Vikolwa 15:32 - KITABU KITAKATIFU

³² Kandi Yuda na Sila, avene va li avaprofeti, veganehidza avamitu namakuva manyingi, ni va va luviridza.

Vikolwa 15:32 ပူးပေါင်းရင်းမြစ်များ

Danyeli 11:1

Ku inze, mu muhiga gwokutanga gwa Dario Mumedi, nda singira kumuluviriridza, nokumuha tsingulu.

Matayo 23:34

Kigira yaga, henza, ntuma ku mwinye avaprofeti, navageeri, navang'odi: avalala kuvo mu liita nokuvabamba; navandi kuvo mu la va kuya mu masomero genyu nokuvadambidza mu madala na madala:

Luka 11:49

Kunangwa Ubugeeri bwa Nyasaye bwa vola, Nda tuma avaprofeti navatumwa kuvo; va liita kandi va la kupidza kivi avalala kuvo;

Vikolwa 11:23

Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 11:27

Mu madiku yago avaprofeti va sulunguta kutwula Yerusalemi kuduka Antiokia.

Vikolwa 13:1

Va li ho mu livugana lya li mu Antiokia, avaprofeti navegidzi, Baranaba na Simeoni wa li na a langwa Nigeri, na Lukio wa Kurene, na Manaeni wa nyunnywa na Herodi mwami u kola vavaka, kandi Saulo.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vikolwa 15:1

Kandi avandu valala va sulunguta va twula Ebuyuda ni vegidza avamitu, va vola, Ni mu ta kevwa kuli miima gya Musa si mu nyala kuhonnywa.

Vikolwa 15:22

Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu:

Vikolwa 15:27

Kigira yaga ku mali kutuma Yuda na Sila, ava li mu volera vindu yivi nomunwa.

Vikolwa 15:3

Kunangwa, livugana lya va hereka, ni va vita Foinike na Samaria, va mannya lyeganira lye Tsihiri: ni va yanzidza avamitu vosi ubuyanzi bunene.

Vikolwa 15:31

Lwa va mala kugisoma va yanza kigira lileminnya lyemyoyo.

Vikolwa 15:41

Naye ya vita mu Siria na Kilikia na a luviridza mavugana.

Vikolwa 18:23

Lwa ya mala yo inyinga i duki, ya twula na a vita kivala kya Galatia na Frigia madala namadala, na a dinyeridza avegidzwi vosi mwoyo.

Vikolwa 2:40

Na a va mannya amakuva gandi manyingi, na a veganehidza, na a vola, Mwehonnye ku likula yili likyamu.

Vikolwa 20:2

Lwa ya mala kuvita tsimbega yitsyo, na a veganehidza namakuva manyingi, ya duka Ebugreki.

Varumi 12:6

Kandi ku veye nevihaanwa lugano lugano kuli tsimbabasi tsya kwa hebwa, kinga liprofeta ku profete kuli kigero kyelisuuvira lyetu;

Varumi 12:8

kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

1 Vakorintho 1:8

uyu niye u li mu dinyeridza netsingulu kuduka ku kiheri, mu Dule kuva neki ndu ku mwinye ku lidiku lyo Mwami wetu Yesu Kristo.

1 Vakorintho 14:29

Avaprofeti va vole vaviri kinga vavaka, na vandi videre.

1 Vakorintho 14:3

Navutswa uyu u profetanga a volera avandu vindu vyelyombaka, nevyokukonya, nevyokuleminya mwoyo.

1 Vakorintho 14:32

kandi roho gyavaprofeti gyegehidzira avaprofeti;

Vafeso 3:5

aga vandu vamakula agandi ga vula kumannywa ku vana vavandu, kuli ga vuuleywi kalunu ku vatumwa vatakatifu noku vaprofeti mu Roho;

1 Vatesalonike 2:11

kuli mu manya lugano lwa kwa kola ku mwinye sa mulala, kuli Dada a kola ku vana v eve mwene, ni ku mu luviriridza nokumutsuva nokulolekidza,

1 Vatesalonike 3:2

kandi kwa tuma Timoteo, amitu wetu, mutumwa wa Nyasaye mu ivangeli va Kristo, a duke kuha mwinye tsingulu, nokumuleminya myoyo mu lisuuvira lyenyu;

1 Vatesalonike 4:1

Inyima yaga, avamitu, ku mu goonya nokumweganehidza mu Mwami Yesu, kuli mwa vugula ku kwinye nu bulahi mu gendere nokuyanzidza Nyasaye, kuli mu gendanga, mu duke kukira ligali.

1 Vatesalonike 5:14

Ku tsuva mwinye, avamitu, mu gerehidze yavo avekivihiri, mu luviridze ave myoyo midedekere, mu vike avadedekere tsingulu, mwikudzire ku vandu vosi.

1 Vatesalonike 5:20

mu ta lega ubuprofeti;

2 Vatesalonike 3:12

Kalunu ku laga yavo ava veye ndivo nokuvatsuva mu Mwami Yesu Kristo, va kole miyinzi gyavo nobwehodzeridzi, va lie vyokulia vyavo avene.

1 Timoteo 2:1

Kunangwa nzeganehidza imbiri wamakuva gosi, ga kolwe lisaala na lyegomba, nelisaavira, nelisantidza kigira avandu vosi;

2 Timoteo 4:2

wilwadze likuva; u dinye ku mu tsinyinga tsindahi nomu tsinyinga tsi ta li tsindahi; u gaye, u gondokere, u ganehidze nobwikudziri bwosi nelyegidza.

1 Petro 5:1

Kigira yaga nzeganehidza avakulundu velivugana ava veye ku mwinye, inze u veye mukulundu wakye wavo, nomuloli wobusaliri bwa Kristo, kandi u veye musangi wobukumi bu li lang'aminywa.

1 Petro 5:10

Kandi Nyasaye wetsimbabasi tsyosi wa langa mwinye mu duke kunyola ubukumi bwibwe bwemihiga nemihiga mu Kristo, lwa mu mali kusaliridzwa inyinga inkekeke, mwene a la mu kola avadukanu, nokumusingeridza, nokumuvika tsingulu.

1 Petro 5:12

Mmu ng'odera mwinye amakuva makekeke, nokumuletera mu mukono gwa Silvano amitu wetu musuuvirifu, nungikidza mwinye nokumulolekidzira, yitsi nitsyo tsimbabasi tsyeligali tsya Nyasaye: mwedinyeridze mutsyo.