Vikolwa 11:23 - KITABU KITAKATIFU

²³ Naye lwa ya duka na a lola tsimbabasi tsya Nyasaye, ya yanza, na a veganehidza vosi va dinye ku Mwami nobusaaviri bwomwoyo;

Vikolwa 11:23 ပူးပေါင်းရင်းမြစ်များ

2 Avami 18:6

Kigira uyu ya hambana na Yahova; si ya leka kumulonda mba, navutswa ya gumira malago gege, ga Yahova ya laga Musa.

Zaburi 17:3

U geridzi mwoyo gwange; u duki ku inze mbudiku; U mali kumbenzeridza, na si u nyoye kindu; Nsaaviye munwa gwange si gu la hyola mba.

Tsing'ano 23:15

Mwana wange, mwoyo gugwo ni gu veye nobugeeri, Mwoyo gwange gu la sangala, yee, kali gwange.

Tsing'ano 23:28

Yee, uyu a setanga kuli munuuli, Naye a medanga avobugadi hagati ha avandu.

Danyeli 1:8

Navutswa Danyeli ya saavira mu mwoyo gwigwe a vule kwivika mu budamano bwevyokulia vilahi bwomwami, kinga bwewaini ya ya nwedza: kunangwa ya saava munene wevitsiri a vule kwivika mu budamano.

Matayo 16:24

Hene yaho Yesu ya volera avegidzwi veve, Mundu wenya kunonda yigaye mwene, na a vugule musaiaba gwigwe, a nonde.

Marko 2:5

Yesu lwa ya lola lisuuvira lyavo, ya volera wa fwogoya, Mwana wange, ubwoni bubwo bu sameheywi.

Yohana 15:4

Mu menye mu inze, na inze mmenye mu mwinye. Kuli lusya lwene si lu nyala kwama ni lu ta menya ku muzabibu; kandi mwinye si mu nyala kwama, ni mu ta menya mu inze.

Vikolwa 13:43

Livugana lwa lyavukana, Avayuda vanyingi navizamiri valahi va londa Paulo na Baranaba; ava volerana navo ni va veganehidza va menye mu tsimbabasi tsya Nyasaye.

Vikolwa 14:22

Va luviridza myoyo gyavegidzwi, ni va veganehidza va menye mu lisuuvira, kandi ga ku dukira kwingira mu bwami bwa Nyasaye nelisalira linene.

Vikolwa 14:26

kutwula yo va nina mu bwato ni va tsia Antiokia, yaho niho ha va vikirwa mu tsimbabasi tsya Nyasaye ku miyinzi gya va maliridzi.

Vikolwa 15:40

navutswa Palllo ya tovola Sila na a twula, avamitu va mu vika mu tsimbabasi tsyo Mwami.

Vikolwa 20:24

Navutswa si mbalidza livamwoyo lyange kuva kindu ku inze, nyole kudukidza ulugendo lwange, nobutumekiri bwa nda vugula ku Mwami Yesu, kulolekidza ivangeli yetsimbabasi tsya Nyasaye.

Vikolwa 20:32

Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa.

Vikolwa 4:36

Kandi Yosefa wa vatumwa va langa lieta lindi Baranaba (lya girunkanywa li vola, Mwana wobuleminyi), Mlevi, navutswa mundu wa Kuporo,

Varumi 12:8

kinga uyu weganehidza a tumike mu lyeganehidza lilye: u haananga, a haane nobuhaani: uyu wamehanga, a kole nobugulu; uyu u vererera, a mu vererere nobusangali.

1 Vakorintho 15:58

Kunangwa avamitu ava yanze vange, mu dinye, mu ta nyalika kusundwa, mu kole miyinzi gye Mwami nobugulu tsinyinga tsyosi, kigira mu manya liyinzira lyenyu si li veye lya vutswa mu Mwami. Kalunu ku isadaka i vungidzi.

2 Vakorintho 1:17

Kunangwa lwa mla lalira ndi, nda tumekira ligirunkana? Naho vindu vya nda lalira, nda lalira mu mubiri, ku inze ga ve yee yee kandi auwa auwa?

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Vakolosai 1:6

i veye halala nemwinye; kuli wa i veye mu lirova lyosi nokwama makuyu nokumedeka, kuli wa i veye mu mwinye kandi, kutwula lidiku lya mwa hulira nokumanya tsimbabasi tsya Nyasaye mu geligali,

2 Timoteo 3:10

Navutswa ive wa londa megidzo gange, neligenda lyange, nobulaliri bwange, nelisuuvira lyange, nobwikudziri bwange, nobuyanzi bwange, nobwidinyiridzi bwange

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 23:8

navutswa mu hambane na Yahova Nyasaye wenyu, kuli mwa kola kuduka lero.

1 Petro 5:12

Mmu ng'odera mwinye amakuva makekeke, nokumuletera mu mukono gwa Silvano amitu wetu musuuvirifu, nungikidza mwinye nokumulolekidzira, yitsi nitsyo tsimbabasi tsyeligali tsya Nyasaye: mwedinyeridze mutsyo.

1 Yohana 2:28

Kandi kalunu, avana vakekeke vange, menyi muye; kandi na a va na a lolekidzwa ku ve nobuluviriri, kandi ku ta va netsitsoni imbiri wewe ku liduka lilye.

3 Yohana 1:4

Si mbeye nobuyanzi bu vita yibu kuhulira amakuva ga vana vange va gendanga mu ageligali.

Yudasi 1:4

Kigira ha veye navandu valala ava seta kwingira galaha, ava tanga kung'oderwa likalagirwa yili, ava vula kutia Nyasaye, ava girunkannya tsimbabasi tsya Nyasaye wetu tsi duke kuva kifwabwi, avambakana nga Munene wetu muderwa naye no Mwami wetu Yesu Kristo.