Vikolwa 17:18 - KITABU KITAKATIFU

¹⁸ Kandi avalala ku Vaepikurio na Vasitoiko ava li vafilosofo, va mu nyola. Avalala va vola, Mudemanyi uyu yenya kuvola ki? Navandi va vola, A fwana mwilwadzi wamademone amageni: kigira ya li ni yilwadza Yesu nelisimuguka.

Vikolwa 17:18 ပူးပေါင်းရင်းမြစ်များ

Tsing'ano 23:9

U ta vola mu lihulira lyomusiru; Kigira a la lega ubugeeri bwamakuva gogo.

Tsing'ano 26:12

U lola mundu weganagana mwene a veye mugeeri? Ha veye nelisuuvira mu makuva gomusiru kuvita uyu.

Marko 9:14

Lwa va duka ku vegidzwi, va lola kiduma kinene va va kumbiridza, navang'odi va tevana navo.

Luka 11:53

Lwa ya twula mu, avang'odi na Vafarisayo va tanga kuvihirirwa ligali, nokumuteva vindu vinyingi;

Vikolwa 26:23

kuli ga dukira Kristo a saliridzwe, kandi kuli mwene a la tanga kusimugukidzwa mu vakudzi, nokwilwadza ubulavu ku vandu noku Tsihiri.

Vikolwa 4:2

ni va henda mwoyo ligali kigira vegidza avandu, ni vilwadza ku Yesu amakuva gokusimuguka kutwula mu vakudzi.

Vikolwa 5:42

Kandi ma diku gosi mu litempeli nomu inyumba yavo si va leka kwegidza, nokwilwadza amakuva ga Yesu kuli a veye Kristo.

Vikolwa 6:9

Navutswa avalala velivugana lya Valiberitino, na Vama kurene, na Vaisikanderi, navo va twula Kilikia na Asia, va twula ni va hangalidzana na Stefano.

Varumi 1:22

Mu livola lyavo avene ku veye avageeri, va gwa avasiru,

1 Vakorintho 3:18

Ku vosi mundu kali mulala a tegada. Ku vosi mundu na a va na a ganagana a veye mugeeri ku mwinye mu tsinyinga yitsi, a gwe musiru, a duke kugwa mugeeri.

1 Vakorintho 4:10

Kwinye ku veye avasiru kigira Kristo, navutswa mwinye mu veye avageeri mu Kristo; kwinye ku veye avadedekere, navutswa mwinye mu veye netsingulu; mwinye mu veye nelidzominywa, navutswa kwinye ku veye nelilegwa.

Vakolosai 2:8

Mu henze bulahi gase mundu ku vosi a la mu lanyera ku ubugeeri bwomkivala nobugadi bwa vutswa, ku tsing'ano tsyavandu noku megidzo golugano lwelirova, ga ta li ku lugano lwa Kristo.