Vikolwa 17:25 - KITABU KITAKATIFU

²⁵ kandi si a tumekirwa namakono gavandu, kuli mudaka wekindu kali kilala, kigira niye mwene a hedzanga vosi livamwoyo nomwika, nevindu vyosi.

Vikolwa 17:25 ပူးပေါင်းရင်းမြစ်များ

Litanga 2:7

Na Yahova Nyasaye ya lomba mundu nolugukyi lwamarova, na a huudza mmolu gege mwika gwelivamwoyo: na mundu ya gwa mwoyo gwelivamwoyo.

Ayubu 12:10

Welivamwoyo lya vyosi vi veye mwoyo li veye mmukono gwigwe, Na myika gyavandu vosi?

Ayubu 22:2

Mundu ku vosi a nyala ku konya Nyasaye? Ligali wobugeeri yekonyanga mwene.

Ayubu 27:3

(Kigira livamwoyo lyange li kikiri ligima mu inze, Na mwika gwa Nyasaye gu veye mu amolo gange);

Ayubu 33:4

Roho wa Nyasaye u nombi, Na mwika gwa Wanyala Vyosi gu mbedzanga livamwoyo.

Ayubu 34:14

Na a va ni ya vika mwoyo gwigwe ku vandu, Na a va ni yevungidzira mwene roho wewe nomwika gwigwe;

Zaburi 16:2

O mwoyo gwange, u voleye Yahova, Ive u veye Mwami wange: Si mbeye nobulahi bu ta li mu ive.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 57:16

Kigira si nda hangala madiku gosi, kinga kuva nobutima madiku gosi; kigira nkano roho gwa ka kudza imbiri wange, na myoyo gya nombi.

Jeremia 38:16

Ma mwami Zedekia yisuhira Jere mia makiriri, na a vola, Kuli Yahova a veye mwoyo, wa ku lombera mwoyo gwange yigu, Inze si nda kwiita, kandi si nda ku vika mmakono gavandu venyanga mwoyo gugwo mba.

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Livalidza 16:22

Navo va gwa mammama, nokuvola, O Nyasaye, Nyasaye wa roho gya avembiri wa vosi, mundu mulala na a va na a kola ubwoni, u la dunyira livugana lyosi?

Livalidza 27:16

Yahova, Nyasaye wemyoyo gyavandu vosi, a tovole mundu a ve munene welivugana,

Matayo 5:45

mu duke kuva avana va Dada wenyu u veye migulu: kigira a vaalidza liuva lilye ku vadamano navalahi, kandi a kupidza imbula ku valungi nava ta li avalungi.

Matayo 9:13

Navutswa mu tsie mweyegidze amakuva yaga; Nyenya tsimbabasi, si nyenya visyuviriru; kigira si ndadza kulanga avalungi navutswa kulanga avoni.

Vikolwa 14:17

Navutswa si veleka mwene a vule kuva nevilolekidzu, kigira ya kola bulahi, na a leta tsimbula tsyomigulu na a mu ha imihiga gyeligesa, ni yizulitsa myoyo gyenyu vyokulia nobutsantsaliki

Vikolwa 17:28

kigira ku uyu ku veye mwoyo, kandi ku genda, kandi ku hindira; kuli avalala ku va lomba tsinyimbu tsyenyu, va vola. Kigira kwinye ku veye visukululwi vivye.

Varumi 11:35

Kandi ibwaha wa tanga kumuha kindu, naye a liranyirwa?

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

1 Timoteo 6:17

U lage ava veye avatugi mu tsinyinga tsya kalunu, va ta va nobwigingiri, kandi va ta vika lisuuvira lyavo ku ubutugi bu ta suuvirwa, nawtswa va suuvire Nyasaye, u ku hedzanga vindu vyosi nobuhinda ku duke kuvitumekira nobuyanzi;