yaga: Yesu wa Nazareti, mundu wa Nyasaye a langaminyi ku mwinye ku vikolwa vyetsingulu nevyokugenya nevilolekidzu, vya Nyasaye ya kola hagati henyu naye, kuli mwinye avene mu manya;

Vikolwa 2:22 ပူးပေါင်းရင်းမြစ်များ

Isaya 41:14

U ta tia mba, ive ing'ende Yakobo, na mwinye avandu va Israeli; nda ku konya, Yahova a vola, na Muhonnyi wowo ni uyu Mutakatifu wa Israeli.

Matayo 12:28

Navutswa inze ni ntwulidza amademone na Roho wa Nyasaye, kunangwa ubwami bwa Nyasaye bu duki ku mwinye.

Matayo 2:23

Na a duka kumenya mu lidala lya langwa Nazareti; ga duke kukolwa aga volwa nomunwa gwavaprofeti, a la langwa Munazareti.

Matayo 9:8

Navutswa viduma lwa vya lola, va genya ni vidzominya Nyasaye wa ha avandu tsingulu kuli yitsi.

Luka 11:20

Navutswa inze ni mba ni ntwulidza amademone nekidete kya Nyasaye, ubwa mi bwa Nyasaye bu mali kuduka ku mwinye.

Luka 18:37

Navo va mu volera Yesu Munazareti u vita.

Luka 24:18

Na mulala kuvo wa langwa Kileopa, ya tivula na a mu volera, Ive weng'ine u veye mugeni mu Yerusalemi, kandi u ta manya vindu vi koleywi mu madiku yaga?

Yohana 1:45

Filipu ya nyola Natanaeli, na a mu volera, Ku nyoye uyu wa Musa ya ng'oda kuye mu lilaga kandi avaprofeti, Yesu wa Nazareti, mwana wa Yosefa.

Yohana 10:37

Ni mba ni nta kola miyi nzi gya Dada wange, mu ta nsuuvira.

Yohana 11:47

Avasalisi vanene na Vafarisayo va vugannya kyina, ni va vola, Ku kola ndi? Kigira mundu uyu a kolanga vilolekidzu vinyingi.

Yohana 12:17

Kigira yaga kiduma kya mu londa lwa ya langa Lazaro mu kilindwa, na a mu simugukidza kutwula mu vakudzi, kya lolekidza.

Yohana 15:24

Mbula kukola kuvo miyinzi gyomundu wundi a ta kola, nkano si va veye nobwoni: navutswa va mali kulola nokudunyira inze na kandi Dada wange.

Yohana 19:19

Kandi Pilatu ya ng'oda ibaruwa na a gi vika ku musalaba igulu. Ga ng'odwa, YESU MUNAZARETI, MWAMI WA VAYUDA.

Yohana 3:2

Ya tsia ku Yesu ubudiku na a mu volera, Rabi, ku manya ive u veye mwegidzi wa twula ku Nyasaye; kigira si ha li nomundu u nyala kukola vilolekidzu yivi vya u kolanga, Nyasaye na a ta li halala naye.

Yohana 4:48

Yesu ya mu volera, Mwinye ni mu ta lola vyokulolekidza nevyokugenya si mu li suuvira mba.

Yohana 5:36

Navutswa lilolekidza lya mbeye nalyo li vita lya Yohana; kigira miyinzi gya Dada ya mpa kumaliridza, miyinzi zana gya nkola, gyi ndolekidza, he, Dada ya ntuma.

Yohana 6:14

Kigira yaga avandu lwa va lola kilolekidzu kya ya kola, va vola, Ligali uyu niye muprofeti zana udza mu lirova.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Yohana 7:31

Navutswa vanyingi ku kiduma va mu suuvira; ni va vola, Kristo lwa a lidza, a la kola vilolekidzu kuvita vyomundu uyu a kola naho?

Yohana 9:33

Uyu na a ta li mundu wa twula ku Nyasaye si ya nyala kukola kindu.

Vikolwa 13:16

Paulo ya singira na a va sima nomukono na a vola. Avasatsa va Israeli, na mwinye ava tia Nyasaye, mu huliridze:

Vikolwa 14:27

Navo lwa va mala kuduka nokuvugannya livugana, va va volera vindu vyosi vya Nyasaye ya kola navo, kandi yigulira Tsihiri kiliango kyelisuuvira.

Vikolwa 2:19

Nda leta vyokugenya igulu migulu, Nevilolekidzu mu lirova hasi; Amasahi, nomuliru, nelilumbe lyomwoki:

Vikolwa 2:43

Ubutii bwa gumira myoyo gya vosi: kandi vyokugenya vinyingi nevilolekidzu vinyingi vya kolwa navatumwa.

Vikolwa 21:28

ni va hanzuka ni va vola, Avasatsa va Israeli, mu ku konye: Uyu nu mundu u gemehidza avandu vosi mu vivala vyosi ku ihiri yetu noku lilaga noku hano; na kandi u mali kuleta Avagreki mu litempeli, kandi u maii kwononnya hatakatifu hano.

Vikolwa 22:8

Kandi nda tivula, U veye ibwaha, Mwami? Kandi ya mbolera, Inze ni Yesu wa Nazareti wa ive u dambidza.

Vikolwa 24:5

Kigira kwinye ku mali kulola mundu uyu kuva mundu mudamano ligali, nu mugemehidzi mu Vayuda vosi mu vivala vyosi mu lirova, kandi nu munene ku lyahuka lya Vanazareti:

Vikolwa 26:26

Kigira mwami wa mbolera nobuluviriri, a manya amakuva gevindu yivi; kigira mbola, vindu yivi si vi viswa kuye kali kilala, kigira yivi si vya kolwa mu king'oze mba.

Vikolwa 26:9

Inze ligali nda ganagana mwene, nobulahi nda kola vindu vinyingi vya hing'ana nelieta lya Yesu wa Nazareti.

Vikolwa 3:12

Petro lwa ya lola ya tivulira avandu, Mwinye avandu va Israeli, kigira ki mu genyira ku mundu uyu? Kandi kigira ki mu kwumika, kuli kwinye, netsingulu tsyetu naho nobutakatifu bwetu kwa mu kola a gende?

Vikolwa 3:6

Navutswa Petro ya mu volera, Inze si mbeye nefetha kandi thahabu; navutswa kya mbeye nakyo, yikyo nda ku ha. Ku lieta lya Yesu Kristo wa Nazareti, genda.

Vikolwa 4:10

ga manyekane ku mwinye mwosi, kandi ku vandu vosi va Israeli, ga veye ku lieta lya Yesu Kristo wa Nazareti, wa mwinye mwa bamba, kandi wa Nyasaye ya simugukidza mu vakudzi, ku lieta lilye mundu uyu a singira hano imbiri wenyu mulamu.

Vikolwa 5:35

Naye ya va volera, Mwinye avandu va Israeli, mwehenze ku vandu yava ga mwenya'kukola.

Vikolwa 6:14

kigira kwa li ku mu hulira na a vola, Yesu uyu wa Nazareti a lononnya hano, kandi a la girunkannya miima gya Musa ya ku ha.

2 Vakorintho 12:12

Ligali vilolekidzu vyavatumwa vya kolwa mu mwinye mu bwekudziri bwosi, ku vilolekidzu noku vyokugenya noku miyinzi gyetsingulu

Vahebraina 2:4

Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.