Vikolwa 13:48 - KITABU KITAKATIFU

⁴⁸ Avetshihri lwa va hulira yaga va tsantsalika ni vidzominya likuva lya Nyasaye: ni va suuvira vosi ava vikwa ku livamwoyo li ta hera mba.

Vikolwa 13:48 ပူးပေါင်းရင်းမြစ်များ

Zaburi 138:2

Nda sigama kuyeka ku litempeli lilyo litakatifu, Na nda santidza lieta lilyo kigira tsimbabasi tsitsyo, na ageligali gogo: Kigira u nenehidzi likuva lilyo igulu we lieta lilyo lyosi.

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Matayo 28:16

Kunangwa avegidzwi likumi na mulala va tsia Galilaya, kuduka mu kigulu kya Yesu ya va laga.

Luka 7:8

Kigira inze mbeye mundu mukekeke ku vamehi, kandi mbeye navasikari avakekeke ku inze: kandi mbolera mulala uyu, Tsia, ma a tsia; kandi wundi, Hamba, ma yadza; kandi mutugwa wange, Kola ndi, ma a kola ndiyo.

Yohana 10:16

Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Vikolwa 13:12

Hene yaho munyampara, lwa ya lola aga kolwa, ya suuvira na a genya ku amegidzo go Mwami.

Vikolwa 13:42

Lwa Avayuda va li ni va twula, Avetsihiri va saava va volerwe amakuva yaga ku lisabato lindi.

Vikolwa 15:2

Kandi Paulo na Baranaba lwa va li namahangali namateva ga ta li makekeke navo avamitu va haana munwa, Paulo na Baranaba navandi kuvo vanegire Yerusalemi ku vatumwa navakulundu kigira inkuva yiyi.

Vikolwa 15:31

Lwa va mala kugisoma va yanza kigira lileminnya lyemyoyo.

Vikolwa 2:41

Yavo ava vugula likuva lilye, va batidzwa: kandi lidiku yilyo va daswa avandu kuduka himbi tsielfu tsivaka.

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

Vikolwa 20:13

Navutswa kwinye kwekolerera mu bwato, ni ku tsia Aso, kwa vola ku la vugulira yo Paulo: kigira ya laga ndiyo, mwene yenya kugenda nevirenge.

Vikolwa 22:10

Na inze nda vola, Nkola ki, Mwami? Kandi Mwami ya mbolera, Vuka, u tsie Damasko; u la volerwa yo amakuva gevindu vyosi aga lagwa u kole.

Vikolwa 28:23

Lwa va mala kulagana lidiku, avanyingi ligali vadza kuye mu inyumba yeye mwa ya menya; ya va vuulira na a lolekidzira amakuva gobwami bwa Nyasaye, na a va goonva ligali ku makuva ga Yesu mu lihlga lva Musa nomu ritabu vyavaprofeti, kutwula mugamba kuduka mgolova.

Vikolwa 8:8

Ma bwa li ubuyanzi ubunene mu lidala yilyo.

Varumi 11:7

Kunangwa ni kindu ki? Ikya Israeli ya li ni yenya, yiki si ya ki nyola; navutswa avatovole va ki nyola, navandi va kolwa avadinyu:

Varumi 13:1

Avandu vosi ava veye mwoyo vegehidze ku yava ava veye netsingulu kuvo: kigira si ha veye nowameha u vula kutwula ku Nyasaye; kandi avameha ava veho, Nyasaye ya va vika.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 16:15

Kalunu, avamitu, ngoonya mwinye (mu manye inyumba ya Stefano i veye ubuhya bwa Akaiya, kandi avene vivika kutumekira avatakatifu),

Vafeso 1:11

Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:19

kandi lugano lwobunene kuvita bwetsingulu tsitsye ku kwinye ava suuviri, kuli likola lyobunene bwetsingulu tsitsye,

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 1:5

Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

2 Vatesalonike 3:1

Inyima, avamitu, mu ku saalire, likuva lyo Mwami li lande bwangu nokwidzominywa, kuli li veye mu mwinye,