Vikolwa 11:24 - KITABU KITAKATIFU

²⁴ kigira ya li mundu mulahi ni wizula Roho Mutakatifu nelisuuvira: navandu vanyingi va dasika ku luvega lwo Mwami.

Vikolwa 11:24 ပူးပေါင်းရင်းမြစ်များ

2 Samweli 18:27

Nomulindi ya vola, Nganagana linyagula lya uyu wembiri li veye kuli linyagula lya Ahimaazu, mwana wa Zadoku. Mwami ya vola, A veye mundu mulahi, yadzanga namakuva malahi.

Zaburi 112:5

A veye nobulahi mundu u kolanga tsimbabasi nokuhaana kivete; A la nyola ubulahi ku makuva gege mu likalaga.

Zaburi 37:23

Ligenda lyomundu li lombangwa na Yahova; Naye a sangala ku inzira yeye.

Tsing'ano 12:2

Mundu mulahi a la nyola tsimbabasi ku Yahova; Navutswa mundu wetsiganagani tsindamano a la kalagirwa.

Tsing'ano 13:22

Mundu mulahi a lekera avisukulu veve miyandu; Na ubutugi bwomwoni bu vikeywi avalungi.

Tsing'ano 14:14

Uyu wirananga inyima mu mwoyo gwigwe, a lizula tsinzira tsitsye; Na mundu mulahi a liguta ubulahi bwomwoyo gwigwe mwene.

Matayo 12:35

Mundu mulahi ku vindu vilahi vyomwoyo a twulidza vindu vilahi: kandi mundu mudamano ku vindu vidamano a twulidza vindu vidamano.

Matayo 19:17

Naye ya mu volera, Kigira ki u nteva ku agevilahi? Ha veye no Mulala mulahi. Navutswa ive nu wenya kwingira mu liva mwoyo, u gumire malago.

Luka 23:50

Kandi henza, mundu wa langwa Yosefa wa li munene wekyina, mundu mulahi nomulungi

Yohana 7:12

Kandi limonya linyingi lya duka mu viduma kuye. Avalala va vola, A veye mundu mulahi; avandi va vola, Auwa, navutswa a gada kiduma.

Vikolwa 11:21

Kandi mu kono gwo Mwami gwa li halala navo: na vanyingi ava suuvira va girunkana ni va yeka ku Mwami.

Vikolwa 2:4

Kandi vizula vosi Roho Mutakatifu ni va tanga kuvola netsinimi lugano lugano, kuli Roho ya va ha livola.

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

Vikolwa 24:16

Ku yaga nzidinyiridza kazozo nduke kuva nomwoyo gu ta li nekindu kidamano imbiri wa Nyasaye kandi imbiri wavandu.

Vikolwa 5:14

kandi avasuu viri va daswa ligali ku luvega lwo Mwami viduma vyavasatsa nava kali:

Vikolwa 6:3

Avamitu, henzi avandu vatanu na vaviri ku mwinye va mu manya va veye valahi, avizula Roho nobugeeri, ava ku nyala kuvika mu muyinzi yigu.

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Vikolwa 6:8

Stefano ya li ni yizula netsimbabasi netsingulu, ya kola vyokugenya nevilolekidzu vinene mu vandu.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Varumi 15:15

Navutswa ng'odera mwinye nobuluviriri ligali ha luvega lulala, kumwidzulitsa kandi, kigira tsimbabasi tsya Nyasaye ya mpa,

Varumi 5:7

Kigira nu budinyu mundu kukudzera mundu mulungi: kigira mbula mundu a nyala kuluvirira kukudzera mundu mulungi.