Vikolwa 2:17 - KITABU KITAKATIFU

¹⁷ Nyasaye a vola, ku madiku gekiheri, Nda tsuka Roho wange ku vandu vosi: Navayai navakana venyu va la profeta Navasoleii venyu va la lola malola Navasakulu venyu va la lota maloto:

Vikolwa 2:17 ပူးပေါင်းရင်းမြစ်များ

Litanga 49:1

Kandi Yakobo ya langa avana veve, na a vola: Mu vugane halala nduke kumuvolera aga li mu gwira mu madiku gadzanga.

Litanga 6:12

Kandi Nyasaye ya lola lirova, na, henza, lya li ni lyoneki; kigira vyemibiri vyosi vyononya inzira yavyo ku lirova.

Zaburi 65:2

O ive umuhuliri welisaala, Ku ive mibiri gyosi gyi ladza.

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Tsing'ano 1:23

Mwegirunkannye kigira ligondoka lyange: Henza, nda mu tsukira roho wange Nda mu mannya makuva gange.

Isaya 2:2

Mmadiku gekiheri, kigulu kyenyumba ya Yahova ki la singeridzwa ku tsisonga tsyevigulu, nokugingwa igulu kuvita vigulu; na tsihiri tsyosi tsi la tsia ku tsimbiru.

Isaya 40:5

nobukumi bwa Yahova bu la lang'aminywa, na vomubiri vosi halala va la bu lola: kigira munwa gwa Yahova gwa vola yaga.

Isaya 44:3

Kigira nda tsuka amadzi ku uyu u veye nobuluhu, noku tsuka tugera mu kivala kyumu: nda tsuka Roho wange ku kisukululwi kikyo, nobugasu bwange nda tsuka ku yavo avolwivulu Iwulwo:

Isaya 49:26

Na ava dambidzanga ive nda va lihidza inyama yavo avene; na va la hambika kulinwa lyamasahi gavo avene, kuli iwaini inulu: na avemibiri vosi va la manya inze, Yahova, mbeye Mukonyi wowo, Mutungiri wowo, Wanyala Vyosi wa Yakobo.

Isaya 66:23

Na ga la duka, kutwula mweli muhya mulala, kuduka ku gundi, nokutwula ku lisabato lilala kuduka ku lindi, avemibiri vosi va ladza kusigamira imbiri wange, Yahova a vola.

Ezekieli 11:19

Na nda va ha mwoyo mulala, na nda vika roho muhya mu mwinye; na nda twulidza mwoyo gwamagina mu mibiri gyavo, na nda va ha mwoyo gwenyama;

Ezekieli 39:29

kandi si nda visa mmoni mwange kuvo kandi mba; kigira mmali kutsuka Roho wange ku inyumba ya Israeli, Mwami Nyasaye a vola.

Danyeli 10:14

Kalunu nduki ku kumannya aga li gwira avandu vovo mu madiku gekiheri; kigira madiku ge lilola ga kikiri amanyingi.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Mika 4:1

Navutswa mu madiku gekiheri ga la va, kigulu kyenyumba ya Yahova ki la dinyeridzwa ku isonga yevigulu, na ki la nenehidzwa kuvita tugulu; navandu va la ng'unyana mukyo.

Zekaria 12:10

Na nda tsuka roho gwetsimbabasi na lisaala ku inyumba ya Daudi, noku vamenyi Yerusalemi; na va la lola inze wa va tumita; na va la mu syomera, kuli mundu a syomeranga mwana wewe muderwa, na va la va mu busaliri kigira uyu, kuli mundu a veye mu busaliri kigira wa tanga kwivulwa wewe.

Zekaria 2:13

Mu kiring'ane, mwinye mwosi avemibiri, imbiri wa Yahovakigira u vuki mbumenyo bwibwe butakatifu.

Luka 3:6

Navandu vosi va la lola ubuhonnyi bwa Nyasaye.

Yohana 17:2

kuli ive wa mu ha tsingulu ku inyama yemibiri gyosi, vosi va wa mu ha a va he livamwoyo li ta hera mba.

Yohana 7:39

Navutswa yaga ya vola ku Roho, wa va li nyola, yava ava suuvira kuye: kigira Roho ya li na kikiri kuhaanwa; kigira Yesu ya li na a kikiri kuhebwa ubukumi.

Vikolwa 10:45

Yava ava kevwa, ava suuvira, vosi avadza halala na Petro, va genya, kigira kihaanwa kya Roho Mutakatifu kya tsukwa ku vandu ve Tsihiri.

Vikolwa 11:27

Mu madiku yago avaprofeti va sulunguta kutwula Yerusalemi kuduka Antiokia.

Vikolwa 11:28

Kandi mundu mulala kuvo wa langwa Agabo ya singira, na a lolekidza netsingulu tsya Roho, inzala inene i ladza mu lirova lyosi: nayo ya duka mu madiku ga Klaudio.

Vikolwa 2:16

navutswa yaga na ga volwa nomprofeti Joeli:

Vikolwa 2:18

Yee, ku vatugwa vange avayai navakana mu madiku yago Nda tsuka ku Roho wange; kandi va la profeta.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Vikolwa 21:9

Mundu uyu ya li navana avakana vane avagima ava profetanga.

Varumi 5:5

kandi ubuluviriri si bu leta tsisoni; kigira Roho Mutakatifu wa kwa hebwa, u tsuki ubuyanzi bwa Nyasaye mu myoyo gyetu.

1 Vakorintho 12:10

wundi a hebwangwa likola miyinzi gyetsingulu; wundi a hebwangwa ubuprofeti; kandi wundi a hebwangwa limanya roho: wundi a hebuangua tsing'ano tsyetsinimi; kandi wundi a hebwangua ligirunkannya tsinimi;

1 Vakorintho 12:28

Kandi Nyasaye ya vika avalala mu livugana, vokutanga avatumwa, avakaviri navaprofeta, avakavaka va veye avegidzi, kandi likola miyinzi gyokugenya, kandi vihaanwa vyokuhonnya avalwaye, kandi ubukonyani, kandi lya meha, kandi tsing'ano tsyetsinimi.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Yakobo 5:3

Ithahabu yenyu nefetha yenyu tsi kupi tsisisiniya; netsisisiniya tsyavyo tsi la va kilolekidzu ku mwinye, kandi tsi la lia tsinyama tsyenyu kuli muliru. Mwevikiye akiba mu madiku gekiheri.

2 Petro 3:3

mu litanga kumanya likuva yili, mu madiku gekiheri avekihenyahenye va ladza nekihenyahenye ava gendanga kuli likayirwa lyavo avene,