Vikolwa 14:19 - KITABU KITAKATIFU

¹⁹ Navutswa Vayuda valala vadza va twula Antiokia na Ikonio, ni va goonya viduma va lasa Paulo magina, ni va mu kulula ni va mu ta kyova welidala, va ganagana u mali kukudza.

Vikolwa 14:19 ပူးပေါင်းရင်းမြစ်များ

Jeremia 22:19

A la tebwa kuli litebwa lya isukiri, kukweswa nokusigiswa kyova ihale neviribwa vya Yerusalemi.

Vikolwa 13:14

Navutswa navo va vita kutwula Periga, ni va duka Antiokia lya Pisidia. Kandi vingira mu lisomero lidiku lyelisabato ni vikala

Vikolwa 13:45

Navutswa Avayuda vizula imbodoka lwa va lola viduma, ni va hangala ku vindu vya Paulo ya vola, ni va nyega.

Vikolwa 14:1

Kandi vingira halala mu lisomero lya Vayuda mu Ikonio, ni va vola ndi, avekiduma kinene ku Vayuda na Vagreki va duka kusuuvira.

Vikolwa 14:18

Navutswa namakuva yaga va lola ubudinyu viduma vi ta va sikisirira mba.

Vikolwa 14:2

Navutswa Avayuda ava ta suuvira va vukidza myoyo gye Tsihiri ni va va kola va dunyire avamitu.

Vikolwa 14:21

Navo lwa va mala kwilwadza ivangeli mu lidala yilyo, ni va nyola avegidzwi vanyingi, virana Lustra na Ikonio na Antiokia.

Vikolwa 14:26

kutwula yo va nina mu bwato ni va tsia Antiokia, yaho niho ha va vikirwa mu tsimbabasi tsya Nyasaye ku miyinzi gya va maliridzi.

Vikolwa 14:4

Navutswa kiduma kyelidala kyavukana; avalala va li ha luvega ha Vayuda, navandi va li ha luvega havatumwa.

Vikolwa 14:5

Tshihri na Vayuda halala navanene vavo, lwa va va twulira kuvakola ubudamano, nokuvalasa magina,

Vikolwa 15:26

avandu avituma kuhaana livamwoyo lyavo kigira lieta lyo Mwami wetu Yesu Kristo.

Vikolwa 17:13

Navutswa Avayuda va Tesalonike, lwa va hulira Paulo yilwadza likuva lya Nyasaye mu Berea, va tsia yo kandi ni va vukidza ni va gema viduma.

Vikolwa 22:20

kandi amasahi ga Stefano mulolekidzi wowo, lwa ga sundulwa, inze nda singira navo, ni mbugirira, ni ninda tsingubo tsya yavo ava mwiita.

Vikolwa 7:58

Kandi va mu ta kyova welidala, ni va mu lasa magina: navaloli va vika tsingubo tsyavo ha virenge vyomundu musoleli wa langwa Saulo.

Vikolwa 9:16

kigira nda mu mannya vindu vinyingi kumusaliridza, vi la mu gwira kigira lieta lyange.

1 Vakorintho 15:31

Avamitu, mbolanga ku lidzominya lyange lya mbe nalyo kigira mwinye, mu Kristo Yesu Mwami wetu, nkudzanga lidiku nelidiku.

2 Vakorintho 11:23

Va veye avatumwa va Kristo? (Mbola kuli mulalu) inze nkiri; mu miyinzi nkiri kuvita yava, mu libofwa hali kanyingi kuvita, mu likuywa lya vitira, mu likudza hali kanyingi.

2 Vakorintho 11:25

Nda kuywa nempimbo hali kavaka, nda laswa namagina lulala, ndononnyirwa liatu hali kavaka, nda li mu inyanza ubudiku bulala nomhasu mulala;

2 Vakorintho 11:26

mu lugendo hali kanyingi, mu buhimwa bwemigera, mu buhimwa bwavanuuli mu buhimwa bwavehiri yange, mu buhimwa bwe Tsihiri, mu buhimwa mu lidala, mu buhimwa bwomigendanyama, mu buhimwa bwomu inyanza, mu buhimwa bwomu vamitu vobubehi;

1 Vatesalonike 2:14

Kigira mwinye avamitu, mwa gwa avegi ku mavu gano aga Nyasaye ga veye mu Kristo Yesu ge Buyuda: kigira mwinye kandi mwa nyola vindu yivi vyekivi mu mikono gya yavo avehiri yenyu, kuli yavo va vi nyola ku Vayuda:

2 Timoteo 3:11

nelidambidzwa lyange, nobusaliri bwange: ivindu vya ngwira mu Antiokia, nomu Ikonio, nomu Lustra, tsing'ano tsyelidambidzwa tsya ndi kudzera mu: kandi Mwami ya mbonnya ni ya ntwulidza mu tsyosi.