Vikolwa 13:2 - KITABU KITAKATIFU

² Navo lwa va li ni va tumekira Mwami, ni va honga lilia, Roho Mutakatifu ya va volera, Mu ntwulidzire Baranaba na Saulo kigira miyinzi gya mba langira.

Vikolwa 13:2 ပူးပေါင်းရင်းမြစ်များ

1 Kyetsinyinga 16:4

Na ya vika valala ku Valevi va tumike imbiri welisanduku lya Ya hova, nokwidzulitsa nokusantidza no kwidzominya Yahova, Nyasaye wa Israeli:

Danyeli 9:3

Na nda yekidza tsimoni tsyange ku Mwami Nyasaye, kwenya mu lisaala, nomu lihomba, mu lihonga lilia, nomu tsingubo tsyeligunia, nomu ligoke.

Matayo 17:21

Navutswa ku lugano yilu si li twula ni ga ta veye ne lisaala nokuhonga lilia.

Matayo 6:16

Kandi lwa mu honga lilia, mu ta va kuli avagadi, va veye netsimoni tsyokuverera: kigira va kunnya mtsimoni tsyavo, va loleka ku vandu va honga lilia. Ligali mmu volera, Va mali kunyola madanyi gavo.

Matayo 9:38

Mu saale Mwami mwene ligesa, a hile avagesi mu ligesa lilye.

Luka 10:1

Inyima ya yaga, Mwami ya tovola avandi amakumi gatanu na gaviri, na a va tuma se vaviri imbiri wewe, mu madala gosi na hosi ha yenya kutsia mwene.

Luka 2:37

kandi ya li mukunzakali imihiga gyi duka amakumi gatanu na gavaka nemihiga gyine), wa vula kutwula mu litempeli, na a sigamira halala nokuhonga lilia nelisaala ubudiku nombasu.

Vikolwa 10:19

Kandi Petro lwa ya ganagana maloto, Roho ya mu volera, Henza, avandu vavaka va kwenya.

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Vikolwa 13:3

Hene yaho lwa va mala kuhonga lilia, ni va saala, ni va vika kuvo makono gavo, va va tuma va tsie.

Vikolwa 13:4

Kunangwa navo, va tumwa na Roho Mutakatifu va sulunguta kuduka Seleukia; na kutwula yaho va nina mu bwato va tsia Kuporo.

Vikolwa 14:26

kutwula yo va nina mu bwato ni va tsia Antiokia, yaho niho ha va vikirwa mu tsimbabasi tsya Nyasaye ku miyinzi gya va maliridzi.

Vikolwa 20:28

Mwelinde kandi mu linde kyayo kyosi, kya Roho Mutakatifu a mu kola mu ve avalolekidzi, mu duke kulageridza livugana lya Nyasaye lya yegulira namasahi gege mwene.

Vikolwa 22:21

Navutswa ya mbolera, Tsia: kigira nda ku tuma u tsie hale kuduka ku Tsihiri.

Vikolwa 4:36

Kandi Yosefa wa vatumwa va langa lieta lindi Baranaba (lya girunkanywa li vola, Mwana wobuleminyi), Mlevi, navutswa mundu wa Kuporo,

Vikolwa 6:4

Navutswa kwinye ku la hongera mu lisaala nomu butumekiri bwelikuva.

Vikolwa 8:29

Kandi Roho ya volera Filipu, Wisunde himbi u hambane neligari yili.

Vikolwa 9:15

Navutswa Mwami ya mu volera, Tsia: kigira uyu a veye kiju kya tovolwa ku inze, kuhila lieta lyange imbiri we Tsihiri navami, navana va Israeli:

Varumi 1:1

Paulo, mutugwa wa Yesu Kristo, wa langwa a ve mutumwa, wahulwa kigira ivangeli ya Nyasaye,

Varumi 10:15

Kandi va lilwadza ndi bugira kutumwa? Kuli wa ga ng'odwa, Avya li vilahi ki ivirenge vya yavo ava leta amakuva gevindu vilahil.

Varumi 15:16

nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.

1 Vakorintho 12:11

navutswa amakuva yaga gosi Roho zana a kolanga, nokugavulira vosi sa mulala lugano lugano kuli ga a yanza.

1 Vakorintho 7:5

Mu ta sulana avene navene bugira ni mu ta lagani inyinga, mu duke kuva nobwiyangu bwokusaala, ma mu ve halala kandi; Setani a ta duka kumugeridza kigira ku livula kwegaya lyenyu.

2 Vakorintho 11:27

mu miyinzi nomu busaliri, mu lihenzerera hali kanyingi, mu inzala nomu buluhu, mu lihonga lilia hali kanyingi, mu bukindu nomu kyahonyo.

2 Vakorintho 6:5

mu bukinduki, mu libofwa, mu kivihiri, mu miyinzi, mu lididikana, mu lihonga lilia;

Vagalatia 1:15

Navutswa lwa Nyasaye uyu wa nzahula kutwula munda mwa mama wange, kandi wa nanga ku tsimbabasi tsitsye, kuli lwa ya lola bulahi,

Vafeso 3:7

ya nda gwa ku mutumwa, kuli kihaanwa kyetsimbabasi tsya Nyasaye kya nda hebwa kuli miyinzi gyetsingulu tsitsye.

Kwidzulitsa 10:8

Nenyinga yeyo Yahova yahula ihiri ya Levi, va ginge lisanduku lya malago ga Yahova, va singire imbiri wa Yahova kumutumikira, nokugasidza avandu ku lieta lilye, kuduka lero.

Vakolosai 4:17

Kandi mu volere Arikipo amakuva yaga, Linda bulahi ubutumwa bwa wa nyola ku Mwami u duke kubudukidza.

1 Timoteo 2:7

lya inze nda vikwa kuva mwilwadzi kandi kuva mutumwa walyo (mbola ageligali, si mbehanga) mwegidzi we Tsihiri mu lisuuvira nomu ageligali.

2 Timoteo 1:11

Ku yiyi nda vikwa kuva mwilwadzi nomu tumwa, nomwegidzi.

2 Timoteo 2:2

Kandi vyosi vya wa hulira ku inze ku valoli vanyingi, u vike ku avandu avasuuvirifu, ava li dukana kwegidza avandi.

2 Timoteo 4:11

Luka yeng'ine niye wa mbeye naye. U vugule Marko uudze naye hano; kigira ya ndukanga ku butumwa.

2 Timoteo 4:5

Navutswa ive, weli nde ku vyosi, wekudzire ku budinyu, u kole miyinzi gyomwilwadzi wevangeli, u dukidze ubutumwa bubwo.

Vahebraina 5:4

Kandi si ha veye nomundu wevugulira lidzominywa yili mwene, navutswa uyu wa Nyasaye a mu langa, kuli Haruni.

1 Samweli 2:11

Na Elikana ya tsia Rama ku inyumba yeye. Nomwana ya tumekira Yahova imbiri wa Eli musalisi.