Vikolwa 11:21 - KITABU KITAKATIFU

²¹ Kandi mu kono gwo Mwami gwa li halala navo: na vanyingi ava suuvira va girunkana ni va yeka ku Mwami.

Vikolwa 11:21 ပူးပေါင်းရင်းမြစ်များ

2 Kyetsinyinga 30:12

Kandi mukono gwa Nyasaye gwa li ku Yuda kuvaha mwoyo mulala kukola amalago gomwami na ga vanene kuli likuva lya Yahova.

Ezara 7:9

Kigira ya tanga kwane gira kutwula Babuloni ku lidiku lyokutanga lyomweli gwokutanga; na ya duka Yerusalemi lidiku lyokutanga lyomweli gwegyitano, kuli mukono mulahi gwa Nyasaye wewe gwa li kuye.

Ezara 8:18

Kandi kuli mu kono mulahi gwa Nyasaye wetu gwa li halala nekwinye va ku letera mundu mulala wobugeeri, ku avana va Mahali, mwana wa Levi, mwana wa Israeli; na Sherebia halala navana veve navamwavo veve, avandu likumi na vatano na vavaka,

Nehemia 2:18

Kandi nda va volera amakuva gomukono mulahi gwa Nyasaye ugwa li ku inze nobulahi, na makuva gomwami, aga ya volera inze. Navo va vola, Genda, ku vuke, kwombake. Ma va vika ubugulu mmakono gavo ku miyinzi milahi.

Nehemia 2:8

na mbebu e ibaruwa kumbi lire Asafu mulindi womulitu gwo mwami, a duke kumba misala ku lomba vikongo vyeviribwa vyolugaga lwa hambana nenyumba, kandi vyelidigi lyelidala, nenyumba ya inze nyingira mu. Kandi mwami ya mbe tsibaruwa, kuli mukono mula hi gwa Nyasaye wange gu veye ku inze.

Isaya 53:1

Ni bwaha u bugirira makuva getu? Na mukono gwa Yahova gwa vuulirwa bwaha?

Isaya 59:1

Henza, mukono gwa Yahova si gu gehanga ubutambi bwagwo, gu vule kuhonnya; kandi ugutu gwigwe si gu veye muliduhu, gu vule kuhulira:

Luka 1:66

Navo vosi ava ga hulira va ga vika mu myoyo gyavo, ni va vola, Mwana uyu a li va mwana ki? Kigira mukono gwo Mwami gwa li halala naye.

Vikolwa 11:24

kigira ya li mundu mulahi ni wizula Roho Mutakatifu nelisuuvira: navandu vanyingi va dasika ku luvega lwo Mwami.

Vikolwa 15:19

Kigira yaga, ng'anagana ndi, ku ta va nyangidza yava ava twula ku Tsihiri vadza kuyeka ku Nyasaye;

Vikolwa 2:47

vidzominya Nyasaye, ni va yanzeka ku vandu vosi. Kandi Mwami ya va dasira madiku na madiku ava li ni va honnywa.

Vikolwa 4:4

Navutswa vanyingi kuvo ava hulira likuva va suuvira; kandi livalidza lyavo lya li himbi kuduka tsielfu tsitanu.

Vikolwa 5:14

kandi avasuu viri va daswa ligali ku luvega lwo Mwami viduma vyavasatsa nava kali:

Vikolwa 6:7

Likuva lya Nyasaye lya landa; navegidzwi va dasika ligali mu Yerusalemi; nekiduma kinene kyavasalisi kya londa lisuuvira yili.

Vikolwa 9:35

Navo ava menya mu Luda nomu Sharoni vosi va mu lola ni va girunkana ni va yeka ku Mwami.

1 Vatesalonike 1:5

kigira ivangeli yetu si ya duka ku mwinye mu amakuva amere, navutswa mu tsingulu, nomu Roho Mutakatifu, nomu limanyiridza linyingi; kuli wa mu manya lugano lweliva lyetu ku mwinye kigira mwinye.