Vikolwa 11:20 - KITABU KITAKATIFU

²⁰ Navutswa avandi ku vo, avandu va Kuporo na Kurene, lwa va duka Antiokia va volera Avagreki kandi, vilwadza amakuva go Mwami Yesu.

Vikolwa 11:20 ပူးပေါင်းရင်းမြစ်များ

Matayo 27:32

Inyinga va twula va nyola mundu wa Kurene, wa langwa lieta lilye Simoni: mundu uyu va mu niga netsingulu a tsie navo a mu gingire musalaba gwigwe.

Yohana 7:35

Kigira yaga Avayuda va volerana avene, Mundu uyu a li tsia ha li ha, ha kwinye ku li vula kumunyola? A la tsia ku avelyavukana lya Vagreki, ni yegidza Avagreki?

Vikolwa 11:19

Kunangwa yava va salanywa kigira lidambidzwa lya twulira ku Stefano, va tsia kuduka kali Foinike na Kuporo, na Antiokia, si va volera mundu likuva navutswa Avayuda veng'ine.

Vikolwa 11:22

Amakuva gavo ga duka mu matu gelivu gana lya li mu Yerusalemi: ni va tuma Baranaba a tsie Antiokia.

Vikolwa 11:26

lwa ya mala kumulola ya mu leta Antiokia. Kandi muhiga mulala va vugana nelivugana halala, ni vegidza avandu vanyingi: kandi ave gidzwi va tanga kulangwa Avakristayo mu Antiokia.

Vikolwa 11:27

Mu madiku yago avaprofeti va sulunguta kutwula Yerusalemi kuduka Antiokia.

Vikolwa 13:1

Va li ho mu livugana lya li mu Antiokia, avaprofeti navegidzi, Baranaba na Simeoni wa li na a langwa Nigeri, na Lukio wa Kurene, na Manaeni wa nyunnywa na Herodi mwami u kola vavaka, kandi Saulo.

Vikolwa 14:26

kutwula yo va nina mu bwato ni va tsia Antiokia, yaho niho ha va vikirwa mu tsimbabasi tsya Nyasaye ku miyinzi gya va maliridzi.

Vikolwa 15:22

Hene yaho ga yanzidza avatumwa navakulundu halala nelivugana lyosi, kutovola avandu kuvo nokuvatuma halala na Paulo na Baranaba kutsia Antiokia. Yavo ni Yuda wa langwa Barsaba, na Sila, avandu vanene ku vamitu:

Vikolwa 15:23

ni va ng'oda mu makono gavo ndi: Avatumwa navakulundu navamitu, ibarull a yetu ku vamitu ve Tsihiri tsya Antiokia na Siria na Kilikia, mirembe.

Vikolwa 15:30

Kunangwa lwa va mala kuhebwa munwa, va tsia Antiokia; kandi lwa va mala kuvugannya kiduma, va va ha ibaruwa.

Vikolwa 17:18

Kandi avalala ku Vaepikurio na Vasitoiko ava li vafilosofo, va mu nyola. Avalala va vola, Mudemanyi uyu yenya kuvola ki? Navandi va vola, A fwana mwilwadzi wamademone amageni: kigira ya li ni yilwadza Yesu nelisimuguka.

Vikolwa 18:22

Kandi lwa ya mala kwika Kaisaria, yanegira na a chelidza livugana, na a tsia Antiokia.

Vikolwa 2:10

na Frigia, na Pamfulia, na Egepeti, ne tsimbega tsya Libua himbi Kurene, navageni va twula Romi, Avayuda navizamiri,

Vikolwa 4:36

Kandi Yosefa wa vatumwa va langa lieta lindi Baranaba (lya girunkanywa li vola, Mwana wobuleminyi), Mlevi, navutswa mundu wa Kuporo,

Vikolwa 5:42

Kandi ma diku gosi mu litempeli nomu inyumba yavo si va leka kwegidza, nokwilwadza amakuva ga Yesu kuli a veye Kristo.

Vikolwa 6:1

Mu madiku yaga lwa vegidzwi va dasika, Avayuda va vola Lugreki va monya Vahebraina kigira avakunzakali vavo si va lindwa ku butumiki bwavo bwa kazozo.

Vikolwa 6:5

Na livola yili lya yanzidza kiduma kyosi: ni va tovola Stefano, mundu wizula lisuuvira na Roho Mutakatifu, na Filipu, na Porokoro, na Nikanora, na Timona, na Paramena, na Nikola wa li mwizamiri wa twula Antiokia;

Vikolwa 6:9

Navutswa avalala velivugana lya Valiberitino, na Vama kurene, na Vaisikanderi, navo va twula Kilikia na Asia, va twula ni va hangalidzana na Stefano.

Vikolwa 8:35

Ma Filipu ya kunula munwa gwigwe na a mwilwadzira amakuva malahi ga Yesu, ya tanga ku mang'oda yaga.

Vikolwa 8:5

Kandi Filipu ya sulunguta mu lidala lya langwa Samaria, na a vilwadzira amakuva ga Kristo.

Vikolwa 9:20

Kandi nonoho yilwadza mu masomero amakuva ga Yesu na a vola a veye Mwana wa Nyasaye.

Vikolwa 9:29

ni yilwadza ku lieta lyo Mwami nobuluviriri: na a vola na a hangalidzana na Vayuda va vola Lugreki; navutswa venya kumwiita.

1 Vakorintho 2:2

Kigira nda lalira mbule kumanya kindu kali kilala mu mwinye, navutswa Yesu Kristo, uyu u bambeywi.

Vagalatia 2:11

Navutswa lwa Kefa yadza Antiokia, nda li nobuhangali kuye, kigira ya li na a mala kukalagirwa kuva muhyoli.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;