Vikolwa 13:38 - KITABU KITAKATIFU

³⁸ Kigira yaga, ga manyekane ku mwinye, avamitu, ku mundu uyu mwilwadzwa lisameha lyobwoni:

Vikolwa 13:38 ပူးပေါင်းရင်းမြစ်များ

Zaburi 130:4

Navutswa ku ive ha veye ubusa mehi, Ive u duke kutibwa.

Zaburi 130:7

O Israeli, mu suuviridze Yahova; Kigira tsimbabasi tsyobuyanzi tsi veye mu Yahova, Kandi ubuhonnyi ubunene bu veye muye.

Zaburi 32:1

A veye nobugasu uyu wamahyolo gege ga sameheywi, Wobwoni bwibwe bu kunikeywi.

Jeremia 31:34

Navo va la vula kwegidzana mundu sa mulala nowakye, kandi mundu sa mulala namwavo wewe, kuvola, Mu manye Yahova; kigira va la manya inze vosi, kutwula ku muke wavo kuduka ku munene wavo, Yahova a vola: kigira nda sameha ubudamano bwavo, nobwoni bwavo si nda bwidzulitsa kandi mba.

Ezekieli 36:32

Si nda kola yaga kigira mwinye, Mwami Nyasaye a vola, mu manye yaga: mu ve soni na mu timuke inkolo kigira tsinzira tsyenyu, O inyumba ya Israeli.

Danyeli 3:18

Navutswa ni ga vula kuva ndiyo, ga manyekane ku ive, O mwami, si ku li tumekira vanyasaye vovo, kinga kusigamira kifwananyi kyethahabu kya wa singeridza.

Danyeli 9:24

Masidza makumi gatano na gaviri ga lageywi ku avandu vovo noku lidala litakatifu lilvo, kutwekidza mahyolo, nokuheridza ubwoni, nokukola kyokukunika ubwoni, nokuleta ubulungi bwemihiga nemihiga, nokuvika muhuri ku malola noku buprofeti, noku vaka maguta hatakatifu hokuvita.

Zekaria 13:1

Mu lidiku yilyo kisenukiru ki la senukira inyumba ya Daudi, nava menyi Yerusalemi, kigira ubwoni na kigira busamuku.

Matayo 1:21

Naye a livula mwana muyai; na ive u la mu gulika lyeta lilye YESU; kigira uyu niye u li honnya avandu veve va twula mu bwoni bwavo.

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 1:29

Mugamba ya lola Yesu yadza kuye, na a vola, Henza Mwana weligondi wa Nyasaye, u hila ubwoni bwavomkivala

Vikolwa 10:43

Avaprofeti vosi va lolekidza uyu, ku lieta lilye vosi ava mu suuvira va la nyola lisamefwa lyobwoni.

Vikolwa 2:14

Navutswa Petro ya singira halala nava li likumi na mulala, na a gamba, na a vola, Mwinye avandu ve Buyuda, na mwinye ava menya mu Yerusalemi, yaga ga manyekane ku mwinye, kandi mu huliridze amakuva gange.

Vikolwa 2:38

Petro ya va rolera, Mweganire, mu batdziwe mwosi mu lieta lya Yesu Kristo, mu nyole ubusamehi bwobwoni bwenyu; kandi mu la vugula kihaanwa kya Roho Mutakatifu.

Vikolwa 28:28

Kunangwa ga manyekane ku mwinye, ubuhonnyi, yibu bwa Nyasaye bu hilwa ku vandu ve Tsihiri: navo va la bu hulira.

Vikolwa 4:10

ga manyekane ku mwinye mwosi, kandi ku vandu vosi va Israeli, ga veye ku lieta lya Yesu Kristo wa Nazareti, wa mwinye mwa bamba, kandi wa Nyasaye ya simugukidza mu vakudzi, ku lieta lilye mundu uyu a singira hano imbiri wenyu mulamu.

Vikolwa 5:31

Uyu Nyasaye u mali kumukuminya nomukono gwigwe mulungi a ve Mwami no Muhonnyi, a duke kuha Israeli lyeganira nobusamehi bwo bwoni.

Vafeso 1:7

muye ku nyoye libohololwa lyetu kigira masahi gege, lisamefwa lyelihyola lyetu, kuli ubutugi bwetsimbabasi tsitsye,

Vafeso 4:32

mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Vakolosai 1:14

wa ku veye mu nobuhonnyi bwetu, nobusamehi bwobwoni bwetu.

Vahebraina 8:6

Navutswa kalunu Kristo ya nyoye ubutumwa ubulahi kuvita, ku kigero kya a veye mudukidzi welilagana lilahi, kuvita aga volwa ku lisuuviridzwa lilahi kuvita.

Vahebraina 9:22

Kandi ku lilaga nyala kuvola vi veye himbi vindu vyosi vi takaswi namasahi, kandi bugira lisunduka lyamasahi si ha li ha veye nobusamehi.

1 Yohana 2:12

Mmu ng'odera mwinye, avana vange, kigira ubwoni bwenyu bu sameheywi kigira lieta lilye.