Vikolwa 17:24 - KITABU KITAKATIFU

²⁴ Nyasaye uyu wa lomba lirova nevindu vyosi vi veye mu, uyu, kigira a veye Mwami weligulu nelirova, si a menya mu matempeli gombakwa namakono;

Vikolwa 17:24 ပူးပေါင်းရင်းမြစ်များ

Litanga 1:1

Mu litanga Nyasaye ya lomba migulu nelirova.

Litanga 14:19

Naye ya mu gasidza, na a vola, A gasidzwe Abram wa Nyasaye U Veye Igulu ku Vyosi, Mwene weligulu nelirova;

Litanga 14:22

Na Abram ya volera mwami wa Sodoma, Inze rgingiye Yahova mukono gwange, Nyasaye u Veye Igulu ku Vyosi, Mwene weligulu ne lirova,

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

2 Avami 19:15

Na Hezekia ya saala Yahova, na a vola, O Yahova, Nyasaye wa Israeli, ive wikalanga igulu wa vakerubi, ive u veye Nyasaye, ive weng'ine, wobwami bwosi bwelirova; na ive wa lomba ligulu nelirova.

2 Kyetsinyinga 2:6

Navutswa ni bwaha u nyala ku mwombakira inyumba, ni i va ligulu si li mu duki, kinga amagulu gomi gulu? Kunangwa inze mbeye bwaha, nduke kumwombakira inyumba, ni i ta li yokuvuyidza livuya imbiri wewe?

2 Kyetsinyinga 6:18

Nyasaye ligali a la menya na vandu mu lirova? Henza, ligulu kinga mwigulu lyomwigulu ni mu vula kuduka ive; nasindi inyumba yiyi ya ndombaka

Zaburi 115:16

Ligulu yili li veye ligulu lya Yahova; Navutswa lirova ya ha avana va avandu.

Zaburi 146:5

A veye nobugasu u veye na Nyasaye wa Yakobo kuva mukonyi wewe, Welisuuvira lilye li veye ku Yahova Nyasaye wewe:

Zaburi 148:13

Vidzominye lieta lya Yahova; Kigira lieta lilye lyeng'ine li veye kukuminywa; Ubukumi bwibwe bu veye igulu welirova na ligulu.

Zaburi 24:1

Lirova li veye lya Yahova, na vyosi vizula mulyo; Vivala vyetsihiri, na yavo ava menya muvyo.

Isaya 40:12

Ni bwaha u geri amadzi ku luhe lwomukono gwigwe, nokugera ligulu neligera lyokutwula ku kidete kinene kuduka kyanyasi, nokumanya liduka lyolugukyi lwelirova mu kigero, nokugera vigulu ku tsiratili, notugulu ku tsiratili tsyokusung'anana?

Isaya 40:28

U kikiri kumanya? U kikiri kuhulira? Nyasaye wemihiga nemihiga, Yahova, Mulombi wetsintulu tsyelirova, si a kudzanga mwoyo, kandi si a luhanga; limanya lilye si liderangwa.

Isaya 42:5

Nyasaye Yahova a vola, uyu wa lomba ligulu, nokulivagala; uyu wa vambula lirova na vyosi vi twulanga mulyo; uyu u haananga mwika ku avandu vosi va veye kulyo, nokuhaana roho kuvo ava gendanga kulyo:

Isaya 45:18

Kigira Yahova wa lomba ligulu Nyasaye, wa longa lirova nokulikola wa li dinyeridza, ya li lomba li vule kuva lyere, ya li longa avandu va menye ku: uyu a vola ndi, Inze mbeye Yahova; si ha veye nowundi.

Isaya 66:1

Yahova a vola yaga, Ligulu li veye intebe yange yobwami, na lirova li veye intebe yevirenge vyange: mu la nyombakira inyumba yo lugano ki? Kandi ni haliha ha duka kuva hango hange hokusosa?

Jeremia 10:11

Mu la va volera yaga, Avanyasaye ava vula kulomba ligulu na lirova, yava va la diva va twule mu kivala, va twule isi weligulu.

Jeremia 23:24

Ku vosi mundu a nyahl kwivisa mbwivisi mbula kumulola? Yahova a vola. Si ndizula ligulu nelirova? Yahova a vola.

Jeremia 32:17

O Mwami Yahova henza, ive u lombi ligulu nelirova nobunyali bubwo bunene nomukono gugwo gwa nyirwa; si ha veye nekindu kidinyu kuguuta ive,

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Zekaria 12:1

Yibu nobuliduhu bwelikuva lya Yahova ku Israeli. Yahova a vola, uyu u vambula lugulu, uyu u temanga mise gyelirova, nokulomba umwoyo gwomundu muye:

Malaki 2:10

Kwinye kwosi si ku veye na dada mulala? Si a veye Nyasaye mulala wa ku lomba? Kigira ki kwinye ku tumekiranga ubugadi sa mulala ku amwavo wewe, ni kwononnya amalaga ga vaguga vetu?

Matayo 11:25

Inyinga yeyo Yesu ya tivula na a vola, Nku santidza, Dada, Mwami weligulu nowelirova, kigira wa visa ku vageeri navahuliri, vindu yivi, nu u vi vuulira avana:

Matayo 5:34

navutswa inze mmu volera mu tisuha ligali mba; kali ku ligulu, kigira ni kisako kya Nyasaye;

Luka 10:21

Inyinga zana ya yanza ligala mu Roho Mutakatifu, na a vola, Nkwidzominya ligali, Dada, Mwami weligulu nelirova, kigira wa visa ivindu yivi ku vageeri navahuliri, navutswa u vuuliye avana vadoto: yee, Dada; kigira u yanza ndiyo.

Yohana 1:1

Mu litanga ya li ho Inkuva, kandi Inkuva ya li ho halala na Nyasaye, kandi Inkuva ya li Nyasaye.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 4:24

Navo lwa va mala kuhulira yaga, va gingira Nyasaye myoyo gyavo halala, ni va vola, O Mwami, wa lomba ligulu, nelirova, nenyanza, nevindu vyosi vi veye mu:

Vikolwa 7:48

Navutswa U Veye Igulu Ligali si a menya mu tsinyumba tsyombakwa na makono; kuli muprofeti a vola,

Varumi 1:19

Kigira ga nyala kumanywa ga Nyasaye ga lang'aminywa muvo: kigira Nyasaye ya ga lang'aminya kuvo.

Kwidzulitsa 10:14

Henza, ligulu li veye lya Yahova Nyasaye wowo, neligulu lyomigulu, nelirova, na vyosi vi veye mulyo.

Vahebraina 1:2

kalunu mu madiku yaga, u voleye kwinye mu Mwana wewe, wa ya vika kuva wemiyandu gyevindu vyosi, kandi wa ya lomba naye tsinyinga tsyosi.

Vahebraina 3:4

Kigira tsinyumba tsyosi avandu vombaka; navutswa wombaka vindu vyosi ni Nyasaye.

Likunula 20:11

Kandi nda lola intebe inene indavu, noyu wikala ku, welirova neligulu viruka mumoni mwimwe; kandi si ha nyoleka hokumenya havyo.