Vikolwa 16:25 - KITABU KITAKATIFU

²⁵ Navutswa himbi ubudiku hagati Paulo na Sila va saala ni vimba tsinyimbu tsyo kwidzominya Nyasaye, kandi avahambe va va huliridza;

Vikolwa 16:25 ပူးပေါင်းရင်းမြစ်များ

Ayubu 35:10

Navutswa si ha veye nomulala u volanga, Nyasaye Mulombi wange a veye haliha? U ku hedzanga liyimba tsinyimbu inyinga yobudiku,

Zaburi 119:55

Nzidzuliye lieta lilyo, O Yahova, mbudiku, Na ng'umiye itorati yoyo.

Zaburi 119:62

Mbudiku hagati nda vuka kukusantidza Kigira amalago gogo malungi.

Zaburi 22:2

O Nyasaye wange, nzanira ive mmbasu, navutswa si u ntivulira; Kandi mbudiku si nkiring'ana mba.

Zaburi 34:1

Nda gasidza Yahova tsinyinga tsyosi: Lidzominywa lilye li la va mmu nwa gwange kazozo.

Zaburi 42:8

Navutswa Yahova a la laga tsimbabasi tsyobuyanzi bwibwe inyinga yombasu; Na mbudiku lwimbu lwilwe lu la va na inze, Kali lisaala ku Nyasaye welivamwoyo lyange.

Zaburi 50:15

Na wanire inze ku lidiku lyekivi: Nda ku honnya, na ive u la nkuminya.

Zaburi 71:7

Inze mbeye kyokugenya ku avanyingi; Navutswa ive u veye kyokwivisa mu kyange kyetsingulu.

Zaburi 77:2

Mu lidiku lyelidambidzwa lyange ndenya Yahova: Mukono gwange gwa nyirwa ubudiku, si gwa dengeya mba; Mwoyo gwange gwa sula kuleminywa.

Zaburi 77:6

Ndidzulitsa ulwimbu lwange lwobudiku: Mbolerana nomwoyo gwange; Na roho gwange gwidera ligali.

Zaburi 91:15

A lanira inze, na inze nda mu tivulira; Nda va halala naye mu lidambidzwa: Nda mu honnya, nokumwidzominya.

Isaya 30:29

Mu la va nolwimbu kuli inyinga yobudiku bwelilia litakatifu li va ho; nobusangali bwemyoyo kuli mundu mulala a gendanga nelilere kuduka ku kigulu kya Yahova, ku Lwanda lwa Israeli.

Zekaria 3:8

Hulira kalunu, O Joshua musalisi mu nene, ive na avakyo avikala imbiri wowo; kigira va li avandu ava li kyokumanyira: kigira, henza, nda leta mutumekiri wange u langwa Kisibu.

Luka 22:44

Naye ya li mu busa liri, na a kira kusaala ligali; kandi ulugeri lwilwe lwa gwa kuli lito nyatonya linene lyamasahi li tonya hasi.

Vikolwa 15:22

Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu:

Vikolwa 16:19

Navutswa avami veve lwa va lola lisuuvira lyavo lyokunyola vyambeti li goti, va gumira Paulo na Sila ni va va kwesa ni va va hila mu kitu imbiri wavanene;

Vikolwa 16:33

Ku isaa zana yobudiku ya va vugula, na a vogidza ubukinduki bwavo; kandi ya batidzwa, uyu navenyumba yeye vosi.

Vikolwa 5:41

Kunangwa va tsia ni ya twula mu kyina, ni va yanza kigira va validzwa kudukana nokuvikwa mu tsisoni kigira lieta yilye.

Varumi 12:12

mu ve avobuyanzi mu lisuuviridzwa; mu ve avikudziri mu lidambidzwa; mu hongere ligali mu lisaala;

Varumi 5:3

Navutswa si ga li yaga geng'ine, navutswa kandi ku sangalira mu kivi kyetu: kigira ku manya kivi ki leta lyekudzira;

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Vafeso 5:19

Mu volerane avene navene mu zaburi, nomu tsi nyimbu, nomu tsinyimbu tsyomu roho, mwimbe nornwoyo mulahi mu myoyo gyenyu ku Mwami;

Vafilipi 2:17

Yee, ni ntsukwa ku isadaka noku butumwa bwelisuuvira lyenyu, nsangala, kandi nsangala halala na mwinye mwosi:

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

Vahebraina 5:7

Uyu mu madiku gege gomubiri lwa ya twulidzira uyu u nyalanga kumuhonnya mu likudza, lisaala nelihomba halala nelilira lyetsingulu namaliga, ya hulirwa kigira ubutii bwibwe bwa ya tia Nyasaye,

Yakobo 1:2

Mu lole bu veye ubuyanzi bwere, avamitu, inyinga mu gwa mu ligeridzwa tsing'ano netsing'ano.

Yakobo 5:13

Mulala ku mwinye a kupanga kivi? A saale. Mulala a veye nekilema mwoyo? Yimbe tsinyimbo.

1 Petro 4:14

Ni mu va ni mu nyegwa kigira lieta lya Kristo, mu veye nobugasu; kigira Roho wobukumi kandi Roho wa Nyasaye a menya ku mwinye.