Vikolwa 16:31 - KITABU KITAKATIFU

³¹ Va mu volera, U suuvire Mwami Yesu, na ive u la honnywa, ive navenyumba yoyo.

Vikolwa 16:31 ပူးပေါင်းရင်းမြစ်များ

Litanga 17:7

Kandi nda singeridza lilagana lyange hagati hange na ive na visukululwi vivyo inyima wowo, mu visukululwi vyavo li ve lilagana lyemihiga nemihiga, nduke kuva Nyasaye ku ive noku visukululwi vivyo inyima wowo.

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

Isaya 45:22

Mu henze ku inze, mu honnywe, mwinye avetsindulu tsyelirova tsyosikigira mbeye Nyasaye, si ha veye nowundi.

Jeremia 32:39

nda va ha mwoyo mulala, nenzira indala va duke kutia inze madiku gosi, kuvakolera bulahi, na bwavana vavo inyima wavo:

Habakuk 2:4

Henza, mwoyo gwigwe gu vimbi, si gu veye mulungi muye mba; navutswa wobulungi a la va mwoyo ku lisuuvira lilye.

Marko 16:16

U suuvira na a batidzwe a la honnywa; u vula kusuuvira a la kyaywa.

Yohana 1:12

Navutswa vosi ava mu bugirira, ya va ha tsingulu kugwa avana va Nyasaye, va zana ava suuvira lieta lilye:

Yohana 20:31

navutswa yivi vi ng'odwa mu duke kusuuvira Yesu a veye Kristo, Mwana wa Nyasaye; kandi ku lisuuvira lyenyu mu ve nelivamwoyo mu lieta lilye.

Yohana 3:36

U suuvira Mwana a veye nelivamwoyo li ta hera mba; navutswa uyu u ta tia Mwana si a li lola livamwoyo, navutswa ubutima bwa Nyasaye bu menya kuye.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 6:47

Ligali, ligali, mmu volera, Uyu u suuvira a veye nelivamwoyo li ta hera mba.

Vikolwa 15:11

Navutswa kwinye ku suuvira ku la honnywa ne tsimbabasi tsyo Mwami Yesu, kuli yava.

Vikolwa 16:15

Kandi lwa ya batidzwa, halala navenyumba yeye, ya ku saala na a vola, Ni mu lola inze mbeye musuuviri ku Mwami, mwingiri mu inyumba yange mu menye. Kandi ya ku niga.

Vikolwa 16:32

Va mwilwadzira likuva lyo Mwami halala nnvenyumba yeye vosi.

Vikolwa 18:8

Kandi Krispo, munene welisomero, ya suuvira Mwami, halala navenyumba yeye vosi; kandi avanyingi ku Vakorintho va hulira ni va suuvira, ni va batidzwa.

Vikolwa 4:12

Kandi si ha li nobuhonnyi ku wundi: kigira si ha li nelieta lindi muse mweligulu, lya hebwa mu vandu, li ku niga ku honnywe nalyo.

Vikolwa 8:36

Navo lwa va li va genda ku inzira va duka ha madzi malala: kitsiri ya vola, Henza amadzi; amakuva ki ga ngayidza nta batidzwa?

Varumi 11:16

Kandi ubuhya ni bu va ni bu veye butakatifu, lihumbi lyosi li veye ndiyo: kandi kitinya ni ki va ni ki veye kitakatifu, kandi tsisya tsi veye ndiyo.

Vagalatia 3:14

ubugasu bwa Abrahamu mu Yesu Kristo bu duke ku ve Tsihiri; ku duke kunyola lisuuviridzwa lya Roho kigira lisuuvira.

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vagalatia 3:26

Kigira mwinye mwosi mu veye avana va Nyasaye, kigira lisuuvira mu Kristo Yesu.