Vikolwa 13:46 - KITABU KITAKATIFU

⁴⁶ Paulo na Baranaba va luvirira ni va vola, Li nigwa likuva lya Nyasaye li tanga kuvolwa ku mwinye, navutswa kigi ra mu li luguta ihale, kandi si mwelola mu veye avalahi kuduka livamwoyo li ta hera mba, mu henze, kwinye ku girunkanira Tsihiri.

Vikolwa 13:46 ပူးပေါင်းရင်းမြစ်များ

Vikolwa 28:28

Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Matayo 21:43

Kigira yaga mmu volera, Mu la nyagwa ubwami bwa Nyasaye bu hebwe ihiri i leta makuyu gabwo.

Vikolwa 3:26

Ku mwinye Nyasaye ya tanga kusingeridza Mutumekiri wewe na a mu tuma kumuha ubugasu, kuhunzula mwinye vosi mu twule mu budamano bwenyu.

Varumi 2:10

navutswa ubukumi nelidzominywa nemirembe ku vosi ava kolanga bulahi, kutanga ku Vayuda, kandi ku Vagreki:

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

Vikolwa 22:21

Navutswa ya mbolera, Tsia: kigira nda ku tuma u tsie hale kuduka ku Tsihiri.

Vikolwa 13:26

Mwinye avamitu, avana velikula lya Abrahamu, navo ku mwinye ava tia Nyasaye, likuva lyobuhonnyi yibu li letwa ku kwinye.

Yohana 1:11

Yadza kuvyo vivye, navo aveve si va mu bugirira mba.

Isaya 55:5

Henza, ive u la langa ihiri ya u ta manya; kandi ihiri ya vula kumanya ive, i la nyagulira ku ive, kigira Yahova Nyasaye wowo, kandi kigira uyu Mutakatifu wa Israeli; kigira u kuminyi ive.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Vafilipi 1:14

kandi avanyingi ku vamitu va veye mu Mwami va nyoye ubuluviriri ku libofwa lyange, va luviriye ligali kuvola likuva lya Nyasaye bugira ubutii.

Kwidzulitsa 32:21

Va vukidza likendeka lyange nevindu vi ta li Nyasaye; Va vukidza inze ubutima bwange ku vindu vyavo vya vutswa: Na inze nda va kendekidza nayavo ava ta li avandu; Nda vukidza livihirirwa lyavo nehiri isiru.

Vikolwa 13:14

Navutswa navo va vita kutwula Periga, ni va duka Antiokia lya Pisidia. Kandi vingira mu lisomero lidiku lyelisabato ni vikala

Vikolwa 13:5

Kandi lwa va li mu Salamisi vilwadza likuva lya Nyasaye mu masomero ga Vayuda: navo va li na Yohana mutumekiri wavo.

Vikolwa 4:13

Lwa va lola ubuluviriri bwa Petro na Yohana, ni va va manya va veye avandu vatamanyi kandi va ta li avegidzwa, va genya; ni va va manya va li halala na Yesu.

Yohana 4:22

Mwinye mu kola miluka ku kya mu vula kumanya: kwinye ku kola miluka ku kya ku manya; kigira ubuhonnyi bu twula ku Vayuda.

Matayo 10:6

navutswa mu tsie ku magondi aga goti genyumba ya Israeli.

Tsing'ano 28:1

Avadamano viruka inyinga si a li ho mundu kuvalonderera; Navutswa avalungi va veye nobuluviriri kuli king'ang'a.

Vahebraina 11:34

va guuta tsingulu tsyomuliru, va hona ku bwogi bwekivavi, kutwula mu budedekere va hebwa tsingulu, va gwa avagulu mu lihe, va kunga amahe gavageni.

Ezekieli 2:5

Yavo kandi ni i va va la hulira, naho ni i va si va la hulira (kigira yavo va veye inyumba yebaala), navutswa va la manya ya li ho muprofeti hagati havo.

Matayo 21:41

Va mu volera, A lononnya muna avandu vadamano yavo, na a ha avalimi avandi mulimi gwigwe, ava li mu letera mazabibu mu mihiga gyago

Matayo 25:46

Yava va la tsia mu kivi ki ta hera mba: navutswa avalungi va la tsia mu liva mwoyo li ta hera mba.

Vikolwa 9:20

Kandi nonoho yilwadza mu masomero amakuva ga Yesu na a vola a veye Mwana wa Nyasaye.

Vikolwa 19:9

Navutswa avalala lwa va duka kwidinyiridza ni va sula kusuuvira, ni va vola ubudamano ku Inzira yiyi imbiri wekiduma, ya twula na a va leka, ni yahula avegidzwi, na a vola amakuva kazozo mu lisomero lya Turano.