Vikolwa 2:2 - KITABU KITAKATIFU

² Kandi nonoho muhuma gwa twula migulu kuli muhuma gwembuudza inene, i genda ni yizula inyumba yosi ha va li ni vikaye.

Vikolwa 2:2 ပူးပေါင်းရင်းမြစ်များ

1 Avami 19:11

Naye ya mu volera, Tsia kyova, u singire mu kigulu imbiri wa Yahova. Na, henza, Yahova ya vita ha zana, nekihudzudzi kinene kyetsingulu kya tandula vigulu, na kwatanya tsinyanda imbiri wa Yahova; navutswa Yahova si ya li mu kihudzudzi zana mba: inyima weki hudzudzi yikyo lidegera lyekivala lya li ho, navutswa Yahova si ya li mu lidegera zana yilyo mba:

Zaburi 18:10

Yikala ku mukerubi, na a buluka; Yee, ya buluka ku tsimbaha tsyembuudza.

Lwimbu lwa Solomoni 4:16

Vuka, imbuudza ya kasikasini; hamba, imbuudza ya kusini; Huudza ku mulimi gwange, mwa yu gwagwo gu duke kuvuyidzwa kyova. Muyanze wange yingire mmulimi gwigwe, A lie amakuyu gage aga yanzidzanga.

Isaya 65:24

Na ga la duka kuva, ni va kikiri kunanga, nda bugirirana lwa va veye mu livola, nda hulira.

Malaki 3:1

Henza, ntuma mutumwa wange naye a la lungikidza inzira mbir; wange: na Yahova wa mwenyanga, a ladza ku litempeli lilye nonoho; nomutumwa welilagana, wa mwenyanga, henza, yadzanga, Yahova wa mahe a vola.

Luka 2:13

Nonoho ndi va li ho halala nengelosi kiduma kyelihe lya igulu, vidzominya Nyasaye, ni va vola.

Yohana 3:8

Imbuudza i huudza ha i yanzanga, na ive u hulira lihuma lyayo, navutswa si u manya wa i twulanga, kinga wa i tsitsanga: ni ndiyo ku vandu vosi va Roho yivula.

Vikolwa 2:3

Kandi tsya loleka kuvo tsinimi tsyavukani kuli muliru; tsikala kuvo sa mulala sa mulala.

Vikolwa 2:6

Ku, mwoyo yigwo lwa gwa hulirwa, kiduma kya vugana, ni va gumirwa nelihuga, kigira mundu sa mulala ya hulira ni va vola ululimi lwilwe.

Vikolwa 4:31

Lwa va mala kusaala, ha va vuganira ha degeridzwa; navo vizula Roho Mutakatifu vosi, ni va vola likuva lya Nyasaye nobuluviriri.

1 Petro 1:12

Aga lang'aminywa kuvo, si ga li kuvo avene, navutswa ku mwinye va tumekiranga mu vindu yivi vilwadzeywi kalunu na yavo ku mwinye, avilwadza ivangeli mu Roho Mutakatifu wa tumwa kutwula migulu; amakuva getsingelosi venyanga kuteveridza.