A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.
si ga li ku londa lilagana lya nda kola navaguga vavo mu lidiku lya nda va gumira mukono nduke kuvaleta va twule mu kivala kya Egepeti; lilagana lyange lya vononnya, kali ni nda li musatsa kuvo, Yahova a vola.
Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.
Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.
Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.
Kigira agelilaga lya vula kunyala kukola, kigira lya li lidede kere kigira liva lyomubiri, Nyasaye ya tuma Mwana wewe ligali na a fwana mubiri gwobwoni, kandi kigira ubwoni, na a kalaga ubwoni mu mubiri:
Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.
ni ku ma nya mundu si a volangwa kuva mulungi ku vikolwa vyelilaga, navutswa ku lisuuvira ku Yesu Kristo kali kwinye kwa suuvira Kristo Yesu ku duke kuvola kuva avalungi ku lisuuvira Kristo, si ga li vikolwa vyelilaga: kigira si ha veye nowomubiri u li volwa kuva mulungi ku vikolwa vyelilaga.
Kandi ma ng'oda ga tanga kulola Nyasaye a la vola ku ve Tsihiri ubulungi kigira lisuuvira, ga tanga kwilwadzira Abrahamu ivangeli, ni ga vola, Tsihiri tsyosi tsi la gasidzirwa ku ive.