Vikolwa 18:5 - KITABU KITAKATIFU

⁵ Navutswa Sila na Timoteo lwa va duka kutwula Makedonia, Paulo ya tsuvwa mu mwoyo nelikuva na a lolekidzira Avayuda, Yesu a veye Kristo.

Vikolwa 18:5 ပူးပေါင်းရင်းမြစ်များ

Jeremia 20:9

Ni mbola, Si nda mu tala kandi, kandi si nda vola kandi ku lieta lilye, ma ga veye mu mwoyo gwange kuli umuliru gwaakanga gwa bofwa mu vigumba vyange, na nduhi kwekudzira si nyala kweyaya.

Jeremia 6:11

Kunangwa kigira yaga inze nzizuye ubutima bwa Yahova; lyegaya li nduhidzanga: u bu tsuke ku avana va veye ku inzira noku livugana lya vayai vasoleli, kigira kali musatsa halala nomukali wewe a la vugulwa, musakulu halala na uyu wizuye madiku.

Ezekieli 3:14

Ma Roho ya ng'inga igulu, nokumbila ahandi; na nda tsia nobululu, mu butima bwomwoyo gwange; nomukono gwa Yahova gwa li ku inze netsingulu.

Mika 3:8

Navutswa ku inze, ligali nzizuye tsingulu tsya Roho wa Yahova, nelikalaga, nobunyali, kwilwadzira Yakobo mahyolo gege, na Israeli ubwoni bwibwe.

Luka 12:50

Navutswa mbeye nelibatidza lya ndi batidzwa nalyo; nigeywi ndi ku duka ku li nyole

Luka 16:28

kigira mbeye navamitu vatanu; a duke kuvavolera, gase va la duka hokusa lira hano.

Yohana 1:41

Ya tanga kunyola amwavo wewe mwene, Simoni, na a mu volera, Ku nyoye Mesia (litivula li veye Kristo).

Yohana 10:24

Kunangwa Avayuda va mu kumbiridza, ni va mu volera, U la ku hayahayidza kuduka inyinga ki? Nu u va nu u veye Kristo u ku volere habulavu.

Yohana 15:27

kandi mwinye mu la lolekidza, kigira mwinye mwa li halala ninze kutwula mu litanga.

Yohana 3:28

Mwinye avene mu ndolekidzira, nda vola, Inze si mbeye Kristo, navutswa, nda tumwa imbiri wewe.

Vikolwa 10:42

Kandi ya ku laga kwilwadzire avandu, nokulolekidza uyu niye wa Nyasaye ya kola a ve Mukalagi wa va veye mwoyo na vakudzi.

Vikolwa 15:22

Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu:

Vikolwa 16:1

Kandi ya duka Derbe na Lustra. Na henza, ya li ho mwegidwzi mulala, wa langwa Timoteo, mwana womukali Muyuda wa suuvira; navutswa ise ya li Mugreki.

Vikolwa 16:12

kandi ku a duka Filipi, li veye Iidala lya Makedonia, linene lyolusoma, kandi lya Varomi vadikira mu: kandi kwa menya mu lidala yili amadiku ga duki.

Vikolwa 16:9

Liloto lya duka ku Paulo ubudiku: Mundu wa Makedonia u singiye na a mu goonya, na a vola, Wambuke udze mu Makedonia u ku konye.

Vikolwa 17:3

ya vuula na a va mannya ga dukira Kristo a saliridzwe nokusimuguka mu vakudzi; kandi ya vola, Yesu uyu wa nzilwadza, uyu niye Kristo.

Vikolwa 18:28

kigira va guuta Vayuda ligali imbiri wavandu, na a va mannya namang'oda, Yesu a veye Kristo.

Vikolwa 2:36

Kigira yaga avenyumba yosi ya Israeli va manye ligali, Nyasaye u mali kukola Yesu uyu wa mwa bamba, a ve Mwami kandi a ve Kristo.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Vikolwa 20:23

navutswa Roho Mutakatifu a ndolekidza mu madala gosi, a vola libofwa nekivi vi ninda.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Vikolwa 4:20

kigira kwinye si ku nyala kuleka kuvola vindu vya kwa lola nevya kwa hulira.

Vikolwa 9:22

Navutswa Saulo ya kira kunyola tsingulu, na a va legerera Avayuda ava menya Damasko, a vuula ligali uyu Yesu ni Kristo.

2 Vakorintho 1:19

Kigira Mwana wa Nyasaye, Yesu Kristo, w a kwilwadza ku mwinye, inze na Silvano na Timoteo, si ya li yee na auwa, navutswa muye ga veye yee.

2 Vakorintho 11:9

kandi lwa nda li halala nemwinye nokugehera ivindu, si nda yeka ku mundu kali mulala; kigira avamitu lwa va twula Makedonia, va nzizulitsira ubugeheru bwange; kandi mu vindu vyosi inze mwene ndilinda nta gwa ubuliduhu ku mwinye, ndelinda kandi ndiyo.

2 Vakorintho 5:14

Kigira ubuyanzi bwa Kristo bu ku niganga kigira ku ganagana ndi, mulala na a va ni ya kudzira vosi, vosi va kudza;

Vafilipi 1:23

Mbeye hagati ha gaviri, nkayirwa kutsia nduke kuva halala na Kristo; kigira yili ni lilahi kuvita:

1 Vatesalonike 3:2

kandi kwa tuma Timoteo, amitu wetu, mutumwa wa Nyasaye mu ivangeli va Kristo, a duke kuha mwinye tsingulu, nokumuleminya myoyo mu lisuuvira lyenyu;

1 Vatesalonike 3:6

Navutswa Timoteo lwa a duki kalunu ku kwinye kutwula ku mwinye, nokukuletera amakuva malahi gelisuuvira lyenyu nobuyanzi bwenyu, nokwidzulira kwinye bulahi kazozo, nokukayirwa kukulola, kuli kwinye kandi ku kayirangwa kumulola;

1 Petro 5:12

Mmu ng'odera mwinye amakuva makekeke, nokumuletera mu mukono gwa Silvano amitu wetu musuuvirifu, nungikidza mwinye nokumulolekidzira, yitsi nitsyo tsimbabasi tsyeligali tsya Nyasaye: mwedinyeridze mutsyo.