Vikolwa 12:7 - KITABU KITAKATIFU

⁷ Kandi henza, ingelosi wo Mwami ya singira himbi naye, ubu lavu bwa ng'ereng'ana mu inyumba: na a dira Petro mu tsimbalu, na a mu vukidza, na a mu volera, Singira bwangu. Neminyororo gyigye gya tonya ni gyi twula ku makono gege.

Vikolwa 12:7 ပူးပေါင်းရင်းမြစ်များ

2 Samweli 22:29

Ive Yahova u veye itaya yange; Na Yahova a la lavidza kisundi kyange.

1 Avami 19:5

Na ya gona hasi, na a gona tsindolo isi womurutemu; na, henza, ingelosi ya mu dira, na a mu volera, Vuka u lie.

1 Avami 19:7

Na ingeiosi wa Yahova yadza kuye hali kaviri, na a mu dira, na a vola, Vuka u lie, kigira lugendo lu veye lunene ligali ku ive.

Zaburi 107:14

Naye ya va twulidza mu kisundi nomu kiriri kyelikudza, Na a kalannya libofwa lyavo.

Zaburi 116:16

O Yahova, ligali mbeye mutume; kiri wowo: Mbeye mutumekiri wowo, mwana womukana mutugwa wowo; Ive u mboholoye ku libofwa lyange.

Zaburi 146:7

U kalagira avadambidzangwa ubu lungi; U lageridza ava veye nenzala. Yahova a boholola avahambe;

Zaburi 34:7

Ingelosi ya Yahova a kumbiridzanga yavo ava mu tidzanga, Na a va hedzanga ubwiyangu.

Zaburi 68:6

Nyasaye a vikanga vaderwa mu bwiko: A boholola avahambe kuvavika mu bwelemeridzi; Navutswa avatinguha va la menya mu kivala kyumu.

Isaya 37:30

Na inkuva yiyi i la va lilolekidza ku ive: mu la lia muhiga guno vimeranga vyene, na mmuhiga gwa kaviri vya sibuka ku vya zana, nomu muhiga gwa kavaka mu tage bugutsa, mu gese, mu simike mizabibu, na mu lie makuyu gagyo.

Isaya 60:1

Yuka, u ng'ereng'ane; kigira vv ubulavu bubwo bu duki, nobukumi bwa Yahova bu kyeye ku ive.

Jeremia 40:1

Likuva lya duka Jeremia kutwula ku Yahova, inyima wa Nebuzaradan munyampara wavalindi ya mu leka kutsia kutwula Rama, lwa ya mu vugula na a veye mu libofwa neminyororo hagati ha vahambe va Yerusalemi na va Yuda, va hilwa ava hambe kuduka Babuloni.

Ezekieli 43:2

Na, henza, ubu kumi bwa Nyasaye wa Israeli bwa loleka ku inzira yevugwe: nomwoyo gwigwe gwa li kuli lihoola lyamadzi manene; nelirova lya ng'ering'ana kigira ubukumi bwibwe.

Danyeli 3:28

Nebukadinezaru ya gamba na a vola, Nyasaye wa Shadaraka, Meshaka, na Abedinego, yidzominywe, u tumi ingelosi wewe, no kuhonnya avatumekiri veve ava mu suuvira, nokugirunkannya likuva lyomwami, nokuhaana mibiri gyavo, va vule kutumekiri nokusigamira munyasaye wundi, u ta li Nyasaye wavo.

Danyeli 6:22

Nyasaye wange u tumi ingelosi wewe, u hani minwa gyeving'ang'a, na vi vuli kundira; kigira ndolekanga imbiri wewe bugira kindu; kandi imbiri wowo, O mwami, si nzoni kindu kali kilala.

Mika 7:9

Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

Habakuk 3:11

Liuva nomweli vya kiring'ana mbugono bwavyo, Ku bulavu bwemibano gyigyo lwa gya gendanga, Ku ling'ereng'ana lyelitimu lilyo li ng'ereng'ana.

Habakuk 3:4

Ubung'ering'anu bwibwe bwa li kuli ubulavu; Ya li netsimemo tsya twula mmukono gwigwe; Na liviswa lyetsingulu tsitsye lya li ho.

Matayo 2:13

Lwa va mala kutsia, henza, ingelosi wo Mwami ya loleka ku Yosefa mmaloto, na a vola, Singira, u hile mwana na mama wewe, wiruke u tsie Egepeti, u menye yo ndadza nduke kukuvolera: kigira Herodi a lenya mwana kumwiita.

Luka 2:9

Kandi ingelosi wo Mwami ya singira ha va li, nobukumi bwo Mwami bwa ng'ereng'ana kuvo tsimbega tsyosi: kandi va tia ligali.

Luka 24:4

Lwa va genya yaga, henza, avandu vaviri va singira navo, vivika tsingubo tsing'ereng'anu:

Vikolwa 10:30

Kornilyo ya mu tivulira, Nda li ni nsaala mu inyumba yange, isaa i kola tsitanu na tsine, kutwula inyinga yeyo lero ni kane, henza, mundu ya singira imbiri wange wiviki tsingubo tsing'ereng'anu,

Vikolwa 12:23

Kandi nonoho ingelosi wo Mwami ya mu duya, kigira si ya ha Nyasaye ubukumi: tsing'ende tsya mu lia na a kudza.

Vikolwa 12:6

Hene yaho Herodi lwa yenya kumu twulidza, ubudiku zana yibwo, Petro ya li na a gona hagati havasikari vaviri na a boheywi neminyororo gyiviri: kandi mu kiliango kya li navalindi va linda inyumba yavahambe.

Vikolwa 12:8

Kandi ingelosi ya mu volera, Wivike ingubo nevilatu vivyo. Naye ya kola. Kandi ya mu volera, Wiyuhire ingubo yoyo, u nonde.

Vikolwa 16:26

bwangu ha li nelidegera linene lyelirova nevikongo vyenyumba yavahambe vya dengeyidzwa: kandi nonoho miliango gyigulika, neminyororo gya vosi gya boholoka.

Vikolwa 2:24

wa Nyasaye ya simugukidza, na a mu boholola mu busaliri bwelikudza: kigira si lya nyalika likudza kudinya kuye.

Vikolwa 5:19

navutswa ingelosi wo Mwami yigula kiliango kyenyumba yava hambe ubudiku, na a va twulidza, na a vola,

Vikolwa 9:3

Kunangwa lwa ya li na a genda ya manya na a duka himbi Damasko: nonoho ubulavu bwa twula migulu bwa ng'ereng'ana kuye tsimbega tsyosi:

Vafeso 5:14

Kigira yaga a vola, Vuka, ive u gonanga, simuguka u twule mu vakudzu, na Kristo a la ku letera ubulavu.

Vahebraina 1:14

Yavo vosi si va veye roho gyobutumwa, gyi tumangwa gyi duke kutumekira yava ava li lia miyandu gyobuhonnyi?

Likunula 18:1

Inyima wevindu yivi nda lola ingelosi wundi yika kutwula migulu, wetsingulu tsinene; kandi lirova lyosi lya lavidzwa nobukumi bwibwe.