16 Kandi lwa kwa tsia hokusaala, mukana mulala wa li nomwoyo gwokulagula, ya vugana na kwinye, wa letera avami veve vyambeti vinyingi ku bulaguli bwibwe.
Na ya vitidza mwana wewe muyai hagati homuliru, na ya ng'olera ku malesi, na ya kola busegetiri, na ya tsia ku avevigingi vya syukira, na vakumu: ya kola budamano bunyingi imbiri wa Yahova, kurnuvihiriridza.
Kunangwa Saulo ya kudza kigira lihyola lilye lya ya hyola no kutinguha Yahova, mu likuva lya Yahova, lya ya vula kugumira; kandi kigira ya teva makuva ku mulala wa shukirwa, ku teva kuye,
Na lwa va ku volera, Tsia ku yavo ava veye na roho gyobukumu, noku vasegetiri, ava lagulanga nokufuguma: si ga dukanga avandu kwenya Nyasaye wavo? Ga dukanga va tsie ku vakudzu kigira ava veye mwoyo?
Na mundu u girunkananga kulonda yavo ava veye nemyoyo gyokulagula, noku avavimbuli, kuvalonda mu buheyi, nda henzidza mumoni mwange ku mundu uyu, na nda mu twulidza mu avandu veve.
Ku lidiku lyelisabato kwa vita kiribwa ku twula mu lidala kutsia ku luginga lwomugera, ha kwa vola ni hoku saala; ni kwikala ni ku volera avakali ava vugana.
Ya kola ndiyo madiku manyingi. Navutswa Paulo ya verera ligali, na a girunkana na a volera mwoyo yigwo, Nku laga ku lieta lya Yesu Kristo, u twule kuye. Kandi gwa twula isaa zana yeyo.
Navutswa avami veve lwa va lola lisuuvira lyavo lyokunyola vyambeti li goti, va gumira Paulo na Sila ni va va kwesa ni va va hila mu kitu imbiri wavanene;
Kandi mu likayirwa lyavo va lenyolera madanyi ku mwinye ku makuva gobugadi: avelikalagirwa lyavo kutwula kale si li lindagira, kandi ubwoneku bwavo si bu gona tsindolo.
Samweli ya li ni ya mali kukudza, na Israeli vosi va mu syomera, nokumuta ha Rama, mu lidala lilye mwene. Na Saulo ya li na a mali kutwulidza ava mademoni gelimanya, navasegetiri, va twule mu kivala.
Hene yaho Saulo ya volera vatumekiri veve, Mu nzenyere mukali u veye nelidemoni lyelimanya, nduke kutsia kuye, nokuteva kindu kuye. Na vatumekiri veve va mu volera, Henza, a veye ho mukali mulala u veye nelidemoni lyelimanya ha En-doru.