Vikolwa 12:19 - KITABU KITAKATIFU

¹⁹ Kandi Herodi lwa ya mwenya na a vula kumulola, ya teva avalindi, kandi ya haana munwa va hilwe kwiitwa. Na mwene ya twula Ebuyuda na a tsia Kaisaria na a menya yo.

Vikolwa 12:19 ပူးပေါင်းရင်းမြစ်များ

1 Avami 20:43

Namwami wa Israeli ya sulunguta kutsia yengo wewe nomwoyo mudinyu, gwobutima na a duka Samaria.

Esther 6:12

Na Morde kai yirana ku kiribwa kyomwami. Navutswa Haman ya bia yengo wewe bwangu nokuvererera, na a kunika mutwe gwigwe.

Jeremia 36:26

Na mwami ya laga Jerameeli mwana womwami, na Seraia mwana wa Azirieli, na Shelemia mwana wa Abideeli, va vugule Baruku mung'odi na Jeremia muprofeti; navutswa Yahova ya va visa.

Matayo 2:1

Inyinga Yesu yivulwa mu Bethlehemu lyo Buyuda mmadiku ga Herodi mwami, henza, Avageeri va twula ivugwe, vadza Yerusalemi, ni va vola,

Matayo 2:13

Lwa va mala kutsia, henza, ingelosi wo Mwami ya loleka ku Yosefa mmaloto, na a vola, Singira, u hile mwana na mama wewe, wiruke u tsie Egepeti, u menye yo ndadza nduke kukuvolera: kigira Herodi a lenya mwana kumwiita.

Matayo 2:16

Kunangwa Herodi, lwa ya lola Avageeri va mkolera kihenyahenye, ya vihirirwa ligali na a tuma avandu ni yiita avana avayai vosi ve Beth lehemu na vosi vekivala kya li himbi, ava duka mihiga gyiviri nava kikiri kuduka, kuli inyinga ya Vageeri va mlungika.

Vikolwa 12:18

Lwa bwa kya avasikari va li nekihenda mwoyo ligali, Petro ya li ndi.

Vikolwa 12:4

Kandi lwa ya mala kumugumira, ya mu vika mu inyumba vavahambe, na a mu vika mu makono gavasikari vane hali kane va mu linde; yenya kumutwulidza a mu vike imbiri wa vandu inyima we Lipasaka.

Vikolwa 12:6

Hene yaho Herodi lwa yenya kumu twulidza, ubudiku zana yibwo, Petro ya li na a gona hagati havasikari vaviri na a boheywi neminyororo gyiviri: kandi mu kiliango kya li navalindi va linda inyumba yavahambe.

Vikolwa 16:27

Kandi mulindi wavahambe ya vuka mu tsindolo na a lola miliango gyenyumba yavahambe gyalami, ya somola kivavi kikye ni yenya kwiita, kigira ya ganagana avahambe viruki.

Vikolwa 21:8

Kandi mugamba kwa tsia ni ku duka Kaisaria: ni kwingira mu inyumba ya Filipu wa li mwilwadzi, mulala ku vandu vatanu na vaviri, ni ku menya naye.

Vikolwa 25:13

Madiku malala lwa ga vita, Agiripa, mwami na Berinike va duka Kaisaria ni va chelidza Festo.

Vikolwa 27:42

Kandi avasikari va vola avahambe viitwe gase valala kvvo va lelema va twule ni viruka.

Vikolwa 8:40

Navutswa Filipu ya loleka mu Azotu: kandi ya vita ni yilwadza ivangeli mu madala gosi kuduka Kaisaria.

1 Samweli 23:14

Na Daudi ya menya mwigendanyama mu lyevisa, nokumenya mu kivala kyevigulu, mwigendanyama lya Zifu. Na Saulo ya mwenya madiku gosi, navutswa Nyasaye si ya mu vika mmukono gwigwe mba.