Vikolwa 15:18 - KITABU KITAKATIFU

¹⁸ Mwami a vola, wa kola vindu yivi vi manyekar e kutwula kale.

Vikolwa 15:18 ပူးပေါင်းရင်းမြစ်များ

Isaya 44:7

Kandi, ni bwaha, kuli inze, u langa, nokwilwadza yaga, nokunombera yaga, kutwula inyinga ya nda vika avandu va kale? Na vindu vidzanga, na vindu vi dukanga, va vilwadze.

Isaya 45:21

Mwilwadze, mu lete makuva, yee va kole makuva halala; ni bwaha wa vuula likuva yili kutwula ku matsya mbiri? Ni bwaha yilwadza likuva yili kale? Si a veye inze, Yahova wa kola? Kandi si ha veye na Nyasaye wundi na a ta li inze, Nyasaye wobulungi, no Muhonnyi; si ha veye nowundi.

Amosi 9:12

va duke kuvugula avatigala va Edom, na vetsihiri vosi ava langwa ku lieta lyange, Yahova u kolanga inkuva yiyi, a volanga.

Zekaria 14:7

navutswa li ia va lidiku lilala lya manye kana ku Yahova; si gu veye mbasu kinga ubudiku: navutswa ga la va, inyinga yomgolova ubulavu bu la va ho.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Matayo 13:35

Ga duke aga volwa nomunwa gwomuprofeti, na a vola, Nda kunula munwa gwange kukupa tsing'ano; Nda vola vindu vya yiswa kutwula inyinga yelirova lya lombwa.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Vikolwa 17:26

Kandi ya lomba tsihiri tsyosi tsyavandu va twule ku mulala kumenya ku lirova lyosi, kandi ya haana munwa gwemihiga, na a kola tsinzako tsyevivala vyavo;

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 3:9

nokukola vosi va duke kulola lugano lwobulindi bwagaviswa kutwula tsinyinga tsinyingi bwa viswa mu Nyasaye wa lomba vindu vyosi;

2 Vatesalonike 2:13

Navutswa ga dukira kwinye kusantidza Nyasaye kazozo kigira mwinye, avamitu avo Mwami a yanza, kigira Nyasaye ya tovola mwinye kutwula invinga yelitanga, mu nyole ubuhonnyi mu litakaswa lya Roho nomu lisuuvira ageligali:

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.